Þjóðarpúlsinn

Þjóðarpúlsinn er mældur á landsbyggðinni.

Skessuhorn á Akranesi
Bæjarins Besta á Ísafirði
Skutull á Vestfjörðum
Víkari í Bolungurarvík
Strandir Strandabyggð á vefnum Hólmavík
Feykir á Sauðárkróki
Vikudagur á Akureyri
Skarpur á Húsavík
Austurglugginn á Reyðarfirði
Ríki Vatnajökuls á Hornafirði
Eyjafréttir í Vestmannaeyjum
Víkurfréttir í Reykjanesbæ
Sunnlenska á Selfossi

Stóru miðlarnir eru bara lygi áróður og neikvæðni út í eitt

Margar þjóðir í landinu

Í landinu búa 6 þjóðir í það minnsta. Ríkir og fátækir,íslendingar og útlendingar, höfuðborgarbúar og landsbyggðarfólk. Kreppan í dag hefur leitt í ljós vaxandi misskiptingu hér á landi sem er áhyggjuefni.  Nú er ekki lengur talað um fólk heldur hópa. Ríkisstjórnin endurspeglar vel þessa stéttaskiptingu með stefnu sinni í fjárlagafrumvarpinu. Á næsta ári verður erfiðast að vera fátækur nýbúi og búa á Suðurnesjum. Nánar tiltekið í Reykjanesbæ. Þökk sé bæjarstjórn Reykjanesbæjar og sérstaklega Árna Sigfússyni að þeim hefur tekist að búa til fyrsta slömmið á Íslandi. Til hamingju með það íbúar Reykjanesbæjar!

Ríkisstjórn Jóhönnu og Steingríms er ríkisstjórn hvítra miðaldra Íslendinga sem búa á Stór-Reykjavíkursvæðinu, eiga hús og bíla, hafa miðlungstekjur og starfa helst á vegum ríkisins.
Það er alltaf erfitt að búa í landi þar sem stjórnvöld taka afstöðu með einum þjóðfélagshóp framar öðrum. Þetta þekkja íbúar dreifbýlisins á eigin skinni. Hér hafa stjórnvöld aldrei haft skilning á mikilvægi hinnar dreifðu byggðar. Stefna stjórnvalda hefur alltaf verið sameining sveitarfélag og minni þjónusta. Atvinnustefna stjórnvalda hefur alltaf verið í formi byggðastefnu á kostnað lítilla sjávarþorpa. Eyðing byggða með því að ræna frá fólki lífsbjörginni, að veiða fisk, þótti sjálfsögð á sínum tíma og þykir enn. Og þegar fólk hefur gefist upp og flutt burt þá er farið af stað og boruð göng! Sennilega svo höfuðborgarbúar geti á auðveldan hátt komist á "hornstrandir" dreifbýlisins og notið náttúrunnar og kyrrðarinnar í friði fyrir innbyggjum.

Af hverju kjósum við þetta óhæfa fólk alltaf yfir okkur trekk í trekk? Við eigum betra skilið

Til hvers 10 fréttir í Sjónvarpinu?

Það er aldrei neitt nýtt. Bara endurtekning. Og veðurfréttirnar algerlega óþarfar. Eins væri fróðlegt að vita, til hvers einkunnarorðin "annað og meira" vísa. Sjónvarpið stendur alla vega ekki undir nafni sem frétta, fræðslu og skemmtimiðill allra landsmanna. Þar örlar hvorki á frumleika né skapandi hugsun. Fyrst var öll aðstaða til að vinna fréttir úti á landi eyðilögð svo eru viðvaningar sendir frá Reykjavík útá land til að búa til fréttir um landsbyggðarfólkið! Er ekki hægt að losna við Sigrúnu og Pál? 

