Kvennalistinn

Í kjölfar kvennabyltingarinnar kom Kvennalistinn. Þar fóru fremstar konur sem vildu brjóta hlekki hugarfarsins og tala um stjórnmál á mannlegum nótum en ekki því yfirlæti sem tíðkast hafði. Ég held reyndar að yfirlætið hafi verið til þess gert að fela vanhæfið en það er önnur saga. Kvennahreyfingin kom eins og ferskur blær inn í umræðuna og þær þorðu að standa með sjálfri sér. Fyrstu þingkonur höfðu þann háttinn á að sitja bara í 2 ár og skipta síðan inná varamönnum og mæltist það vel fyrir. En síðan kom Ingibjörg Sólrún og allt breyttist. Ingibjörgu þótti snemma vænt um athyglina og völdin og hún ákvað að sitja sem fastast og hleypa ekki að næsta manni. Þessi breyting varð síðan banabiti kvennalistans, þessi valdagræðgi Ingibjargar Sólrúnar sem nokkrum árum seinni átti eftir að leiða allsherjarhrun yfir þjóðina. Hverjum hefði dottið það í hug á þeim tíma? Þessi saga ætti að vera núverandi valdhöfum holl áminning að valdagræðgi er óvinur lýðræðisins númer 1.  Konurnar á þingi núna standa kynsystrum sínum í Kvennalistanum langt að baki í málefnalegri afstöðu og jafnvel í gáfnafari. Núna setja konurnar forræðistengd mál á oddinn og allur málflutningur tekur mið af tilfinningalegri afstöðu en ekki rökhyggju. Þetta er hluti af þeim vanda sem þingið stríðir við. Bjöllusauðurinn Ásta Ragnheiður og frekjudósin Ragnheiður Ríkharðsdóttir skaða ímynd þingsins meir heldur en nokkurt annað. Og ekki lagast það þegar konur eins og Þórunn Sveinbjarnardóttir eða Ragnheiður Elín og Þorgerður Katrín bætast í hópinn. Ef þetta eru bestu dætur íslands þá eigum við svo sannarlega ekki betra skilið en því neita ég að trúa. Við eigum konur eins og Salvöru Nordal og Sigríði Benediktsdóttur og fjöldann allan af gáfuðum konum. Við þurfum að skipta þeim inná.  Við þurfum nýjan kvennalista

Smáfuglarnir og ég

Nei, ég er ekki að tala um þessa nafnlausu Ég er að tala um tilraunir mínar til að gefa smáfuglunum að borða. Sama hvað ég set út, fuglafóður eða flot, þeir líta ekki við því.  Kannski er ég að bera mig rangt að og þá þætti mér vænt um ef einhver sem les þetta getur gaukað að mér góðum ráðum. Eitt sem mér dettur í hug er hvort rangt sé að setja út mat á disk eins og ég hef gert.  Kannski er betra að setja matinn beint á jörðina?

Var Birgitta hleruð?

Fyrstu vangaveltur mínar varðandi njósnatölvuna voru , þetta er ekkifrétt til að dreifa athygli frá réttarhöldunum gegn níumenningunum. Ég er ennþá þeirrar skoðunar. En eftir stendur samt hver tilgangurinn var, með því að koma þessari tölvu fyrir þarna og hver gerði það. Eru ekki öryggismyndavélar og öryggisgæsla í kringum húsakynni Alþingis? Hvað ef þetta hefði verið sprengja en ekki tölva?

Hvað sem líður ráðleggingum lögreglu þá voru viðbrögð forseta Alþingis röng.

