Hanna Birna situr enn

Veturseta á valdastól
virðist Hönnu erfið
Hún réð til hjálpar fífl og fól
sem fatta ekki kerfið

Gísli og Þórey þurf 'í raun
í þessu ráðuneyti
að eyða ummerkjum á laun
um eigin tölvuskeyti

DV ekki af sér dró
í einelti þau lagði
En að þeim bara Hanna hló
hristi haus og þagði

Upplýsingar engar gaf
eins og flest við munum
hvort skipt hafi hún sér af
hælisumsóknunum

Embættis óhæfuverk
aldrei fall 'í gleymsku
Orðin þeirra öll ómerk
eigin lýsa heimsku

Um íhald ríkir óeining
öll sín loforð svíkja
og túlka allan ágreining
eins og þjóðin eigi að víkja.

Áfram svona endalaust
eflaust gæti haldið
nema þau fari frá í haust
því fólkið hefur valdið

 

Bjarmalandsför Gunnars Braga

Almennt ríkir fát og flaustur
flestir Úkraínu flýja.
en Gunnar heldur glaður austur
að gamna sér með Deshchytsia

Nú er von að fólkið fagni
framsóknar á bæjunum
Og varaliðið verð'að gagni
vopnað nýju "græjunum"

Svo koma 4 mögur ár.....

Er lægðin yfir landinu
lyfti sér um millibör
Þeir sem stóðu að strandinu
stýra vilja okkar för

Meðal þeirra megum sjá
minni spámenn standa
þurfalinginn Þorstein Má
og þann sem stjórnar Granda 

Sigmundur með maðkað mél
munstrað áhöfn getur
Ásmund setur oní vél
á útkíkkið hann Pétur

Með Bjarna aðeins eiga sess
Illugi og Stjáni
Og vara Hanna vegna þess
að varla er hann bjáni

Ekki fleiri nefna nöfn
nenni ég að sinni
enda fleyið enn í höfn
útaf áhöfninni

 

 

Egils saknað

Egill greyið bitlaus, ber
bókum yfir hengur.
Spegill þjóðar ekki er
Efstaleitis lengur

Glöggir menn sjá að þetta eru sléttubönd því snúið við hljómar vísan:

Lengur Efstaleitis er
ekki þjóðar spegill
Hengur yfir bókum ber
bitlaus greyið Egill

Undirlægjuháttur Þorsteins Pálssonar

Sakna sumir ESB
sem sinnar heimasætu
Og bukta myndu búk og hné
bara ef þeir gætu

blogg Gunnars Braga

Karl Th. og trukkalessan

Höfundinum ei til hróss
að hafa birt á Pressunni
meinsemi gegn "móður ljóss"
en mælt með trukkalessunni

 

Ásmundur Einar

Til að kaffæra kjaftanna vaðal
kominn er maður sem kann
Ásmundur orðinn er aðal
nú aðstoðar Sigmundur hann

Ásmundur: Tel mig hafa tíma

Háskólinn og holan

Í Háskóla heimskunnar vestur á Melum
hirðum við lítt um það hverju við stelum.
Mottóið okkar, að menn bara muni
"merkin" rétt setja svo engan neitt gruni

-Í fjársvelti ríkisins byggðum má blæða
því byggja skal höll hinna íslenzku fræða.-

Atkvæðismunar á Alþingi neytti
ólánsöm Kata sitt samþykki veitti
Framkvæmdir hófust án frekari tafa
fenginn var verktaki, ýta og grafa.

-Í fjársvelti ríkisins byggðum má blæða
því byggja skal höll hinna íslenzku fræða.-

Ef byggja skal höll er að mörgu að hyggja
en helst er það fjármagn sem þyrfti að tryggja
Ei lengur neinn efast að íslensk við erum
eins og með Hörpu við mistök hér gerum

-Í fjársvelti ríkisins byggðum má blæða
því byggja skal höll hinna íslenzku fræða.-

Áður en börn okkar detta í brunninn
byrgja þarf svæðið og moka í grunninn
Uppi í Háskóla enginn er friður
því Illugi ákvað að skera þar niður

-Í fjársvelti ríkisins báðum má blæða
byggðum og byggingu íslenzkra fræða.-

Alþýðan þarf ekki höll hinna heimsku
í huga sér geymir svo fall' ekk' í gleymsku
dýrmætar sögur og dróttkvæðin þungu
dýrustu djásn hinnar íslensku tungu

-Í fjársvelti ríkisins báðum má blæða
byggðum og byggingu íslenzkra fræða.-

 

Ríkisstjórnin og "Holan"

Ofan í holuna með þetta hyski
sem heldur að arður af óveiddum fiski
eign hinna útvöldu eigi að vera
en alþýðan kostnaðinn ein megi bera

Fyrirheit sjálfum sér glæstust þeir gefa
en gjarnan skít öðrum er skammtað úr hnefa
Nú íslenzkufræðingar fá ekki stæði
í forgrunni musteris undir sín fræði

Örlætisgjörningur

Tvöfeldnina telja má
tilganginum þjóna
Sýrlendingum senda á
sex milljónir króna

Örlætið sem í því felst
engu máli skiftir
því allt sem ei til tekna telst
tryppið Vigdís riftir

Veita 6 milljónir til flóttamanna