Allt önnur og betri vinnubrögð

Þessi ráðning á nýjum forstjóra Bankasýslunnar sem virðist vera algjörlega byggð á faglegum grunni sýnir, að það er hægt að útrýma spillingu og klíkuráðningum í stjórnsýslunni ef almenningur veitir aðhald. Ég fullyrði að ef bloggarar hefðu ekki ráðist gegn fyrri ráðningu hins klíkuráðna Páls Magnússonar þá hefði þáverandi stjórn Bankasýslunnar komist upp með að ráða þetta handbendi eigendafélags Framsóknar í jobbið og við hefðum horft upp á einkavinavæðinguna endurtekna. Ekki nema von að Gunnlaugur Sigmundsson hafi lagt til atlögu gegn Teiti Atlasyni í því skyni að þagga niður í honum öðrum til viðvörunar. En þetta spillta lið með sínn illa fengna auð mun komast að því fullkeyptu í viðureign við almenning.  Almenningur hefur varla rumskað en vei þeim sem sýnir yfirgang þegar almenningur  vaknar og krefst réttar síns fyrir alvöru.

Ráðinn forstjóri Bankasýslunnar

Hvaða máli skipta ráðherrahrókeringar?

Til hvers eru allir fjölmiðlar eins og slefandi rakkar að bíða eftir beini útaf þessum hrókeringum Jóhönnu Sigurðardóttur og Steingríms J.?  Halda menn að nýjir (gamlir) ráðherrar breyti einhverju um daglegt líf hér á skerinu...  Auðvitað sjá allir hugsand og gagnrýnir menn í gegnum þessar breytingar.  Þær þjóna aðeins einum tilgangi, sem er að framlengja líf þessarar dauðvona stjórnar um nokkrar vikur.  Og þegar stjórnin springur þá verður það með hvelli og þá munu þeir sem nú var fórnað standa uppi sem sigurvegarar.  Því miður vegna þess að þeir eru óhæfir en þeir eru ekkert óhæfari en hinir 57 þingmennirnir sem nú sitja á Alþingi.  Til að gæta sanngirni þá undanskil ég þingmenn Hreyfingarinnar og Lilju Mósesardóttur

Er mjólk krabbameinsvaldur?

Þessi frétt af rannsókn doktorsnemans og túlkun hennar á niðurstöðum úr rannsókn á "gögnum" eru mjög svo hæpnar svo ekki sé meira sagt.  Hvernig í ósköpunum er hægt að slá því föstu að neyzla mjólkur sé um að kenna en ekki neyzlu á til dæmis reyktum eða söltuðum mat sem mjög var algengur til sveita hér áður fyrr.  Þetta eru ekki þær vísindalegu aðferðir sem gera verður kröfu um að ástundaðar séu á 21. öldinni.  Ef hún hefði haft 2 samanburðarhópa þar sem annar hefði bara drukkið mjólk en hinn vatn, þá hefði hugsanlega verið hægt að draga einhverjar ályktanir en þessar "niðurstöður" eru bara kenningar sem ekki er hægt að sanna. Hins vegar geta svona gervivísindi verið vatn á myllu sertrúarsöfnuða og lífsstílsofstækismanna með ómældum skaða fyrir auðtrúa fólk

