Lopapeysusósialisti klæðist smóking

Özzur hefur kastað dulargervinu og birtist okkur sem innmúraður varðhundur yfirstéttarinnar. Hann mun ekki birta eigin leyniskjöl.
Hann eigir gott embætti í Brussel ef áætlanir hans ganga eftir. Þá mun fjárfesting hans á Barðaströndinni koma sér vel. En hagnaður Össurar vegna sölu stofnfjárbréfa úr SPRON mun hafa verið notaður til að kaupa af ríkinu kostajörð  fyrir vestan á slikk. Eitthvað sem almenningi annaðhvort stendur ekki til boða eða er ekki látinn vita af. Það er sorglegt að sjá svona komið fyrir góðum dreng.

Lögðu áherslu á að Ísland styddi hernað

Mín aðferð við að velja á stjórnlagaþing

Þegar ég geng til kosninga og vel fulltrúa á stjórnlagaþingið í nóvember mun ég hafa eftirfarandi að leiðarljósi:

Fyrirvari

Ég geri ráð fyrir að allir frambjóðendur hafi kynnt sér stjórnarskrána og viti um hvað málið snýst. Ég mun velja frambjóðendur sem endurspegla sem flesta hópa þjóðfélagsins með fyrirvara um að þeir komist gegnum 3 síur, sem ég tel nauðsynlegt að allir noti til að útiloka bullurnar frá að ná kjöri.

Síurnar mínar

1.sía
aldur,menntun,störf   (30-80 ára, iðn, starfs,háskólamenntun, óflekkaður ferill)

2.sía
pólitískir hagsmunir  (engir,sé ekki háður pólitísku valdi efnahagslega eða atvinnulega)

3.sía
ofstækis og/eða öfgaskoðanir ( Ekki þá sem vilja troða sínum persónulegu gildum í stjórnarskrá)

 

 síðan mun ég:

1. Fylgjast með á Svipunni
2. Taka niður nöfn allra sem ég kannast við og gæti hugsanlega kosið
3. Fara í gegnum þann lista og beita síum 1-2-3
4. Ef áberandi skekkja er á listanum sem ég valdi varðandi aldur,menntun og kyn mun ég leiðrétta valið til að dreifingin verði sem mest

Listinn sem ég gæti kosið miðað við framkomnar upplýsingar í dag lýtur svona út:

Þorvaldur Gylfason
Friðrik Þór Guðmundsson
Hjörtur Hjartarson
Guðmundur Gunnarsson  formaður Rafiðnaðarsambandsins
Illugi Jökulsson
Jakobína Ingunn Ólafsdóttir
  *Lúðvík Emil Kaaber
Pétur Gunnlaugsson á Útvarpi Sögu
Rakel Sigurgeirsdóttir
Sigríður Dögg Auðunsdóttir
Vilhjálmur Þorsteinsson
Erlingur Sigurðarson

Eins og sést á síunum mínum þá hafa stefnumál frambjóðenda engin áhrif á val mitt. Ég fer miklu frekar eftir því hvað ég veit um viðkomandi. Fyrir hvað menn standa. 

Vigdís Hauks

Oft athygli Vigdís vekur
ei von er að kárínum linni
Því hún er með haus sem lekur
og handónýtt innra minni

Alþingisrímur hinar nýju

Sléttubönd óbreytt

Efndir virkar aftur sett                           Betur sjaldan reynist rétt
Alþing ekki getur                                      ræða þingsins nefndir
Nefndir þingsins ræða rétt                    getur ekki Alþing sett
reynist sjaldan betur                               aftur virkar efndir

Sléttubönd hringhend

Laga bullur þreyttar þá                         Unna sulli flestir frá  
þétta rullu kunna                                    fundi fullir slaga
slaga fullir fundi frá                               Kunna rullu þétta þá
flestir sulli unna                                      þreyttar bullur laga

-------------------------------------------------------------------------------------------------------------------------------------

Passar fagur rass við flís                       Ásbjörn bókhald ekki kann
á fyrrum íhalds drottningu                  enda maður íhaldsins
Sú lokka þykka þokkadís                      en arðinn til sín tekur hann
þekkir ekki lotningu                              úr tómum sjóðum félagsins