Persona non grata

Ef uppkast mitt að Stjórnarskrá nær fram að ganga þá verður hægt að svipta menn eins og Ólaf Ólafsson í Samskipum ríkisfangi. Ríkisfangslausir menn geta ekki stundað viðskipti. Sjá frétt viðskiptablaðsins hér

Margir eru hinsegin. Ég er öðruvísi

Alltof margir blogga en hafa ekkert að segja
Alltof margir blogga um fréttir til að auka innlit
Alltof margir stunda áróðurs og níðskrif
Alltof margir gagnrýna án þess að benda á lausnir
Svo eru það þeir sem blogga af því þeir fá borgað fyrir það

Guði sé lof fyrir Blogg-Gáttina

Patentlausn á skuldavanda heimila og fyrirtækja

Forsendan er að gjaldþrotalög verði endurskoðuð og tæknileg gjaldþrot viðurkennd (lyklafrumvarpið)

Með vísan í ógildingarheimildir samningalaganna má rifta öllum fjármálasamningum sem liggja að baki lánum landsmanna. Ég legg til að þetta verði gert og mönnum gert að semja um allar skuldir við sína lánadrottna á grundvelli forsendubrestsins sem varð við hrunið. Samhliða fari fram eigna og tekjukönnun sem höfð verði til hliðsjónar hvort lántaki eigi rétt á afskriftum og þá hvað miklum.
Þeir sem af einhverjum ástæðum vilja ekki koma að svona samningum, t.d vegna þess að þeir vilja ekki upplýsa um tekjur eða eignir, þeir aðilar fá enga leiðréttingu hvorki nú né síðar

Ekki verði tekið tillit til ábyrgðaskuldbindinga við þessa vinnu og réttur lánveitenda til að krefjast ábyrgðar af hendi 3. aðila afnuminn með lögum.

Markmiðið er að fá niðurstöðu í þetta ágreiningsmál. Við það skal miðað að þeir sem í dag skulda yfir 110% af markaðsvirði eignar fái að skila lyklum og kröfuhafar eignist þessar eignir og geti annaðhvort selt eða leigt. Ákveði kröfuhafar að leigja, fái fyrrverandi eigendur forgangsleigurétt til 2 ára

Það sem vinnst við svona aðgerð er:

1. Nákvæm skráning eigna og skulda landsmanna sem nýtist í hagtölum við að ná betri tökum
    á hagstjórninni.
2. Betri upplýsingar fyrir skattayfirvöld um tekjur og gjöld
3. lántakendur fá að semja um sínar skuldir miðað við greiðslugetu
4. Kröfuhafar taka á sig afföllin, ekki ríkið (sem er réttlátt því þeir fengu kröfurnar með afslætt)

 

Það sem er öðruvísi við þessa tillögu:

1. Hún leysir menn undan skuldbindingum án þess þó að afskrifa skuldir
2. Hún færir ábyrgðina á forsendubrestinum yfir á lánveitandann að stærstum hluta
3. Öll lán eru núllstillt, miðað við greiðslugetu
4. Markaðsvirði eigna verður endurmetið og leiðrétt
5. Fjármálakerfið öðlast meiri stöðugleika þegar búið verður að hreinsa út ónýt lán

Kosningar strax!

Ég benti strax á fyrir 18 mánuðum að það væri skrýtið að skuldavandinn og fjármál heimila og einyrkja voru færð undir Árna Pál en ekki Gylfa Magnússon. Þá átti öllum að vera ljóst hvaða skilning stjórnvöld báru til þessa málaflokks. Þetta var félagslegur vandi í þeirra augum og átti að leysa með félagslegum úrræðum. sem sagt 3. flokks fólk. Óreiðupésar og minnipokamenn
Nú er komið í ljós að auðvelt hefði verið að koma í veg fyrir þetta ástand með einföldum hætti. En þar sem búið var að skilgreina þetta sem félagslegt vandamál þá voru ekki lengur til stjórnvaldsúrræði til að leiðrétta forsendubrestinn.  Það hefði þýtt að fara hefði þurft inná umráðasvið viðskiptaráðherra og það má ekki samkvæmt hefðinni. Hér er ekki fjölskipuð ríkisstjórn.  Hér eru allir ráðherrarnir smákóngar í ríki sínu og passa vel upp á að enginn troðist inná þeirra valdsvið. Þetta skýrir klúðrið og úrræðaleysið og vangetuna við að bregðast við á réttan hátt. Bæði fyrir hrun en ekki síst eftir hrun.