Markaðsmisnotkunin og innherjasvikin

Sá seinfæri hefur loksins gefið í skyn að hann muni kannski hugsanlega ákæra helstu stjórnendur stóru bankanna vegna markaðsmisnotkunar sem snérist um að halda uppi fölsku gengi á hlutabréfum bankanna í 3 ár fyrir hrun. Óbreyttum finnst þessi seinagangur á birtingu ákæra með öllu óskiljanlegur.  það er viðurkennt að dómsstólar höndla ekki flóknar ákærur og þess vegna hlýtur að vera betra að gefa út fleiri en eina ákæru því víst eru sakarefnin næg. En hvers vegna heyrist ekkert frá þeim seinfæra varðandi þau augljósu innherjasvik sem sumir fengu að komast upp með óátalið?  Hvað með Bjarna Benediktsson, formann Sjálfstæðisflokksins, sem hefur nú viðurkennt að hafa selt öll sín hlutabréf í Glitni vorið 2008, eftir að hafa aðstoðað föður sinn og frænda við að veðsetja bótasjóð Sjóvár til að koma í veg fyrir hrun á hlutabréfum í bankanum.  Ef þetta er ekki tilefni rannsóknar og ákæru þá verður að sýkna Baldur Guðlaugsson fyrir sams konar brot sem hann var sakfelldur fyrir í héraðsdómi. Hér eiga allir að vera jafnir fyrir lögum. Bjarni Benediktsson og Engeyjarættin eru ekki undanskildir.  Ekki frekar en aðrir innherjar sem hafa verið ákærðir og sakfelldir.

Útvarp Saga stuðar marga

Ég er einn af dyggum hlustendum útvarps Sögu, til margra ára. Og þótt ég sé ekki alltaf ánægður með allt sem þar er borið á borð fyrir hlustendur, þá fullyrði ég að útvarp Saga er eini virki fjölmiðillinn sem veitir stjórnvöldum raunverulegt aðhald.  Þar fá allar skoðanir að njóta sín og þar er aldrei beitt ritskoðun eins og á öðrum miðlum.  Þess vegna er það miður hve margir leggja þessa útvarpsstöð í einelti og rægja eigendur hennar.  Á það sérstaklega við um núverandi varðhunda ríkisstjórnarinnar. Má vera að skýringuna sé að finna í einarðri baráttu Sögu gegn Icesave samningum ríkisstjórnarinnar á undanförnum árum og stuðningi hlustenda við þeirri baráttu. En einn er sá valdsmaður á Íslandi sem lætur alla gagnrýni á útvarp Sögu sem vind um eyru þjóta en það er einmitt sá hinn sami og var kjörinn "Maður ársins 2011" Ólafur Ragnar Grímsson forseti.  Ég held hann sé vel að þessari viðurkenningu kominn og vegur hans sem forseta, hefur farið vaxandi á þessu ári, eftir stanslausa niðurlægingu útrásartímabilsins.  Ólafur hefur þó alltaf verið umdeildur og nú er hann beinlínis hataður af vissum hópi stjórnmálamanna.  En Ólafur lætur engan eiga neitt inni hjá sér og notaði tækifærið í dag til að senda þeim pólitíkusum eiturpillu, sem hæst hafa farið í gagnrýni á hann á þessu ári.  Engum dylst að þar eru þingmenn og ráðherrar VG fremstir í flokki og lét Ólafur þau orð falla, að þeir sem gagnrýnt hefðu störf hans væru þeir sem ekki hefðu lesið Stjórnarskrána og ekki skyldu eðli forsetaembættisins.  Ég hygg að hann hafi þar lög að mæla.  Þetta var magnað viðtal og skora ég á alla að missa ekki af endurflutningi.

En það var í raun annað viðtal á útvarpi Sögu í dag, sem stuðaði mig meira. það var viðtal Markúsar við Þráinn Bertelsson og Lilju Mósesardóttur. En í því samtali toppaði Þráinn þá lágkúru og hroka sem hefur einkennt hans málflutning síðan hann svindlaði sér á þing fyrir 3 árum.  Annað hvort var maðurinn búinn að fá sér í glas eða þá að hann mun fá sér í glas á næstunni. Alkóhólistar þekkja einkennin á fallinu.  Kannski að næsta bók Þráins komi út næsta vor og hafi þá titilinn, "Fallinn aftur"  en þá er ekki víst að meðvirknin verði jafn mikil með hegdun þingmannsins og síðast liðið sumar

Hvað er í gangi á Eyjunni?

Í hvert sinn sem ég fer inn á vefsvæði Egils Helgasonar á Eyjunni þá poppa upp 4 gluggar sem vilja opna forrit í tölvunni hjá mér...

Sjálfstæðismenn ekki á sama máli

Í kvöld tókust sjálfstæðismennirnir Magnús Orri og Bjarni Benediktsson á í Kastljósinu. Það kom á óvart að þeir reyndust ekki sammála.... Nei, ég segi bara svona....