Það átti að upplýsa þingmenn um þessa tilraun til njósna og gefa mönnum tækifæri til að endurskoða persónulegt tölvuöryggi. Þess vegna er ég þeirrar skoðunar að þessi tölva hafi verið sett þarna með vitund forseta Alþingis og tilgangurinn hafi verið að fylgjast með samskiptum Birgittu Jónsdóttur. Birgitta fellur ekki í kramið hjá elítunni á þingi og hún er kunnur aktivisti sem á í samskiptum við erlenda aktivista. Hún er ONE OF A KIND.  Kæmi mér ekki á óvart að ríkislögreglustjóri gæti upplýst málið ef eftir yrði leitað

Viðbrögð þingmanna vekja líka vonbrigði, þeir átta sig ekki á því að forseta þingsins Ástu Ragnheiði Jóhannesdóttur, varð alvarlega á í messunni. Og hana ber að víta

Tvöfalt heilbrigðiskerfi Samfylkingar

Einkenni tvöfaldra kerfa eru þau að þeir sem eru efnameiri geta keypt sér betri læknisþjónustu. Hér er lykilorðið betri. Sá vísir að einkareknum sjúkrastofnunum sem nú er í undirbúningi eða vel á veg komin mun bjóða upp á dýra þjónustu fyrir efnaða útlendinga og þar af leiðandi munu þessar stofur væntanlega geta boðið margfalt hærri laun og sogað þannig til sín hæfasta heilbrigðis starfsfólkið. Eins og ástandið er núna þá er atgerfisflótti hjá íslenskri læknastétt og líkur á að þjónustan versni enn með  auknum niðurskurði. Þess vegna ber að styðja við einkarekna heilbrigðisþjónustu fyrir alla, ekki bara ríka útlendinga. Okkar markmið á að vera að auka efnahagslega velferð þannig að öllum gefist kostur á að kaupa sér bestu þjónustu ef þeir svo kjósa. Það er ekki þar með sagt að allir geri það. En valið á að vera fyrir hendi. Þetta val á að vera sambærilegt við að liggja á einkastofu og hafa einkalækni eða liggja á almennri stofu eða ganginum á Landsspítalanum. Vegna þess að hið almenna heilbrigðiskerfi eins og það hefur verið rekið er alltof dýrt og það hefur verið reynt að veita alltof góða þjónustu. nefni sem dæmi hjartateymi bráðamóttökunnar.  Annað dæmi er þegar sjúklingar eru lagðir inn þá komast menn á frítt fæði sjálfkrafa. Eðlilegt er að menn greiði fyrir eigið uppihald. Sá kostnaður er fastur fyrir alla. Og síðast en ekki síst þá hefur þetta öfluga og góða kerfi sem hér hefur verið rekið af ríkinu alið af sér sjúkdómsvæðingu og háværan kröfuhóp sem er að drepast úr frekju. Læknar fá líka greitt á hvern haus svo þeir ýta undir sjúkdómsvæðinguna frekar en hitt. Einkarekið kerfi er skilvirkara, ekki spurning. Ég hef persónulega notið frábærrar þjónustu og það oftar en einu sinni og ég kann að meta það sem vel er gert en ég geri mér líka grein fyrir að það er ekkert sjálfsagt að öllum standi allt til boða á broti af kostnaði. Til dæmis finnst mér þátttaka heilbrigðiskerfisins í meðferðarprógrammi SÁÁ löngu komin út í öfga. Vogur er sjúklingadrifin stofnun , þar borgar ríkið hverja innlögn óháð því hvort sjúklingur er að koma í fyrsta eða tíunda sinn.Eina sem Þórarinn þarf að gera er að sjá um að alltaf séu öll rými full og það er því miður ekki erfitt. En það er líka verið að misnota kerfið fullyrði ég.

Ég er semsagt meðmæltur einkareknum læknastofum fyrir alla. það er ekki mismunun

Hins vegar hef ég áhyggjur af vaxandi mismunun sem felst í því viðhorfi að ríkt fólk eigi rétt á betri þjónustu vegna þess að það er ríkt. Það er það sem verið er að vinna að sýnist mér með hjálp samfylkingar þingmannsins Magnúsar Orra. Að fá þingmann til að vera talsmann hagsmuna aðila hverju nafni sem nefnist hefur bara einn tilgang og það er að tryggja hagsmuni og vinna að hagsmunagæslu. Þetta á skilyrðislaust að banna.  Til hvers voru mönnum settar siðareglur?