Og það skiptir engu máli lengur hve mikið Steingrímur og Jóhanna slá sér á brjóst og miklast yfir dugnaði ef ekki er verið að vinna réttu verkin á réttan hátt af réttu fólki á réttum tíma.
Sorglegt dæmi um vanhæfi er umboðsmaður skuldara. Þessi kona hefur engin úrræði. Ekkert vald til að gera neitt. 

Þessi aumingja ríkisstjórn var alltaf vanhæf með þátttöku Samfylkingar. Og til að fela vanhæfið  byrjaði ríkisstjórnin á að grafa sér skotgrafir og þaðan hafa þau verið í stríði við alla þjóðina. Verst að skotgröfin var strax of djúp svo að Steingrímur hefur aldrei séð yfir bakkann.  Hann bara mokar og mokar og dýpkar skurðinn. Nú þurfum við að moka ofan í allar skotgrafir og gefa stjórnmálamönnum frí. Við eigum betra skilið en þetta ömurlega getuleysi óverðleikafólksins

Kosningar strax

Engin verkáætlun kynnt

Var kannski líka veðjað um Landeyjarhöfn?

Vakin er athygki á aldeilis ótrúlega heimskulegri veðmálastarfsemi Lífeyrissjóðs Verkfræðinga árið sem allt hrundi. Eða eins og segir á Vísi.is:

Greint er frá því í Rannsóknarskýrslu Alþingis, að Lífeyrissjóður verkfræðinga og Almenni lífeyrissjóðurinn, hafi tekið þátt í viðskiptum með svonefndar skuldatrygginar á Glitni og Kaupþing, með milligöngu Landsbankans, við svissneskan banka UBS. Þetta var í lok mars, hrunárið 2008.

Þau virðast hafa verið með þeim hætti að lífeyrissjóðirnir sömdu við svissneska bankann um skuldabréf, sem tengdist lánshæfi Kaupþings og Glitnis. Féllu bankarnir, græddu svisslendingarnir, en ef íslensku bankarnir héldu velli til 2013 þá fengju lífeyrissjóðirnir vexti á fjárfestinguna, ef frásögn Rannsóknarnefndarinnar er rétt skilin.

Til að gera langa sögu stutta þá töpuðu lífeyrisjóðirnir milljörðum á þessu, en svissneski bankinn græddi, þegar íslensku bankarnir fóru á hausinn. Upphafleg fjárfesting þeirra var samanlagt einn og hálfur milljarður, en síðar á árinu settu þeir meira í brallið.

Stjórnarformaður Lífeyrissjóðs Verkfræðinga á þessum tíma var Sigurður Áss Grétarsson sem er sem kunnugt er Forstöðumaður Siglingastofnunar, þeirrar sömu og ber ábyrgð á hönnun og gerð Landeyjarhafnar. 

Baugsmálið í nýrri uppfærslu?

Fjölmiðlasýning Geira Smart er byrjuð á mbl.is  Lagatækniflækjurnar sem okkur hefur verið boðið uppá af lögfræðingum útrásardólganna blikna nú í samanburði við rök Andra Árnasonar sem hann notar í frávísunarkröfunni. Er nokkur möguleiki að "Baugsmálið" sé að birtast okkur afturgengið? Að gera þessi réttarhöld að sirkus er vond taktik. Almenningur er ekki í hefndarleiðangri gegn Geir Haarde. En þessi réttarhöld geta þjónað til að varpa ljósi á hvað raunverulega gerðist bakvið tjöldin þennan örlagaríka tíma fyrir "Guð blessi Ísland"  Þess vegna skora ég á Geir að láta þau hafa sinn gang