Róbert Marshall rífur kjaft                  Katrín Jakobs komst á þing
með ræðu Lech Walesa                        konan smá á kroppinn
Á þingi aldrei höfum haft                    í orðræðunni ærið slyng
hortugri lúsablesa                                 ekki skyni skroppin

Ræður ríkjum fjármála                       Honum verður barn í brók
rogginn landfræðingur                       sem bréfum SPRON á græddi
Engum öðrum sammála                    Júrófjallið jóðsótt tók 
orðasmiður slingur                              og Jésú aftur fæddi

Jóhanna ei heldur haus                    Einn er sá sem vamm sitt veit
hennar tími er farinn                         vel því var í járni
Í þingkosningum þjóðin kaus          Vestur á Nesi var í sveit
þrælinn illa barinn                             vistaður peyinn Árni

Einar Kristinn kennum hér               Inn á þing kom Elín ný  
knár inn salinn gengur                      með enni hátt og lekkert
lýgur mest að sjálfum sér                  Er Haarde setti heimsmet í
svikull Vestfirðingur                           að híma og gera ekkert

Framsókn ól upp ungan mann        Ólöf Nordal ætlar sér
sem ekkert undan dregur                  íhaldið að leiða
Birkir Jónsson heitir hann                fram til frelsis sóknar hér
heldur ritjulegur                                  frúin afturbreiða

Sá sem hraunar yfir allt                     Björn er bara fjórðungur
Össur Skarpi heitir                              Brims í bandi gengur
Það vantar ekki í hann malt              Á þingi varla viljugur
oftast lygi beitir                                    vermir sætið lengur

Oft athygli Vigdís vekur                    Kristján Þór er kominn hér
ei von er að kárínum linni                 kvótagreifa að passa        
Því hún er með haus sem lekur        Skilur vel að skylda hans er
og handónýtt innra minni                 að skeina þeirra rassa

Lýðskrumara hugann hlóð             
Höskuldur með hraði
að hrauna yfir þing og þjóð
þrællinn sér ætlaði

48 lagabreytingar og 56 reglugerðir

Eins og allir sem lesa bloggið mitt ættu að vita þá er ég eindreginn andstæðingur fiskveiðistjórnunarkerfisins. Lög um stjórn fiskveiða eru slæm lög. Slæm vegna þess að þau framselja sitjandi ráðherra alltof mikið einsdæmi að setja reglugerðir um útfærslu laganna. Til gamans þá tók ég saman smá tölfræði um lögin , breytingar á þeim og setningu reglugerða í gegnum árin.

1.  FRÁ SETNINGU LAGANNA HEFUR ÞEIM VERIÐ BREYTT 48 SINNUM EÐA 2.4 SINNUM Á ÁRI
2.  FRÁ SETNINGU LAGANNA HAFA RÁÐHERRAR SETT 56 REGLUGERÐIR OG REGLUGERÐARBREYTINGAR

