Hið danska kokkablæti RÚV

Nú er verið að sýna enn einn kokkaþáttinn í sjónvarpinu. Þessi toppar subbuskapinn sem hefur einkennt þessa þætti undanfarin ár og hófst með þætti Jóhönnu Vigdísar. Hvernig væri nú að fá virkilega atvinnumanneskju til að miðla af kunnáttu sinni fyrir alþjóð. Manneskju eins og Hrefnu Rósu Sætran sem eldar af lyst og þolir ekkert dash.

Þegar Vatnsskarð verður að Vatngarði

Frétt af mbl.is

Tvær bílveltur í Vatnsgarði
Innlent | mbl.is | 12.12.2010 | 23:32
Lögreglunni á Blönduósi bárust tvær tilkynningar með aðeins tíu mínútna millibili síðdegis um bílveltur við Vatnsgarð. Enginn slasaðist í þeirri fyrri en þrír voru fluttir með sjúkrabíl til aðhlynningar á Blönduósi úr seinni bifreiðinni. Ekki var um alvarlega áverka að ræða, en talið var að farþegarnir kynnu að hafa hlotið beinbrot.

Þessir linmæltu blaðamenn mættu nú alveg hressa upp á landafræðina

Tvær bílveltur í Vatnsskarði

Tussufín úrslit kosninganna

Til hamingju Ísland!

Sérstaklega ánægjulegt að auglýsingafólkið náði ekki kjöri  Af þessum 25 , kaus ég 8 + 2
Nú verður spennandi að sjá hvernig þessir þingfulltrúar standa sig í samanburði við alþingismennina.
Vonandi fylgist þjóðin öll með og tekur þátt. Þá er tilganginum náð

Þurfa blaðamenn ekki lengur að vera skrifandi á íslensku?

Þessi grein er nú búin að vera í nokkra tíma á netinu og aðeins verið leiðrétt 1 stafsetningarvilla í fyrirsögn! Ég ætla að láta lesendum eftir að finna villurnar en fyrir utan þýðingarvillur og stafsetningarvillur þá eru í það minnsta 3 alvarlegar villur sem stafa af lélegri málkennd.

 

Drengirnir sem ráku um Kyrrahafið voru að leita að ást

Erlent 19:01 › 27. nóvember 2010

Einn af drengjunum þremur.

Unglingsdrengirnir þrír sem ráku um suður Kyrrahafið á litlum bát í fimmtíu daga áður en þeim var bjargað voru í raun að elta stúlku sem hafði hrifið þá. Það þarf kannski ekki að koma á óvart en drengirnir voru undir áhrifum áfengis þegar þeir ákváðu að reyna að finna stúlkuna.

Þeir stálu litlum bát 5. október síðastliðinn eftir að einn af drengjunum féll fyrir stúlkunni sem hafði verið í heimsókn á kóraleyjunni Atafu í Tokelau vegna íþróttamóts. Hún hélt svo til síns heima í Fakaofo sem er um 200 kílómetra frá heimabyggð drengjanna. Eftir að hafa fengið sér nokkra kalda ákváðu drengirnir að finna hana. Þeir tóku með sér nokkra poka af kókóshnetum, nokkrar dósir af bjór og eldsneytisbrúsa.

Eftir að báturinn varð eldsneytislaus ráku þeir um þrettán hundruð kílómetra áður en þeir fundust. Það voru fiskveiðimenn á leið sinni til Nýja Sjálands sem fundu drengina síðastliðinn miðvikudag. Þeir sögðust aðeins hafa borðað máv og fisk sem þeir náðu og höfðu drukkið regnvatn. Þeir drukku þó sjó þegar það ringdi ekki. Drengirnir þrír, Samuelu Peleha og Filo Filo, báðir fimmtán ára og Etueni Nasau, fjórán ára, eru nú á batavegi í Suva, höfuðborg Fidji-eyja.

Minningarathöfn hafði verið haldin til heiðurs þeirra eftir að þeirra hafði verið saknað í þó nokkurn tíma.

Birgir Olgeirsson ([e-mail])

 

En hvað um veðsetningu og sölu á kvóta?

Í fiskveiðistjórnunarlögunum hefur frá upphafi verið kveðið úr með eignarréttinn. Þjóðin á kvótann. Það stendur í 1.greininni. Síðan gerir þingið þau afdrifaríku mistök að leyfa viðskipti með aflamark. Nú spyr ég: Stangaðist það ekki á við eignarréttarákvæði stjórnarskrárinnar?

Ég fæ ekki betur séð en hvernig væri að einhver aðili máls léti á það reyna fyrir dómi

Tökum bara einfalt dæmi þar sem um leigjanda og leigusala er að ræða. Hvernig mundi það líta út ef alþingi setti nú lög sem heimiluðu leigjendum að hafa viðskipti við aðra leigjendur með hið leigða. Þeir mættu jafnvel veðsetja það og selja. Er þá ekki verið að brjóta á eignarrétti eigandans og stela frá honum hans löglegu eign?  Menn sem ástunda SVONA VIÐSKIPTI ERU UMSVIFALAUST KÆRÐIR FYRIR FJÁRSVIK. þARF EKKI AÐ KÆRA ALÞINGI OG RÍKISSTJÓRN FYRIR FJÁRSVIK GEGN ÞJÓÐINNI?