Kemur til kasta landsdóms

Stjórnlagaþing 5. hluti Almennt um Stjórnarskrána

 Almennt um Stjórnarskrána

 Almennt um hæfi

Eins og nú háttar málum er enginn óháður aðili sem leggur mat á hæfi alþingismanna, ráðherra og pólitískt ráðinna aðstoðarmanna. Eiðstafur tilvonandi alþingismanna er látinn duga, aðrir eru ráðnir út á kunningsskap eða  í  greiðaskyni.  Nauðsynlegt er að um allar ráðningar gildi ákveðið ferli. Í kjölfar hrunsins hafa brotalamirnar í stjórnsýslunni komið betur og betur í ljós. Margir þykjast sjá dæmi um siðblinda embættismenn og stjórnmálamenn sem vaða hér upp út um allt.  Einfalt hæfnispróf sem myndi afhjúpa siðblindu og aðra óæskilega persónuleikaröskun virðist vanta sem tæki til að velja hæft fólk til starfa. Hvort setja þurfi sérstakt ákvæði í stjórnarskrána er álitamál en þetta þarfnast umræðu.

 Ríkistrú

Í núgildandi stjórnarskrá , nánar til tekið 6. Kafla, er ákvæði um að hin EVANGELÍSKA LÚTERSKA KIRKJA SKULI VERA  ÞJÓÐKIRKJA  á Íslandi.  Þetta mundi í dag falla undir trúarbragðamismunun og mannréttindabrot.  Nauðsynlegt er að fella 6. Kaflann á brott í heilu lagi. Hér verður að fara fram lögskilnaður ríkis og kirkju.

 Réttindi og skyldur þegnanna
Árétta þarf rétt þegnanna til fulls tjáningarfrelsis óskoraðs mótmælafrelsis og óskoraða atvinnufrelsis.

Kaflinn um mannréttindi er mjög ófullkominn í núgildandi stjórnarskrá. Þar þarf að skerpa á ákvæðum um eignarrétt ríkis og þegna, hvenær réttlætanlegt sé að beita eignaupptöku og svo framvegis. Einnig þarf að takmarka rétt manna til að stofna og vera í félögum sem beinlínis ógna almanna öryggi, eins og ýmis mótorhjólasamtök og félög eða samtök sem hafa kynþáttaofsóknir á stefnuskrá.  Og svo vantar algerlega að fjalla um skyldur þegnanna.  Skyldur til að hlýða reglum samfélagsins og virða annarra réttindi. Heimilt skuli að svipta þá menn og konur, ríkisfangi, sem brjóta gegn þjóðfélaginu. Árétta þarf hvað felst í trúfrelsi. (margir halda að aðskilnaður ríkis og kirkju þýði að guðsþjónustur og prestverk í kirkjum landsins falli niður) Bannað verði að hengja orður á þjófa og ræningja

 

Landráð

Landráðakafli hegningarlaganna verði felldur inní stjórnarskrána

 Valdaafsal

Bannað verði að gera hvern þann samning við erlent ríki eða ríkjabandalag sem hefur í för með sér skerðingu á sjálfstæði þegnanna og rétti þeirra til að ráða eigin málum.

 Lokaorð

Nú er lokið þessum skrifum um Stjórnlagaþingið og stjórnarskrár uppkastið að sinni.
Öllum frambjóðendum er frjálst að nýta sér þær hugmyndir sem ég hef reifað, að hluta eða í heild.
En ég legg á það þunga áherslu að Stjórnarskrárdrögin verði afdráttarlaus yfirlýsing um sáttmála þjóðarinnar um hvernig hún vill lifa saman í þessu landi.  Þetta er algjört grundvallaratriði.
það munu koma fram óskir um að fella allskonar áhugamál (umhverfis  og friðarsinnar) og hjartans mál (femínistar)og þjóðþrifamál(eignarrétt á auðlindum) inní stjórnarskrána , jafnvel réttlætismál (réttindi homma og lesbía)en þá kemur til kasta þingsins að standa á bremsunni og missa ekki sjónar á takmarkinu. 

• Stjórnarskráin má ekki vekja deilur. Stjórnarskráin er sáttmáli um stjórnskipun, grundvallarréttindi og skyldur. Ekkert annað

Skrár tengdar þessari bloggfærslu:

• tillögur að drögum