Lög um stjórn fiskveiða

2006 nr. 116 10. ágústUpphaflega l. 38/1990. Tóku gildi 18. maí 1990; komu til framkvæmda skv. fyrirmælum í 23. gr. Breytt með l. 1/1992 (tóku gildi 27. jan. 1992 nema 13.–17. og 24. gr. sem tóku gildi 1. febr. 1992), l. 36/1992 (tóku gildi 10. júní 1992; komu til framkvæmda skv. fyrirmælum í 13. gr.), l. 113/1993 (tóku gildi 14. des. 1993), l. 87/1994 (tóku gildi 3. júní 1994 nema 7. gr. sem tók gildi 1. jan. 1996; komu til framkvæmda skv. fyrirmælum í 14. gr.), l. 83/1995 (tóku gildi 21. júní 1995; komu til framkvæmda skv. fyrirmælum í 6. gr.), l. 144/1995 (tóku gildi 1. jan. 1996; komu til framkvæmda skv. fyrirmælum í 59. gr.), l. 158/1995 (tóku gildi 11. jan. 1996), l. 7/1996 (tóku gildi 1. okt. 1996), l. 16/1996 (tóku gildi 15. apríl 1996), l. 57/1996 (tóku gildi 11. júní 1996), l. 105/1996 (tóku gildi 1. sept. 1996 nema 2. gr. sem tók gildi 27. júní 1996), l. 72/1997 (tóku gildi 6. júní 1997), l. 79/1997 (tóku gildi 6. júní 1997; komu til framkvæmda skv. fyrirmælum í 21. gr.), l. 133/1997 (tóku gildi 30. des. 1997), l. 144/1997 (tóku gildi 30. des. 1997), l. 12/1998 (tóku gildi 1. sept. 1998), l. 27/1998 (tóku gildi 29. apríl 1998, sjá þó ákvæði til bráðabirgða), l. 49/1998 (tóku gildi 18. júní 1998), l. 82/1998 (tóku gildi 1. okt. 1998), l. 1/1999 (tóku gildi 15. jan. 1999), l. 9/1999 (tóku gildi 17. mars 1999), l. 34/2000 (tóku gildi 26. maí 2000), l. 93/2000 (tóku gildi 6. júní 2000), l. 14/2001 (tóku gildi 1. sept. 2001), l. 34/2001 (tóku gildi 16. maí 2001 nema II. og III. kafli sem tóku gildi 1. júní 2001), l. 129/2001 (tóku gildi 21. des. 2001), l. 3/2002 (tóku gildi 31. jan. 2002), l. 85/2002 (tóku gildi 23. maí 2002 nema 4. og 11. gr. sem tóku gildi 1. sept. 2002 og 12. gr. sem tók gildi 1. sept. 2004; komu til framkvæmda skv. fyrirmælum í 17. gr.), l. 130/2002 (tóku gildi 20. des. 2002), l. 75/2003 (tóku gildi 10. apríl 2003), l. 147/2003 (tóku gildi 30. des. 2003; komu til framkvæmda skv. fyrirmælum í 5. gr.), l. 149/2003 (tóku gildi 30. des. 2003), l. 74/2004 (tóku gildi 18. júní 2004; komu til framkvæmda 1. sept. 2004), l. 22/2005 (tóku gildi 25. maí 2005), l. 28/2005 (tóku gildi 25. maí 2005), l. 41/2006 (tóku gildi 15. júní 2006) og l. 42/2006 (tóku gildi 15. júní 2006).
Endurútgefin, sbr. 4. gr. l. 42/2006, sem l. 116/2006. Tóku gildi 17. ágúst 2006. Breytt með l. 163/2006 (tóku gildi 30. des. 2006), l. 21/2007 (tóku gildi 29. mars 2007), l. 63/2007 (tóku gildi 1. jan. 2008), l. 151/2007 (tóku gildi 29. des. 2007), l. 88/2008 (tóku gildi 1. jan. 2009 nema brbákv. VII sem tók gildi 21. júní 2008), l. 143/2008 (tóku gildi 20. des. 2008), l. 11/2009 (tóku gildi 14. mars 2009), l. 66/2009 (tóku gildi 25. júní 2009), l. 22/2010 (tóku gildi 31. mars 2010 nema c-liður 2. gr. um línuívilnun sem tók gildi 1. júní 2010, 3. gr. sem tók gildi 1. sept. 2010 og brbákv. I sem tók gildi 15. apríl 2010), l. 32/2010 (tóku gildi 1. maí 2010) og l. 74/2010 (tóku gildi 26. júní 2010).

3. gr. Sjávarútvegsráðherra skal, að fengnum tillögum Hafrannsóknastofnunarinnar, ákveða með reglugerð þann heildarafla sem veiða má á ákveðnu tímabili eða vertíð úr þeim einstökum nytjastofnum við Ísland sem nauðsynlegt er talið að takmarka veiðar á

Leyfi til að veiða tiltekinn fjölda fiska af kvótabundnum fisktegundum á hvert handfæri eða sjóstöng dag hvern og reiknast sá afli ekki til aflamarks viðkomandi báts. Ráðherra setur frekari leiðbeiningar um þessi atriði í reglugerð

Ráðherra setur í reglugerð²⁾ frekari skilyrði og reglur um frístundaveiðar
Rg. 549/2009, sbr. 578/2009 og 490/2010

Þeim heimildum sem ráðstafað er til strandveiða samkvæmt þessari grein skal skipt á fjögur landsvæði. Ráðherra skal með reglugerð kveða nánar á um skiptingu landsvæða og aflaheimilda á mánuði og landsvæði

Þá skal ráðherra með reglugerð stöðva strandveiðar frá hverju landsvæði þegar sýnt er að leyfilegum heildarafla hvers mánaðar verði náð

Ráðherra er heimilt með reglugerð að banna strandveiðar á almennum frídögum

Í reglugerðum sem ráðherra setur skv. 3. og 4. mgr. skal kveðið á um hvaða botnfisktegundir komi til úthlutunar.

