Sjómannafélag Íslands ehf.

Stjórn Sjómannafélags Íslands er ólöglega kjörin en situr samt í skjóli eigin túlkana á lögum sem dæmd voru ólögleg. Félag sem stýrt er af fámennri klíku félagsmanna og sem neitar að leyfa almennum félagsmönnum að taka ákvarðanir um hverjum þeir vilja fela umboð til forystu, er ekkert annað en ofbeldisseggir og ribbaldar sem fjarlægja verður með atbeina Félagsdóms.

Bergur Þorkelsson hefur ekkert umboð til að bjóða Heiðveigu Maríu einhverjar dúsur. Hann ætti að kynna sér lög félagsins og sérstaklega greinina sem þeir notuðu til að reka Heiðveigu úr félaginu
-----------------------------------------------------------------------------------------
    10. gr.

a) Ef félagsmaður er sakaður um brot á lögum félagsins skal málið tekið fyrir á stjórnarfundi sem ákveður með einföldum meirihluta atkvæða hvort veita skuli áminningu eða víkja félagsmanni úr félaginu. Skjóta má þeim úrskurði til trúnaðarmannaráðsfundar.
b) Hver sá maður er brottrækur úr félaginu, í lengri eða skemmri tíma, sem að áliti trúnaðarmannaráðsfundar hefur unnið gegn hagsmunum félagsins, valdið því tjóni eða gert því eitthvað til vansa. Þetta á einnig við um þá sem ekki hlíta lögum þess eftir gefna áminningu.
c) Hafi félagsmanni verið vikið úr félaginu á hann ekki afturkvæmt í félagið nema inntökubeiðni hans sé samþykkt á lögmætum trúnaðarmannaráðsfundi.
---------------------------------------------------------------------------------------

Eftir dóm Félagsdóms verður ekki betur séð en gera verði breytingar á lögum félagsins og bera þær undir samþykki allra félaga. Þessa endurskoðun verður að framkvæma án aðkomu núverandi stjórnar og trúnaðarráðs. Þessir tindátar sem nú stjórna hafa búið þannig um hnútana að þeir eru nær einráðir um allar ákvarðanir og eina aðkoma hins venjulega félagsmanns er að greiða félagsgjald.

þessir klíkuvinir hafa meira að segja bætt inní lög félagsins heimild fyrir aðra en sjómenn til þess að vera í félaginu og ráðskast með fjármuni þess!
-----------------------------------------------------------------------------------
     4. gr.

Sá sem greiðir félagsgjald telst félagsmaður og hefur óskað eftir að vera félagi.
Félagsmenn geta einnig orðið þeir sem sinna málefnum félagsins og aðrir sem stjórnin metur hæfa hverju sinni.

„Verður að teljast afar sérstakt“

Athugasemdir

[Jóhannes Laxdal Baldvinsson, 8.3.2019 kl. 13:28]

Sem dæmi um virðingarleysi stjórnar þessa einkafélags örfárra manna, er að ekki er hægt að nálgast ársreikninga félagsins og því ómögulegt að skoða ráðstöfun fjármuna. Ekki heldur sjá þessir menn sóma sinn í að birta þar úrskurð Félagsdóms. Baráttan fyrir gagnsæi á langt í land og greinilegt að Bergur Þorkelsson og Jónas Garðarsson ætla að berjast til síðasta blóðdropa og siga svo Jóhanni Páli á alla þá sem birta gagnrýni á netinu eins og undirritaður varð svo áþreifanlega var við fyrir nokkrum dögum síðan. Verst að greyið hann Jóhann Páll var bara að berjast við eigin strámann. Því allt sem hann sakaði mig um sagði ég aldrei!