Svona á að vinna á Alþingi

Ég er viss um að það hefur tekið á fyrir brussuna Álfheiði að viðurkenna að andstæðingurinn hefði lög að mæla.  En það er einmitt svona sem á að ræða sig til niðurstöðu.  Hlusta á rök hvers annars og taka síðan skynsamlegustu ákvörðunina óháð frá hverjum hugmyndin kemur.  Ég er ekki hrifinn af spillingarsögu Sjálfstæðisflokksins sem hann neitar að horfast í augu við eða taka á en ég verð að játa að ég hef á þessu kjörtímabili oftar en ekki verið sammála gagnrýni sjálfstæðismanna en rökum stjórnarmeirihlutans fyrir röngum ákvörðunum.  Mér er næst að halda að ekki sé hlustað á skynsemina nema hún komi úr réttum kjafti sem hefur verið vottaður af flokksklíkum VG og SF.  Eða hvernig á að skilja þá þöggun sem tillögur Lilju Mósesdóttur hafa hlotið í þingliði Steingríms Vaðlaheiðartrölls?

Ef hin breytta afstaða Álfheiðar Ingadóttur er merki um breytta tíma og breytt vinnubrögð þá ber að fagna því.  En við skulum líka passa að fagna ekki of snemma. Þetta lið er ekki að vinna fyrir okkur.  Þau eru fyrst og fremst að vinna fyrir flokkinn sinn!

Rangt að breyta því sem reynst hefur vel

Athugasemdir

[Sigurður Haraldsson, 20.11.2012 kl. 14:54]

Vaðlaheiðatröll? Velkomin í Kaffi á Fellsenda næstu þrjá daga samlandi góður og komdu yfir Víkurskarð! Búðu þig vel og með GPS tæki því að 90% líkur eru á að þú þurfir að labba á milli svæða til að komast!

[Jóhannes Laxdal Baldvinsson, 20.11.2012 kl. 17:46]

Hvar er þessi Fellsendi?  Ert þú ekki ættaður frá Jaðri í Reykjdal?  En líkingin við tröllið segir ekkert til um hvort ég sé á móti jarðgöngunum eða ekki. Það er blekkingarleikurinn með fjármögnunina sem ég sætti mig ekki við