Sérhver Þingmaður á að vinna að almannahagsmunum en ekki sérhagsmunum. Af hverju er þetta enn að þvælast fyrir Alþingismönnum?

Rímar ekki

Ríkissjóður keypti í dag hús undir hluta starfsemi Veðurstofunnar. Við það komust í uppnám tveggja milljarða króna áætlanir um starfsemi gagnavers sem vildi húsnæðið undir starfsemi sína.

Fyrirtækið Datacell vildi starfrækja þar gagnaver. Húsnæðið þótti hentugt og hægt að hefja starfsemi með litlum fyrirvara. Talað var um fjárfestingu upp á tvo milljarða króna og starfsemi sem tryggja myndi tugum manna atvinnu. Samningur um að Datacell leigði húsið og hefði síðan forkaupsrétt á því var nánast tilbúinn í byrjun mánaðarins. Þá barst tilboð frá fjármálaráðuneytinu. Það vildi kaupa húsið fyrir starfsemi Veðurstofu Íslands. Gengið var frá þeim samningi í dag - Datacell situr eftir með sárt ennið og fyrirtætlanir um uppbyggingu hér á landi eru í uppnámi.

1. Er þetta rétti tíminn til að standa í fasteignakaupum til að þenja út ofvaxið ríkisbákn Steingrímur?
2. Hvaða hætta stafar af fyrirtæki eins og Data Cell? 
   
3. Og síðast en ekki síst, var einhver heimild í fjárlögum fyrir þessum kaupum?

Hagsmunir Samskipa

Í kjölfar einkavæðingar Ríkisskipa lögðust strandsiglingar af að mestu hér við land. Í staðinn byggðust upp öflug fyrirtæki landflutninga, sem nú sjá um þá þungaflutninga sem áður fóru um hafnir landsins. Afleiðingar þessara breytinga eru margvíslegar og það eru bæði kostir og gallar. En verst er þó að stjórnvöld hafa enn ekki mótað neina sýn til framtíðar þrátt fyrir skipan starfshópa. Ein af afleiðingum kvótakerfisins eru stórauknir fiskflutningar landshluta á milli með tilheyrandi vegasliti og áhættu og slysakostnaði. Þetta varast menn að nefna þegar samgöngumál eru til dæmis rædd í fjölmiðlum. Alltaf skal krafan um betri vegi stjórna umræðunni. Aukinn túrismi hér á landi mun auka umferð stórra rúta og það sjá allir að okkar tvíbreiðu vegir eru ekki hannaðir fyrir þá umferð. Nú þegar hafa orðið alvarleg slys þegar rútur og flutningabílar mætast. Þess vegna sakna ég alvöru samgönguáætlunar þar sem allt er tekið saman og hagsmunir metnir útfrá þjóðarhag en stór fyrirtæki eins og Samskip ekki látin ráða. Strandflutningar hafa marga kosti og þótt ekki sé beinn hagnaður af slíkri flutningastarfsemi þá er samt svo mikill hulinn kostnaður sem hlýst af óbreyttu ástandi að hiklaust er hægt að réttlæta stofnun ríkisrekins strandflutningafyrirtækis. Endurreisn strandflutninga á að vera hluti af byggðaáætlun og hún mun efla hafnir út um allt land og hjálpa við að halda landinu í byggð.  Flutningar á landi munu þó ekki leggjast af, en nauðsynlegt er að setja reglur um hámarksþunga og banna þessa fiskflutninga með trailerum alfarið. Eða að öðrum kosti skikka menn til að keyra á nóttunni. Það hlýtur að teljast mikil skammsýni að byggja upp vegakerfi þegar umferðin sem kemur í kjölfarið eyðileggur jafnharðan það sem byggt er. Hér er um brýnt hagsmunamál að ræða, mun stærra en að halda Landeyjarhöfn opinni.

Sjálfstæðissinnar sameinist!