Ráðherra setur í reglugerð¹⁾ ákvæði um ráðstöfun aflaheimilda skv. 1. tölul. 1. mgr
Rg. 485/2004, sbr. 404/2006. Rg. 720/2005, sbr. 643/2006. Rg. 740/2008

Ráðherra setur í reglugerð ákvæði um ráðstöfun aflaheimilda skv. 2. tölul. 1. mgr

Ráðherra setur í reglugerð almenn skilyrði fyrir úthlutun aflaheimilda skv. 2. tölul. 1. mgr. til fiskiskipa innan einstakra byggðarlaga

Ráðherra er heimilt í reglugerð að ákveða að takmörkun á heimild skv. 2. málsl. skuli í ákveðnum fisktegundum miðast við hærri viðmiðun en 2% af heildaraflaverðmæti botnfiskaflamarks.

Ráðherra getur ákveðið með reglugerð að fiskur undir tiltekinni stærð teljist aðeins að hluta með í aflamarki

Ráðherra getur í reglugerð ákveðið að skylt sé að vinna einstakar tegundir uppsjávarfisks til manneldis

Nemi heildarverðmæti aflamarks annarra tegunda en að framan greinir, sem sæta ákvörðun um leyfðan heildarafla samkvæmt lögum þessum, við upphaf fiskveiðiárs hærra hlutfalli en 2% af heildarverðmæti aflamarks allra tegunda, sem sæta ákvörðun um leyfðan heildarafla, má samanlögð aflahlutdeild fiskiskipa í eigu einstakra aðila, einstaklinga eða lögaðila, eða í eigu tengdra aðila aldrei nema hærra hlutfalli af heildaraflahlutdeild viðkomandi tegunda en 20%. Skal ráðherra við upphaf fiskveiðiárs tilgreina í reglugerð þær tegundir sem um er að ræða

Áður en Fiskistofa staðfestir flutning aflamarks skal stofnunin skrá upplýsingar um flutning aflamarksins samkvæmt tilkynningu þar að lútandi. Ráðherra skal með reglugerð ákveða í hvaða formi tilkynningar til Fiskistofu um flutning aflamarks skuli vera

Ráðherra getur í reglugerð kveðið nánar á um framkvæmd tilkynningarskyldu

16. gr. Ráðherra getur sett nánari reglur¹⁾ varðandi framkvæmd laga þessara.
   ¹⁾Rg. 481/1990 og 499/1990. Rg. 58/1996, sbr. 172/1997. Rg. 414/1994, sbr. 452/1994. Rg. 492/1993, sbr. 482/1994. Rg. 612/1994. Rg. 310/1995. Rg. 717/2000, sbr. 818/2009. Rg. 910/2001, sbr. 1073/2009 og 4/2010. Rg. 54/2003. Rg. 924/2005, sbr. 952/2005. Rg. 224/2006, sbr. 684/2006, 70/2007, 651/2007, 893/2007, 114/2008, 96/2009 og 548/2009. Rg. 573/2008, sbr. 383/2009. Rg. 692/2008, sbr. 71/2010. Rg. 1221/2008, sbr. 997/2009. Rg. 196/2009, sbr. 261/2009 og 412/2009. Rg. 1051/2009. Rg. 214/2010

Skal með reglugerð¹⁾ kveða nánar á um þær upplýsingar sem skrá skal í afladagbækur, form þeirra og skil til Fiskistofu
Rg. 557/2007, sbr. 78/2008, 918/2008, 445/2009, 1006/2009 og 205/2010

Ráðherra getur með reglugerð²⁾ ákveðið að settur skuli, á kostnað útgerða, sjálfvirkur eftirlitsbúnaður til fjareftirlits um borð í fiskiskip
Rg. 770/2008.

