Sorglegt

 Frétt af mbl.is

Lögreglan girðir þinghúsið af
Innlent | mbl.is | 17.1.2011 | 14:22

Lögreglan hefur girt af þinghúsið við Austurvöll

en búið er að boða til mótmæla við Alþingi kl. 15,

þegar þing kemur saman á ný. Lögreglan segist vilja

vera við öllu búin. Þetta sé gert til að tryggja

vinnufrið lögreglu og öryggi fólks.

Þetta er þeim mun sorglegra af því þetta þarf ekki að vera svona.

Ef stjórnvöld hverju sinni gerðu meira af að hlusta á þjóðina þá væru menn sáttari. Það vita allir að enginn fær öllu sínu framgengt en þegar ríkisstjórn hlustar ekki heldur fer sínu fram í veigamiklum málum í trássi við þjóðina þá er hún að efna til ófriðar og átaka. Ekki mótmælendur

Þessi stjórn hefur tvo kosti um að velja:

1. Semja frið við þjóðina og endurnýja stjórnarsáttmálann
2. Slíta samstarfinu og leyfa nýjar kosningar.

ESB umsóknin og Icesave hefur klofið þjóðina í fylkingar. Þeim málum þarf að slá á frest.
Vinna þarf betur í skuldamálum heimila og setja fjármálafyrirtækjum skýrar reglur
Og að endingu þarf að stokka hér upp lífeyrissjóðakerfin. Þetta eru þau mál sem ríkisstjórnin þarf að taka til endurskoðunar. Hún nýtur lítils stuðning kjósenda hvað svo sem úrslitum síðustu kosninga líður og það er ólýðræðislegt af Jóhönnu Sigurðardóttur að reyna ekki betur að taka til tillit til krafna almennings. Við eigum ekki að þurfa að berja tunnur og kasta eggjum að óeirðalögreglu sem hýmir á bakvið girðingu

Læt svo að endingu fylgja með stöku lítið breytta sem birzt hefur áður á blogginu mínu 

Ríkisstjórnar laskað lið
lýðsins ræði ekki skildi
Við sína þjóð að semja frið
Samfylkingin ekki vildi 

Lögreglan girðir þinghúsið af

Mannorð

Fífil fegri muna má
meðfram veggjum læðist
Sá sem enga æru á
athyglina hræðist

Af hverju gengur svona hægt að draga menn fyrir dóm?

Getur verið að sérstaki saksóknarinn sé að eyðileggja málatilbúnað sinn með of umfangsmiklum og flóknum sakargiftum? Af hverju ekki að gefa strax út ákærur um augljós og afmörkuð sakarefni? Þegar þessir fírar eru svo komnir inn á Litla Hraun þá munu þeir verða bljúgir og fúsir til samvinnu vegna annarra misferla. En kannski er það einmitt ætlunin að virðast vinna vel og svo að tapa málunum á tæknivillum saksóknarans, rétt eins og Baugsmálið.....

