Þór snappar og Vilhjálmur spinnur

Í bráðum 4 ár hefur stjórnarskrármálið verið á dagskrá.  Margt hefur verið rætt og ritað og margs erum við vísari um leynda galla núverandi stjórnarskrár og mikilvægi þess að gera hér nýjan sáttmála og innsigla hann með nútímalegri stjórnarskrá.  Allt er hér reiðubúið nema Alþingi!  Þjóðin tók málið í sínar hendur, kaus sína fulltrúa og samþykkti uppkastið þeirra með yfirgnæfandi meirihluta atkvæða. En í stað þess að fara að vilja þjóðarinnar, þá þvælast alþingismenn fyrir í þessu máli eins og þeirra sé valdið!  Þetta er náttúrulega glórulaus framkoma og virðingu minni er stórlega misboðið við þessa atlögu hagsmunagæsluklíku fjórflokksins.  Það er ekki nóg með, að það sé búið að breyta upprunalegum texta Stjórnlagaráðs í veigamiklum greinum frumvarpsins, fella út og bæta inní allt eftir hentugleikum valdastéttanna, heldur er nú verið að búta þetta heildstæða frumvarp niður og eyðileggja það.  Ef það er raunin þá styð ég tillögu Þórs Saaris, um að hér verði þing rofið og boðað til kosninga.  Spuni Vilhjálms Björgólfsfóstra, um að þessi tillaga sé ekki þingtæk er bara dæmigerður Samfylkingarspuni.  Alþingi getur auðvitað ályktað um hvað sem það vill.  Hitt er allt önnur umræða hvað ríkisstjórnin eða forsetinn eigi að gera í framhaldinu.  Því um þetta er ekkert í núverandi stjórnarskrá.  Ekki orð um vantraust á ríkisstjórn og hvernig með skuli fara ef samþykkt.  Þess vegna gæti Jóhanna ákveðið að hunza vantraustið ef það yrði samþykkt og sitja áfram í trausti þess, að forsetinn myndi ekki að fyrra bragði rjúfa þing og boða til kosninga.  Hvaða staða væri þá komin upp?  Stjórnin er hvort sem er bara starfsstjórn og vantraustið er bara táknrænt.  Þó að Þór hafi snappað með því að leggja þessa ályktun fram, þá gerir hann sér grein fyrir því, að það er búið að eyðileggja stjórnarskrárfrumvarp Stjórnlagaráðs og eins gott að gera það að kosningamáli næstu kosninga.  Þá getum við refsað þeim sem þvældust fyrir okkur í þessu langmikilvægasta hagsmunamáli lýðveldisins.  Fjórflokkurinn veit sem er, að hans völd munu stórlega skerðast þegar við samþykkjum nýja stjórnarskrá og þess vegna verðum við að útiloka hann í næstu kosningum.  Aðeins 3 framboð mega og eiga skilið að fá atkvæði og það eru Lýðræðisvaktin, Píratar og Hægri Grænir.  Dögun á ekkert erindi að landstjórninni.  Þar eru laumuíhaldsmenn á öllum póstum og spillingin liggur í leyni samanber málaferli Sigurjóns Þórðar og fjölskyldu gegn Reykjavíkurborg og átök Adda Kitta Gau um að komast í uppstillingarnefnd.

Framhaldið verður svo vonandi þannig, að nýtt Alþing kemur saman á stuttu sumarþingi þar sem stjórnarskráin verður rædd og afgreidd sem lög. Þá strax verður svo þing rofið og boðað til kosninga eins og segir í 79. grein stjónarskrárinnar

79. gr. Tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu Alþingi
og auka-Alþingi. Nái tillagan samþykki …1) skal rjúfa Alþingi þá þegar og stofna til almennra kosninga af nýju

Í kosningunum seinna í sumar verður svo enn að grisja þá alþingismenn, sem ekki vilja starfa að almannahagsmunum og þá ættum við loksins að geta farið að horfa hér til framtíðar.  Með fólk sem vill vinna að hag þjóðarinnar eftir reglum sem við ÞJÓÐIN settum.