Samráðsgáttin vegna Klukkunnar

Þetta setti ég inná Samráðsgáttina í nótt.

#344 Jóhannes Laxdal Baldvinsson - 11.01.2019

A. Almennt talað þá tel ég að líkamsklukka einstaklinga sé ólík. Í öðru lagi þá er ég á móti forræðishyggju og "fræðslu" fyrir fullorðið fólk. Þess vegna vel ég ekki A.

B. Að seinka klukkunni um 1 klst til að unglingarnir okkar fái meiri svefn eru ekki nægileg rök í mínum huga. Lausnin á því vandamáli er að fara fyrr að sofa. Þarna kemur mismunandi líkamsklukka líka inní. Á Íslandi er skammdegið ekki þrúgandi fyrir meirihluta Íslendinga. Þar spila aðrir þættir stærra hlutverk eins og meðfætt þunglyndi. Að seinka klukkunni til að leiðrétta fyrir rangri hnattstöðu eru gild rök en breyta engu fyrir lýðheilsuna. Hringl með tímann er ekki nauðsynlegt. Get ekki valið B.

C. Með útilokunaraðferðinni er C eini rétti valkosturinn. Ég vel C.

En svo er líka hægt að hætta að vera þræll klukkunnar. Hefur það ekki hvarflað að neinu af þessu góða fólki sem yfir okkur vakir!

Athugasemdir

[Hrólfur Þ Hraundal, 11.1.2019 kl. 20:15]

Klukka er bara tæki til að segja okkur sólstöðu nákvæmar á ákveðnum stað á Jörðinni, hvort sem við sjáum hanna eða ekki.  En allar klukkur á íslandi segja ósatt, en það er ekki klukkunni að kenna, heldur heimskum Íslendingum sem gefa skít í vísindalegar niðurstöður.  Það getur svo hver sem er vakið og sofið hvenær sem honum líst best, Klukkur hafa ekkert með það að gera.  En það er Íslendingum kannski nauð sin að hafa svona þrasmál til staðar ár eftir ár, heilsu þeirra vegna.

[Jóhannes Laxdal Baldvinsson, 11.1.2019 kl. 20:33]

Þessi gerviþörf mannsins að vera sífellt syncroniseraður við alla aðra menn er afsprengi áráttunnar um að fylgjast sífellt með klukkunni. Ég hef vanið mig af hvoru tveggja og líður ágætlega með það.  Sef þegar ég er þreyttur og borða þegar ég er svangur. Blogga þegar ég er leiður og vinn þegar ég nenni. Veit að á mínu svæði er sólin í hásuðri klukkan 13:30 og það truflar mig ekki neitt.