Ákvæði til bráðabirgða.
I. Á fiskveiðiárunum 2001/2002 til og með [2014/2015]¹⁾ hefur ráðherra til sérstakrar ráðstöfunar aflaheimildir sem nema 500 lestum af óslægðum þorski. Þessum aflaheimildum skal ráðstafað til tilrauna með áframeldi á þorski í samráði við Hafrannsóknastofnunina sem fylgist með tilrauninni og birtir niðurstöður um gang hennar. Ráðherra setur frekari reglur²⁾ um skilyrði fyrir úthlutun aflaheimilda samkvæmt þessu ákvæði.
   ¹⁾L. 11/2009, 1. gr. ²⁾Rg. 736/2009. 

Heimilt er ráðherra að setja nánari reglur¹⁾ um framkvæmd þessa ákvæðis, þar á meðal um flutning réttar milli fiskiskipa.
   ¹⁾Rg. 504/2006, sbr. 585/2006. 

 Er einhver ástæða til að púkka uppá þennan óskapnað?

 

Hvað er að í Norðurþingi?

Þótt vinstri grænir sönginn syngi
um sjálfbært líf og fjallagrös
Þrengir að í Norðurþingi
þykjast borða hor úr nös

Því atvinnu þeir enga hafa
eða bullur orða slyngar
Í Vaðlaheiði vilja grafa
vegalausir Þingeyingar

Fyrir álið allt er falt
Askja bæði og Herðubreið
En umfram allt þú ætíð skalt
eiga greiða flóttaleið

Kveðið við Sæma

2009 fór ég að venja komur mínar á bloggið hans Sæmundar Bjarnasonar.
þar var einnig velþekktur bloggari, Steini Briem. Einhvern veginn æxlaðist þannig að við fórum að yrkjast á. Til að halda mínum hlut til haga birti ég hérna það helsta sem ég orti
Allt eru þetta tækifærisvísur og ber að dæma sem slíkar. Flest skýrir sig sjálft en upprunann má lesa á blogginu hans Sæma hér tímabilið var 2009 til apríl 2010

p.s Sæmundarháttur í bloggi er að skrifa um blogg af lítilli hæversku

Vekur oss til vitundar
á viskunni er ekkert lát
Heimsspekin hans Sæmundar
heimaskíts mig gerði mát

Létt stígur um gróinn stekk
stikar áfram niðursokkinn
Sæmundur hann gékk og gékk
gékk þó ekki í Bændaflokkinn

Um það veit ég ekki neitt
Á þó ekki á því von
að Sæmi bloggi útí eitt
eins og Jónas Kristjánsson

Þótt mörgum sé í hamsi heitt
og hengja vilji álf og strump
Á mér bítur ekki neitt
InDefence er bara prump

(p.s til glöggvunar þá hefur Jóhönnu verið líkt við álf og Steingrími við strump)

Víst er Sæmi greinagóður
og greindarlegt er bloggið hans
ekki skemmir andlegt fóður
á leið okkar til andskotans
-------------------------------------------------
Akureyrarprestur flytur til Noregs

Siðlaus þjóð í skuldahlekki
sett var vegna afbrota.
Ef allir flýja og borga ekki
er Guð þá gerður gjaldþrota?
----------------------------------------------
Ólafur Ragnar tjáir sig

Bessastaða búandinn
borgar ekki skattinn sinn
hirðir hann samt hlunnindin
horskur sveitarómaginn
--------------------------------------------------
Sæmi bloggaði um fyrsta hjólið sitt

Eftir túrinn yfirleitt
af ánægju hún hló og söng
hundrað sinnum hef ég  reitt
hringanár á minni stöng
-----------------------------------------------
Sæmi bloggaði um rjúpnaveiðar

Sjáðu Sæmi hvernig ég géri
sagði Hörður hróðugur
Lítinn háls úr liði snéri
löðurmennið blóðugur
-------------------------------------------------------
Þráinn Bertels flutti ræðu um Stórólf bónda

Þótt Alþingis um gangi gólf
gæruklæddar píkur
Starir bar'á Stórólfs kólf
Steini engum líkur
-------------------------------------------------
Limrur af tvennum toga

Bullið á blogginu er mikið
og bannfærð mörg fól fyrir vikið
En Sæmi er streit
og Steini það veit
að ekki má far' yfir strikið