Afnám kvótakerfisins og sjálfbærar veiðar

Veiðar eru ekki stærsti faktorinn í vexti og viðgangi fiskstofna. Þar eru umhverfisþættir stærri áhrifavaldar. Undir það falla líka umhverfisskaðar sem veiðarfæri valda. Við getum hæglega útrýmt  fiskstofnum án þess að veiða þá en við getum líka aukið afraksturinn með sjálfbærum veiðum. Þess vegna eigum við að leggja niður kvótakerfið strax og taka þess í stað upp sjálfbærar veiðar. Með sjálfbærum veiðum er átt við að ekki sé veitt meira en stofnar þoli en það skiptir líka máli með hvaða veiðarfærum við tökum aflann og síðast en ekki síst skipta skipin máli. Allur okkar fiskiskipafloti gengur fyrir olíu og er því ekki umhverfisvænn. Og varðandi veiðarfærin þá er mest af botnfiskaflanum tekinn í botnvörpu sem er skaðleg  vistkerfi fisksins vegna niðurbrots kóralla og hrauns sem eyðileggur hrygningarsvæði til dæmis ýsunnar. Íslensk stjórnvöld halda á lofti þeirri blekkingu að hér séu stundaðar sjálfbærar fiskveiðar og ýmsar útgerðir hafa fengið vottanir þess efnis. Ekki veit ég hvaða mafía gefur út þessar vottanir en það er greinilegt að þeir leggja ekki sama skilning í orðið vistvænn og sjálfbær eins og ég. Til viðbótar því sem að ofan er sagt þá ber að nefna þau skaðlegu áhrif sem veiðar flaka-frystitogara hafa á ímynd sjálfbærni. Á þessum skipum hefur í tugi ára tíðkast að hirða bara dýrmætasta hluta fisksins en henda öllu hinu. Þetta myndi alls staðar flokkast undir glæpsamlega umgengni en hér þykir þetta sjálfsagt. Kannski halda menn að þetta séu verksmiðjuskip?  Verksmiðuskipin eru þó skömminni skárri því þar er allur fiskurinn nýttur og engu fleygt. Það er ljóst öllum þeim sem um þessi mál fjalla af gagnrýni að kvótakerfið gengur ekki upp. Hefur ekki gert og mun aldrei gera. Kvótakerfið hefur innbyggt í sér hvatann til að henda verðminni afla og í kvótakerfi er sókninni beinlínis stýrt í hrygningarfiskinn því hann er stærstur og þar með verðmætastur. Ég krefst þess að alþingismenn vakni til meðvitundar og bjargi fiskstofnunum, bjargi byggðarlögunum og bjargi orðspori okkar.  Því alþjóðasamtök munu fletta ofan af svínaríinu sem er fylgifiskur kvótakerfisins og þá munu markaðir lokast. Þá munu þessar fals vottanir ekki verða virði bleksins sem þær eru prentaðar með. Myndbandið á Youtube um brottkastið í Norðursjó á eftir að vekja miklar umræður og hvatningu til stjórnvalda um aukna sjálfbærni og vistvæna stjórnun veiða

Ef við göngum í ESB þá verða þorrablót bönnuð

Segjum NEI við ESB og þeirri forsjárhyggju sem þar ríkir
Við þurfum ekkert að vita hvað er í boði. ESB er í boði og ekkert annað. Notum áfram glóperur og fosföt í saltfisk og étum svo skemmdan mat á þorranum án afskipta ESB.

Takk kærlega RÚV

Titillinn á þessari færslu er sóttur í hinn þekkta frasa "Takk útrásarvíkingar" En því fer fjarri að mér séu þakkir í huga. Dagskrárstjórnun þessarar stofnunar allra starfsmanna er með þeim ólíkindum að engu er líkara en markvisst sé unnið gegn áhorfi. Kannski heldur Páll Magnússon að fyrst 40 þúsund áskrifendur hafi flutt sig yfir á hina stöðina til að horfa á handboltann þá sé orðið svo lítið áhorf hvort sem er að nóg sé að sjónvarpa efni fyrir börn og homma til viðbótar þeim útvarpsþáttum sem ekki virðist hægt að finna stað hjá Rás 1. Á ég þar við viðtalsþætti Egils Helgasonar og Þórhalls Gunnarssonar. Hvort dagskrárstjóra Sjónvarpsins finnist þeir Egill og Þórhallur svona áhorfsvænir veit ég ekki en flestum myndi hugnast frekar að sjá leikið efni eða unnið fræðsluefni í stað svona umræðuþátta. Það grafíska efni sem stundum birtist í Silfrinu má hæglega setja á netið. Mínúta í sjónvarpi er dýr svo við gerum kröfu um að vel sé með þá fjármuni farið. Hommaþátturinn sem fylgir hverri einustu Eurovision keppni er líka orðið yfirdrifið og ofmetið sjónvarpsefni. Tímabært að breyta þar um kúrs. Sem sagt, sjónvarpsgláp mitt hefur stórlega minnkað í vetur. Og í kvöld fæ ég ekki að horfa á mitt vikulega sunnudagsbíó því í staðinn á að sýna einhverja danssýningu!! Halló RÚV!! Sunnudagsbíóið hefur verið hryggjarstykkið í dagskránni um langa hríð og réttlætt sýningarnar á B og C myndunum á laugardagskvöldunum. En nú á að hætta þeim líka. 