Með hverjum deginum sem líður kemur betur í ljós að ríkistjórnin hefur enga stefnu í grundvallar viðfangsefnum hverrar ríkisstjórnar. Og þessi grundvallar mál tengjast óhjákvæmilega og hanga saman.

Eina pólitíska markmið Samfylkingarinnar er að innlima landið í ESB. Það er þeirra efnahagsstefna, atvinnustefna, byggðastefna, menntastefna, auðlindastefna og utanríkisstefna.  VG ráðherrarnir seldu sína stefnu fyrir völd. Valdapólitík einkennir stefnu Steingríms J.

Og hvað hafa aðrir til málanna að leggja? Það virðist harla fátt. Sjálfstæðissinnar þegja þunnu hljóði og híma með hendur í skauti. Sennilega að bíða eftir að AGS fari eða að samingaviðræðum ljúki og þjóðin taki afstöðu til aðildarinnar að ESB. En þetta er ekki sú ábyrga afstaða sem þjóðin á heimtingu á. Við eigum fleiri kosti í stöðunni en að ganga í ESB. Það þarf bara að sýna fram á það! 

Grundvallar atriðið sem allt veltur á er gjaldmiðillinn og peningastefnan. Eigum við að byggja á krónu og redda okkur áfram með fastgengisstefnu eða eigum við að taka einhliða upp US dollar? Á meðan allt stjórnkerfið og Seðlabankinn er undirlagt samningaviðræðum vegna aðildaumsókarinnar þá fer engin raunhæf skoðun á öðrum úrræðum fram. Seðlabankinn er hlutdrægur og löngu tímabært að minnka vald hans. Hér þarf að koma á fót nýrri þjóðhagsstofnun til mótvægis við greiningardeildir bankanna sem nú þegar eru komnar á fullt í að tala upp fasteignamarkaðinn. Menn hafa ekkert lært. 

Stjórnmálamenn verða að fara að taka ákvörðun og móta stefnu til framtíðar. það gengur ekki að skýla sér bakvið ónýtar flokksgirðingar. Aðildarsinnarnir hafa stefnu, sjálfstæðissinnarnir enga.  Það er ekki stefna að segja NEI!

Meira um ríkisstyrkinn til Sjóvár

Ég er enn ekki sáttur við svör Steingríms varðandi björgun á Sjóvá og skil ekki í fjölmiðlum og þingmönnum að láta ekki til sín taka meira en verið hefur. Því það má segja að þetta geti verið prófmál varðandi slæma stjórnsýslu og geðþótta ákvarðanir ráðherra, svonefnt ráðherraræði.

Í fyrsta lagi þá segir Steingrímur að ef Sjóvá hefði farið í þrot þá hefði tapið verið gríðarlegt! Og allir kinka kolli og gera engar athugasemdir! hvernig er það, eru ekki tryggingarfélög með endurtryggingar? Hefðu þær ekki borgað bótakröfurnar að miklu leyti?  Ég heimta svör við þessum spurningum.  Í öðru lagi þá hefur það tíðkast að Tryggingastofnun hefur yfirtekið bótaábyrgð tryggingafélaganna að stórum hluta. Það breytist ekki! Í þriðja lagi þá hafa glæpamennirnir sem gömbluðu með bótasjóðinn ekki enn svarað til saka. Tveir þeirra sitja meira að segja á Alþingi! Askar Capital eru víst aðilar að þessu máli hvað sem menn þræta. Byrjað var að braska með bótasjóðinn strax 2006-2007.  Hverja er verið að vernda í þessu máli? Ef Sjóvá hefði verið sett í þrot þá hefði farið fram opinber rannsókn og menn verið dregnir til ábyrgðar.  Af hverju má það ekki Steingrímur J? Af hverju er Karli Wernerssyni ennþá leyft að eiga og reka fyrirtæki hér á íslandi og okra á sjúkum og öldruðum?
Og hvaða leikaraskapur er þetta núna með söluna á Sjóvá? Er það samkvæmt eigendastefnu ríkisins að selja eigur ríkisins til huldumanna í gegnum banka sem enginn veit hver á? Hvers lags monkey business er þetta og hver hirðir sölu og umboðslaunin? Er það kannski einhver flokksgæðingur? Varla renna þau til Más Seðlabankastjóra sem kaupauki?

