Katrín er jafn fölsk og Steingrímur J.

Ef Katrínu hefði verið einhver alvara með sáttatillögu sinni um að halda stjórnarskrárbreytingum á lífi, þá hafði hún getað lagt til að þingheimur endurnýjaði ákvæðið frá 2013.  En það gerði hún ekki vegna þess að VG vill einfaldlega ekki gera neinar breytingar á stjórnarskránni.  Að leggja til eitthvað sem vitað er að sættir engin sjónarmið er óheiðarlegt og vanvirðing við kjósendur. En að nota Lög nr. 91 11. júlí 2013. óbreytt en með framlengdum gildistíma, hefði verið pólitískt klókt því þá tillögu hefði sjálfstæðisflokkurinn átt erfiðara með að hafna.  

Katrín er enginn leiðtogi hún er bara leikbrúða eigin búktals.

Sjálfstæðismenn þeir einu sem voru á móti

Athugasemdir

[Jón Steinar Ragnarsson, 26.9.2017 kl. 12:02]

Ákvæðið frá 2013 er fallið úr gildi. Þú framlengir eitthvað sem fallið er úr gildi fyrir 1 1/2 ári.

[Jóhannes Laxdal Baldvinsson, 26.9.2017 kl. 12:42]

Rétt Jón Steinar, þetta var ónákvæmt orðaval. Hefði frekar átt að skrifa, ...að þingheimur endurnýjaði ákvæðið og svo frv.  Ég hefði líka átt að birta það sem Bjarni lofaði að gera þegar hann og Sigmundur mynduðu Wintris stjórnina

Stjórnskipunarmál Unnið verður áfram að endurskoðun stjórnarskrár lýðveldisins með breiða samstöðu og fagmennsku að leiðarljósi. Lögð verður áhersla á ákvæði um þjóðareign á auðlindum og um þjóðaratkvæðagreiðslur um lög Alþingis að frumkvæði verulegs hluta kjósenda. Í samræmi við núverandi stjórnskipun mun endurskoðun stjórnarskrárinnar fara fram undir umsjón og á ábyrgð Alþingis sem hafa mun vinnu undanfarinna ára til hliðsjónar. Áhersla verður lögð á gagnsæi og upplýsta umræðu með þátttöku almennings.