Ruglingur

Stundum ruglast bókhaldið yfir lifendur og dauða.  Ég verð að játa að ég hélt að Mandela væri löngu dauður. Hann var orðinn slík goðsögn í huga mér.  En svo eru líka margir lifandi dauðir svo mér er nokkur vorkunn.  En Mandela var mikilmenni .  Eitt af fáum sem hafði raunveruleg áhrif á mannkynssöguna.  Hann skipar sama sess í huga mér og Magga Tatcher í huga Hannesar Hólmsteins.  Sem segir allt sem segja þarf um HHG og Járnkellinguna.  En minning Mandela mun lifa.  Þess vegna eigum við ekki að syrgja hann.  Heldur heiðra minningu hans með því að taka hann okkur til fyrirmyndar í okkar pólitíska andófi gegn kúgurum allra landa.  Því það er vert að hafa í huga að ýmsu svipar saman með okkur og svertingjum í Suður-Afríku og réttindabaráttan er hvergi nærri á enda. 

Athugasemdir

[Helga Kristjánsdóttir, 6.12.2013 kl. 02:37]

Sammála heiðra minningu hans! Fyrirmyndin er ofurmannleg,bara hugsunin um fangelsið,hvað hann áorkaði þar og skilaboðin sem hann sendi kúguðum. varð að koma við hér og taka undir með þér. Svo stendur maður sig að nenna varla að vakna og vinna smá í desember,fer nánast allt í skatt,en gaman samt að geta það.