Er Steingrímur J óheiðarlegasti þingmaður lýðveldisins?

Það væri að bera í bakkafullan lækinn að segja eitthvað ljótt um Steingrím J, því nóg er þar samt og allt satt!  Tel samt ástæðu til að nefna eitt mikilvægt atriði sem ekki rataði í fjölmiðla þótt fullt tilefni hafi verið til.  Og þetta snertir beint málsókn útgerðanna 7 vegna makrílreglugerðar Jóns Bjarnasonar og hinna pöntuðu viðbragða Kristjáns Samherjamögurs , vegna dóma Hæstaréttar frá því í desember 2018.

Hér á eftir er útdráttur úr umræðum á þingi eftir að Þorgerður K, kvartaði undan seinagangi í svörum við fyrirspurn um efni ákæra 7 Stórútgerða á hendur ríkissjóði til innheimtu millarðatuga krafna, sem Samherjaráðherrann hafði reynt að svæfa í þinginu!

En dæmi hver fyrir sig:

Forsætisráðherra (Katrín Jakobsdóttir) (Vg):

Herra forseti. Mér þykir slæmt ef boðleiðir eru of langar en af því að hv. þm. Þorgerður Katrín Gunnarsdóttir gerði að umtalsefni fyrirspurn til mín sem varðaði málaferli vegna makríls þar sem ríkislögmaður grípur til varna vil ég gera grein fyrir því máli. Hv. þingmaður rökstuddi það með því að þessi fyrirspurn ætti heima hjá forsætisráðherra og að embætti ríkislögmanns heyrði undir forsætisráðherra, en hver og einn ráðherra ber ábyrgð á þeim málum sem falla undir hann. Þetta tiltekna mál heyrir undir hæstv. sjávarútvegs- og landbúnaðarráðherra og því ætti að beina fyrirspurninni til hans. Það er alllangt síðan forsætisráðuneytið endursendi þinginu fyrirspurnina með ósk um að henni yrði beint til sjávarútvegs- og landbúnaðarráðherra. Ég vona að hv. þingmaður hafi fengið þau skilaboð frá Alþingi því að það er alllangt síðan forsætisráðuneytið sendi þau frá sér.

Forseti (Steingrímur J. Sigfússon):

Það er greinilega eitthvað sem þarf að kanna, hvort mistökin liggi þá hjá okkur á skrifstofu Alþingis eða mér, að boðin hafi ekki gengið áfram frá ráðuneytinu til hv. þingmanns. Rétt er að biðjast fyrir fram velvirðingar á því en þetta verður kannað.

 

 

Sakar Steingrím um að ljúga og misnota aðstæður

Athugasemdir

[Jón Steinar Ragnarsson, 19.4.2020 kl. 11:24]

Katrín er að vísa til þingmanns Pirata og að upplýsingum hafi verið dreift. Ssteingrímur, vitandi að hann er ekki sekur, segir einfaldlega að rétt sé að athuga málið til að hið sanna komi í ljós og fullyrðir ekkert.

Steingrímur er forseti alþingis.

[Jón Steinar Ragnarsson, 19.4.2020 kl. 11:26]

Steingrímur á vissulega íslandsmet í óheiðarleika og tvöfeldni, en ekki þarna.

[Jóhannes Laxdal Baldvinsson, 19.4.2020 kl. 12:03]

Sæll Jón, Ég held þú verðir að lesa þessa útskrift af orðaskiptunum betur!  Katrín segir að hún hafi fyrir löngu svarað þeirri fyrirspurn sem til hennar var beint með því að leiðbeina um til hvaða stjórnvalds væri rétt að beina þessari fyrirspurn. Steingrímur sem milligöngumaður kaus hins vegar að koma þessum skilaboðum ekki til Þorgerðar og þess vegna dróst það um einhverja daga eða vikur að við fengjum fregnir af, hverjir stóðu að Makrílstefnunni og upphæðum krafnanna.  Steingrímur er á móti því að þingmenn séu að spyrja ráðherra út í hin ýmsu mál. Hann hefur opinberlega lagt til að frestur til svara verði lengdur umtalsvert, sem þýðir ekki annað en að ráðherrar fá aukið svigrúm til að fullfremja illa grunduð embættisverk. Ég skil ekki hvað honum gengur til nema að framsóknargenið sé orðið dóminerandi í persónuleika hans.

En takk fyrir seinni athugasemdina, þar erum við þó sammála.

[Jóhannes Laxdal Baldvinsson, 19.4.2020 kl. 12:11]

Vegna þess að við búum við ófullkomna stjórnatskrá þá eru völd fagráherra alltof mikil. Þó að forsætisráðherra fari fyrir ríkisstjórn að nafninu til þá hefur hann ekkert beint boðvald yfir þeim.  Getur ekki skipt sér af nema stefna samstarfi í voða. En Katrín hefur fundið leiðir til að koma vilja sínum í verk. Það var hennar verk að Sigríður var látin taka pokann og það var óbeint henni aðþakka að upplýst var um makrílstefnurnar.  Það gerði hún með því að skipta út manni í ÚUU og síðan að senda ríkislögmann í veikindaleyfi.