 

Bentu þingmönnum á veiluna í lögunum

Hræðsluáróður um netárásir?

Undanfarinn mánuð hef ég séð meira fjallað um nethernað sem hina raunverulegu ógn 21. aldarinnar, en nokkru sinni áður. Ég er áhugamaður um netöryggi svo ég les þetta allt. En það er ekki hægt að gleypa allt sem sagt er hrátt. Til dæmis þessa frétt í DV um stuxnet orminn. Síðan hvenær eru iðnaðartölvur tengdar við alnetið? Þeir sem vita betur eiga ekki að bulla svona og koma inn óþarfa ótta hjá almenningi í þeim tilgangi eina að koma á lögum og reglum á netinu. Netið á að vera frjálst

Jón Spillti Bjarnason

Seint mun ég verða sammála Jóni Bjarnasyni. Alveg sama þótt andstæðingar hans fari með fleipur. Jón Bjarnason er spilltur stjórnmálamaður og það er best fyrir langtímahagsmuni þjóðarinnar að slíkum stjórnmálamönnum sé hafnað. Sonur hans hefur álíka vit á fiskveiðiráðgjöf og skúringakonan í ráðuneytinu. Enda er ekki um vísindi að ræða sem fiskveiðistefnan byggir á. Athyglisvert var að hlusta á Katrínu iðnaðar í útvarpsviðtali hjá Sigga Storm í morgun. Þar talaði hún um nýtingu á háhitasvæðum sem ágiskunarvísindi. Ekki væri vitað hve orkan væri mikil fyrr en farið yrði að virkja. Af hverju ekki að viðurkenna þessa staðreynd um fiskstofnana?

Það er dæmigert fyrir vanþekkingu fræðinganna að ganga útfrá því að dragnót skemmi botngróður. Dragnótin er vond vegna þess að í hana veiðist helst stórþorskurinn sem þarf að friða. Skiptir þá litlu allur sá meðafli sem líka veiðist.

Yfirlýsing frá Jóni Bjarnasyni

Um málefni íbúðalánasjóðs

Fyrrverandi framkvæmdastjóri íbúðalánasjóðs, Guðmundur Bjarnason og núverandi stjórn bera ábyrgð á gjaldþroti sjóðsins með heimildarlausum lánum til bankanna. Það er kristaltært sama hvað þeir reyna að klóra yfir klúðrið. Með því að fela bönkunum að ávaxta það fé sem innlausn lána sjóðsins framkallaði gerði líka bóluna mun stærri. Miðað við það sem nú er vitað ætti í raun að draga þessa aðila alla fyrir dóm og láta þá sæta ábyrgð. En hvað gerir fjórflokkurinn? Hann verðlaunar skussann, Guðmund Bjarnason,  með ríflegum eftirlaunum og leyfir stjórninni að sitja áfram!. Þessari pólitískt skipuðu stjórn ber að víkja strax. Þetta fólk er óhæft. Eftir hrun þá gerum við kröfu um að óverðleikafólkið víki. Óverðleikafólkið ræður alltaf óverðleikafólk til starfa.

Ráðning Sigurðar Erlingssonar er dæmi um það. Þessi maður var spurður hvort mistök hefðu verið gerð af hálfu fyrri stjórnenda sjóðsins varðandi lánin til bankanna en hann taldi svo ekki vera! Og hann rökstuddi það með því að sjóðurinn gæti aldrei orðið gjaldþrota því hann væri með ríkisábyrgð! Þessi maður er gersamlega óhæfur

Stjórnin verður að víkja fyrir faglegri stjórn sem heyrði undir reglur FME um hæfi stjórnarmanna fjármálastofnana. Og það verður að ráða hæfasta umsækjandann sem er Yngvi Örn Kristinsson

Það er víst til ókeypis máltíð

Velgengni Firefox vafrans sannar að konseptið á bak við við frían hugbúnað getur vel gengið upp. Ætla má að hugbúnaðarkostnaður sem ríki og sveitarfélög greiða í formi leyfisgjalda til Microsoft og fleiri hlaupi á hundruðum milljóna. Þarna er hít sem vel er hægt að loka með því að taka í notkun Linux stýrikerfi og OpenOffice skrifstofuhugbúnað. Enn fremur legg ég til að lokað verði á notkun facebook vefjarins í opinberum tölvum.

Metár hjá Mozilla

LÍÚ kórinn grætur

Hvenær ætla rolurnar í ríkisstjórninni að skila kvótanum aftur til byggðarlaganna? Byggðunum blæðir en samt eru allir firðir og flóar fullir af fiski og sjómennirnir hanga aðgerðarlausir í beitningaskúrunum. Af hverju láta menn fara svona með sig?

Gagnrýna sjávarútvegsráðherra harðlega