Sáttatilboð til LÍÚ í 10 liðum

1. Allur botnfiskkvóti verður innkallaður strax
2. Kvótafyrirkomulag á uppsjávartegundum helst óbreytt og allur viðbótarkvóti í þeim tegundum rennur óskiptur til núverandi útgerða. Kvótaafgjald fyrir þennan hluta kvótans verði % af aflaverðmæti upp úr sjó og takist af óskiptu
3. Öll viðskipti með aflaheimildir verða bannaðar. 100% veiðiskylda
4. Við endurúthlutun á leyfum til að stunda hefðbundnar botnfiskveiðar verði tekið tillit til atvinnuréttinda og sjómennska lögvarin sem iðngrein. Leyfi verði ekki bundin tegundum.
5. Skylt verði að koma með allan afla að landi 
6. Allur afli á Íslandsmiðum verði seldur á Uppboðsmarkaði Ríkisins
7. Engar greiðslur komi til vegna útgefinna veiðileyfa en af söluverði á markaði reiknist virðisaukaskattur sem renni í ríkissjóð
8. Hafrannsóknastofnun fái nýtt hlutverk og fulltrúar hagsmunasamtaka eigi ekki sæti í stjórn hennar. 
9. Fiskveiðistjórnunarlögin verði tafarlaust numin úr gildi og ákvarðanir um afla falin fiskveiðiráði sem í sætu fiskifræðingar og reyndir aflaskipstjórar til jafns.
10. Settar verði strangar reglur um veiðarfæri og landhelgislínur endurskilgreindar.

Eins og sést er ég ekki sérstakur talsmaður auðlindaskatts. Tel raunar alla þá umræðu á miklum villigötum. Afrakstur af fiskveiðum og allri atvinnustarfsemi felst í margföldunaráhrifum sem heilbrigð atvinnustarfsemi skapar. Fyrirtæki sem græða borga góð laun og eru lyftistöng hvers sveitarfélags. Skattpínd og skuldsett fyrirtæki skila engu. Þess vegna þarf í kjölfar sáttar um fiskveiðistjórnunina að fara fram endurskipulagning á skuldum útgerðanna. Þegar kvótinn verður ekki lengur andlag skuldanna þarf að bregðast við því. Lang mikilvægast er samt að hverfa af braut kvótakerfisins. Það hljótum við öll að vera sammála um. Allt annað er bara verkefni sem þarf að leysa. Í næstu færslu mun ég fjalla um minn skilning á sjálfbærni. Þar virðist mér ýmsu grautað saman 

Uppstokkun lífeyrissjóðakerfisins strax!

Ég vil að lífeyrissjóðakerfið verði leyst upp og eignir þess færðar undir ríkissjóð og notaðar til að lækka skuldir ríkissjóðs. Öll áunnin réttindi yrðu jöfnuð til samræmis við lágmarksframfærslu einstakling eins og hún er samkvæmt viðurkenndum staðli hverju sinni og greidd til lífeyrisþega í gegnum Tryggingastofnun. Ekkert ógnar fjárhag íslenska ríkisins jafn mikið og þessar lífeyrirskuldbindingar sem vaxa í öfugu hlutfalli við framtíðargjaldhæfi. Mismununin í kerfunum 2 er líka óásættanleg, sama hvaða mælikvarði er notaður. Við eigum að vinna gegn mismunun og misskiptingu og ójöfnuði og óbreytt lífeyrissjóðskerfi er þar stór orsakaþáttur fyrir utan þau óeðlilegu völd sem stjórnendur sjóðanna hafa tekið sér. Þeir eru ekki kjörnir til þess af almenningi heldur í gegnum spilltar klíkur. Að ríkið skuli skulda 1.5 landsframleiðslu er óásættanlegt. Þessar skuldir ógna sjálfstæði þjóðarinnar eins og sést á ráðleysi þeirra stjórnmálamanna sem vilja gefa upp fullveldi þjóðarinnar gegn efnahagslegu skjóli stórveldisins ESB. Það er eftir ýmsu að slægjast fyrir ESB og ESB mun nota efnahagslegar þvinganir til að ná settu marki. Yfirskuldsettri þjóð er erfitt að veita viðnám. Við getum í dag sagt upp samstarfinu við AGS og endurgreitt mest af þeim lánum sem hafa verið tekin. 540 milljarðar eru til upp í þá skuld nú þegar. Svo eiga lífeyrissjóðirnir 700 milljarða í erlendum eignum sem hægt er að nota til skuldajöfnunar svo það er ljóst að núna strax er hægt að minnka erlendar skuldir niður fyrir 50% af landsframleiðslu. Ofurlaunaeftirlaunaþegarnir verða kannski súrir en WHO Cares?