Hið rétta er að gjaldþrot Sjóvár hefði engu breytt fyrir ríkissjóð. Tryggingarþegar hefðu fengið skaðann bættan og lífið hefði gengið sinn vana gang. En núna vegna afskipta Steingríms sitjum við uppi með verra þjóðfélag, meiri launung, meiri spillingu og miklu meiri skuldir eftir úrskurð ESA. Þá mun þjóðin sjá hið rétta andlit spillingarinnar og það andlit er ekki bara á Sjálfstæðisflokki og framsókn, nei fjórflokkurinn er samsekur í hruni Íslands. VG eru þar engir eftirbátar. Því landið er enn að hrynja. Steingrímur er ekki að moka flórinn eftir aðra. Hann er að moka gulli í gæðinga úr hirslum ríkisins

Einkavæðing til huldumanna

Mikil tortryggni ríkir nú í þjóðfélaginu varðandi allt er lítur að endurreisn fyrirtækja og sölu frá bönkunum. Þetta var fyrirséð og við þessu var varað. Það var meira að segja fenginn sænskur ráðgjafi til að tryggja betur að réttar verklagsreglur yrðu settar. En hvað gerði hin sjálfumglaða ríkisstjórn? Jú hún gerði allt þveröfugt við ráðleggingar Mats Josefsson. Mats Josefsson ráðlagði strax fjármálaráðherranum, Steingrími J, að gefa út leiðbeiningar um það hvernig bankarnir ættu að haga sér, breyta útlánastefnu þeirra, áhættustýringu og þess háttar. Mats Josefsson ráðlagði líka stjórnvöldum að stofna eignaumsýslufélag, sem ætti að ráðleggja bönkunum varðandi fjárhagslega endurreisn atvinnulífsins og í þriðja lagi ráðlagði Mats, Steingrími að stofna Eignarhaldsfélag til að halda utan um hlut ríkisins í yfirteknum fyrirtækjum.  Nú 2 árum eftir hrun hefur komið í ljós að lítið mark var tekið á ráðgjafanum og það sem var gert var ekki gert með þeim formerkjum sem ráðgjafinn sagði. Þar vekur mestu athyglina eignarhaldsfélagið sem átti samkvæmt tillögum Mats að vera hið eiginlega umsjónarfélag. Þess í stað er bankanum leyft að fara sínu fram með stofnun Vestiu, eigin eignarhaldsfélags sem ríkið , eigandinn, hafði ekkert með að segja og það eina sem Steingrímur gerði, var að setja á laggirnar afgreiðslustofnun sem fékk nafnið Bankasýslan og hefur aðeins eitt hlutverk og það er að samþykkja það sem gert er innan bankanna, svona svipað og varð hlutverk FME fyrir hrun! Enda forstöðumaðurinn fyrrum starfsmaður hins hrunda bankakerfis og býr ekki yfir neinni þekkingu á fjármálamarkaði.

Vestia var hið eiginlega eignarhaldsfélag  og því var komið í hendur vinanna í lífeyrissjóðunum til þess að ríkið væri ekki að skipta sér af. Og núna er verið að einkavinavæða upp á nýtt. Icelandic Group á að selja Samherjafrændunum í gegnum huldusjóðinn Tríton og fjarskiptafyrirtækin munu lenda í höndum velþóknanlegra. Fyrsta verk lífeyrissjóðamafíunnar var náttúrulega að tryggja rétt eignarhald á Icelandair. Þetta er hinn dapurlegi raunveruleiki sem við okkur blasir og allt í boði Steingríms J. Aldrei gleyma því. 

Húsleitin í Seðlabankanum

Ætli hljóðupptakan af samtali Davíðs við seðlabankastjóra Englands hafi nokkuð fundist?