Að slá sig til lukkuriddara

Jón Bjarnason er furðulegasti þingmaður sem Ísland hefur alið.  Þrátt fyrir að búa ekki yfir neinum þeim mannkostum sem alla jafna eru taldir til prýði þá hefur hann öðlast sterka stöðu í sínu kjördæmi enda stundað grímulausa hagsmunagæslu í eigin þágu, fjölskyldu sinnar og heimamanna í Skagafirði.  Svona menn mundu aldrei ná kjöri ef kosningalögin hér væru réttlát og kjördæmaskiptingin ekki sniðin að hagsmunum flokkanna.  Nýja stjórnarskráin mun leiðrétta þann lýðræðishalla sem er innbyggður í núverandi stjórnarskrá og þá munum við losna við afturhalds pólitíkusa eins og Jón Bjarnason sem aldrei hefur lagt neinu framfaramáli lið.  Í ráðherratíð sinni vann hann á bak við tjöldin við að úthluta bitlingum og dúsum og skipa syni sína í feitar stöður og ættingja samflokksmanna í allar stöður sem undir hann heyrðu. Yfir ráðherradómi Jóns er bara eitt orð.  Nepotismi. Nú er Jóni beitt gegn Arion banka. Arion banki vill eignast Sparsjóð Skagfirðinga og það vill Kaupfélagsmafían ekki að gerist.  Þess vegna hleypur Jón Bjarnason til og slær sig til lukkuriddara í þágu Þórólfs Gíslasonar sem er hinn raunverulegi Goði þeirra Skagfirðinga og sá sem öllu ræður í Framsókn og hjá VG í gegnum Jón Bjarnason.  Sennilega á sparisjóðakerfið sér ekki viðreisnarvon.  Ef heimamenn hafa burði þá kaupa þeir sjálfir sinn sparisjóð til baka úr klóm Arion banka.  En að ríkið komi til enn eina ferðina kemur ekki til greina.  Þetta er mál heimamanna og Arion banka..Á Jón verður ekkert hlustað

Fréttin á RUV