Seinheppinn veðlánari

Okkur er boðið upp á skringilega framsetta frétt á Vísi.is  Það vantar ekki stilbrögðin en aumingja blaðamaðurinn sem skrifaði fréttina skortir greinilega gagnrýna hugsun.  Í fyrsta lagi þá seldi "fórnarlambið í fréttinni" syni sínum kjallaraíbúð í eigin húsi á yfirverði!  Í öðru lagi þá átti sonurinn ekki fyrir utborgun og þurfti að taka allt kaupverðið að láni. Í þriðja lagi þá tapaði enginn nema bankinn!

1. Faðirinn fékk greiddar 14 milljónir út í hönd og þurfti aðeins að veita veð fyrir 2.8 milljónum 
2. Sonurinn átti aldrei neitt í íbúðinni og hefur því aldrei tapað neinu á hruninu
3. Að ætlast til að bankinn gefi eftir veðið svo sonurinn fái gefnar 6 milljónir frá skattborgurum er siðleysi
4. Að fara með þessa sögu í blöðin er seinheppni

Tvöföldum sóknina í makrílinn

Ef ESB heldur að þeir geti hlutast til um innanríkismál Íslendinga þá þarf að senda skýr skilaboð.  Makríllinn er að vísu flökkustofn eða deilistofn, en sker sig úr að því leytinu að hann kemur hingað til að éta.  Hafró þykist hafa mælt þetta og fullyrðir að ESB makríllinn éta milljónir tonna af æti frá okkar staðbundnu fiskstofnum.  Nú vill svo til að við getum verðlagt þessa hafbeit m.t.t til verðs á loðnumjöli, sem er einmitt uppistaðan í fóðri við fiskeldi og hafbeit. Þess vegna er samningsstaða okkar góð.  Við getum sett ESB afarkosti, annað hvort að samþykkja að gefa okkur sjálfdæmi um kvóta eða greiða skaðabætur vegna hagagöngu makrílsins í íslenskri efnahagslögsögu. 

Refsiaðgerðir ef ekki semst í janúar

Anarkismi er lausnin

Ég er anarkisti og lít á alla lagasetningu sem hindrar athafnafrelsi mitt til orðs og æðis, sem kúgun af hendi valdastéttarinnar.  Þar með er ekki sagt að ég sé á móti almennum lögum eða reglum, sem kveði á um réttindi og skyldur.  En almennt talað er lagasetningagleði alþingismanna of mikil. Þess vegna sitjum við uppi með gallaða löggjöf, setta af forréttindastétt sem hugsar fyrst og fremst um sig og sína skjólstæðinga en minna um rétt hins ættlausa og snauða til að tjá skoðanir sínar á mönnum og málefnum. Fjölmiðlalögin voru sett af hræðslu við upplýsingagildi Internetsins og meiðyrðalöggjöfin var sett til að hræða menn frá því að fletta ofan af óvönduðu fólki.  Hvort tveggja er vanhugsað. Stjórnvöld, sem reisa múra milli stétta og mismuna mönnum á grundvelli stöðu og ríkidæmis, eiga aldrei að fá að stjórna.  Jóhönnustjórnin er ráðstjórn.  Í þeim skilningi að þau vilja öllu ráða og þola engum að segja eða gera neitt sem hindrar þau í að halda völdunum. Jóhönnustjórnin er skíthrædd við almenning og þess vegna vilja þau koma böndum á bloggið og fjölmiðlaumræðu almennt. Jóhönnustjórnin myndi loka internetinu ef hún gæti og héldi að hún kæmist upp með það. Jóhönnustjórnin vill ekki rannsaka spillinguna því hún er á kafi í henni sjálf.

Við sem viljum breytt þjóðfélag þurfum ekki að spila eftir þeirra reglum.  Ef við erum nógu mörg þá tökum við völdin og breytum kerfinu. það er ekkert flókið.  Kerfið er bara mannanna verk en ekki náttúrulögmál.