Ætlar enginn stjórnmálaflokkur að endurskoða EES samninginn?

EES samningnum var þröngvað upp á þjóðina í pólitískum hrossakaupum fyrir 25 árum. Afleiðingar þessa samnings er þjóðfélag í rústum. Það sem átti helst að verða til bóta s.s tollalækkanir hafa ekki komið íslenskum almenningi eða fyrirtækjum til góða. Í stað þess að byggja hér upp fiskréttaverksmiðjur og hágæða frystihús sem framleiddu beint í neytendapakkningar þá hefur vinnslan í vaxandi mæli flutzt úr landi og nú er svo komið að eiginleg fiskvinnsla er að leggjast af. Þetta gerist vegna þess að vinnuafl er ódýrara erlendis og kvótinn er kominn í hendur stórútgerða sem hafa engar rætur í sjávarbyggðunum og engar skyldur við sitt nærsamfélag. Það er mín skoðun að til þess að byggja þetta þjóðfélag upp aftur á okkar forsendum þá þarf að segja upp EES samningnum og hætta strax þessum fáránlegu aðildarviðræðum. Hér þarf að koma til ný hugsun, Við þurfum að hætta þessu skuldasukki og lánafylleríi. Og við þurfum að skipta þjóðarkökunni réttlátlega. Þar eru lífeyrismálin stærsta atriðið. Þetta ríki í ríkinu þarf að brjóta á bak aftur og koma böndum á. Skrúðkrimmar í sparifötum eiga ekki að valsa um lífeyrissjóðina í valdapólitík. Annað stórt hagsmunamál þjóðarinnar er starfsemi álrisanna hér. Það er hættulegt hverri þjóð ef einkafyrirtæki eru með stærri efnahag en ríkið sem það starfar í. Þessa dýru lexíu áttum við að læra af varðandi bankana sem drógu ríkissjóð í gjaldþrot, Þess vegna þarf helst að koma Alcoa og Century Aluminum úr landi eða að láta þau greiða sannvirði fyrir orkuna. Þetta raforkuverð sem hefur nýlega verið upplýst um, er hlægilegt.  Álverið í Straumsvík er allt annars eðlis, það hefur vaxið með þjóðinni og alltaf reynt að starfa í sátt við sitt samfélag. Það ógnar ekki þjóðhagslegum stöðugleika eins og hin 2.  Við erum bara 300 þúsund. Það virðist alltaf gleymast í þessari upphöfnu sjálfsblekkingu sem þjóðmálaumræðan er í. Hér þarf skynsamt fólk að taka sig saman og bjóða fram krafta sína til að koma þjóðarskútunni aftur á flot. Þessi svokallaða vinstri stjórn er að fremja hara kiri á þjóðarlíkamanum

Auglýst var eftir álitum varðandi nýja orkustefnu

Þeir sem ásælast nýtingarrétt auðlinda gera það til að græða. Þeir hafa það sem eigandinn hefur ekki en það er fjármagn. Þeir vilja græða á sínu fjármagni og það er 

kallaður arður. Ef við seljum nýtingarréttinn á orkuauðlindum þá afsölum við okkur arðinum. Við getum náttúrulega skattlagt notkunina en þá er það ekki sá sem á nýtingarréttinn sem borgar heldur þeir sem kaupa orkuna. Þannig munu viðskiptavinir HS Orku þurfa að greiða eigandanum arð í hærra orkuverði þegar til lengdar lætur. Að leigja nýtingarrétt á orkuauðlind til 30 ára er glæpur gegn almenningi. Við erum jú að tala um eina grundvallarstoð samfélagsins. Virkjun hita,vatns og rafmagns á skilyrðislaust að kosta af almannafé og arðinn á að innleysa fyrst og fremst í lægra notendagjaldi. Afgangsorku má svo selja til iðnaðar eftir efnum og ástæðum. En fara verður varlega því þessi orka er ekki endurnýjanleg. Jöklar hopa, Vatnsföll geta þornað upp og háhitasvæði er hægt að ofnýta.