Afsögn á borðið hann lagði
Icesave svo samþykkti og sagði:
"Þótt bilið sé breitt
þá er eðlið samt eitt,
skítlegt með gallsúru bragði"
-----------------------------------------------------
afsökun á leirburði

Oft er rímið heldur rýrt
og ræfilslegir hortittirnir líka
Engin vilji til að yrkja dýrt
andagiftin gerir enga ríka
------------------------------------------
       2010
------------------------------------------
Sæmi fór í frí til Kanarí

Þótt kvenfólkið á Kanarí
klæðist bara bikiní
Sæmi ekkert sinnir því
svamlar bara sjónum í
-------------------------------------------------
Sæmi seldi Hrafni Gunnlaugssyni ritvél

Þótt ofmat margan manninn blekki
mistök Hrafns í byrjuninni
skrattanum að skemmta ekki
og skila Sæma ritvélinni
------------------------------------------------
Lánabók Landsbankans var lekið

Ef að lífsins lánabók
lekið er á netið
sést hver syndir Steina tók
en Sæma hvergi getið
------------------------------------
Sléttubönd um Davíð Odds

Vargur brennu barmar sér
blá hendin penna beitir
Margur kennir garminn hér
sá halur Oddson heitir

eða

Heitir Oddson halur sá
hér garminn kennir margur
beitir penna hendin blá
Sér barmar brennu vargur
-----------------------------
um íslenskt mál!

Haukur alveg þorir því
að þrasa hér um þágufall
Fimur Sæmi flækir í
fallstýringum þennan kall
--------------------------------
Stein Briem var með dónaskap

Alltaf limi læðir að
lævís vísnasmiður
Ekk' er reisn að yrkj' um það
sem einatt lafir niður

Það ballarhjal sem birtist hér
berlega vakti meyna
Kama Sutra komin er
að hvetja Sæma og Steina
---------------------------------------------------------
vegna umræðu um hraðalinn í Sviss

Upphaf lífs úr einni frumu
úrkynjun og sifjaspell
Alvaldið með eld og þrumu
eyði því með nýjum hvell
---------------------------------------------------------
kviðlingar flugu oft milli mín og Steina Briem

Enginn skilur Íslending
upp hér spretta klíkur
Sendir íhald inná þing
afturbatapíkur

Þingmenn eru að þrætast á
um það hvað skal gera,
en Erla Ósk og Unnur Brá
enga ábyrgð bera.

Enga varaskeifu vil
vart þó hylji þvengur
Óra þína ekki skil
ertu vitlaus drengur?

Þeirra makleg málagjöld
munu eflaust bíða
sem eiga mök við álfafjöld
og álfkonunum ríða

Steini Briem byggði sér hús uppá heiðinni
og hann verslar í Bónus því það er í leiðinni
er það merki um dramb
ef hann ýfir sinn kamb
eða eðlileg útrás á reiðinni?
------------------------------------------------------------
Sæmi að skrifa um bloggið sitt og Dr. Gunna

Bloggið gæti borið af
bara ef Sæmi nennti að
setja inn mynd en ekki draf
eins og Gunni gerir það
------------------------------------------------------------
Smá tvíræðni

Flæðir rímið faglega
felur glæður haglega
stynur snótin laglega
undir Steina daglega

Ef framsóknarmaddaman fletti sig klæðum
og grátbæði Steina að geta sér króga
Ég stórlega efa að blóð í hans æðum
entist í verkið og holdrisu nóga
------------------------------------
Um Steingrím J

Hér er fjós en engin fljóð
flýtur skítur óbeizlaður
mokar flór í miklum móð
"meintur" vinstri maður
---------------------------------------------------------
Eitthvað að bauna á kirkjuna

Talið ekki vert einskis
að taka á þessum brestum
og steypa oní Steinkudys
staffírugum prestum

Virðist mér af verkunum
sem vitna á efsta degi
að Karl á vini hjá klerkunum
en Kristur átti það eigi
-----------------------------------------------------------------------------
fréttir bárust í dag af því að Ólína væri komin með leitarhund,
þá varð mér að orði:

Stundum er strembið að finna
ef stefnan týnist um stund
þeim áhyggjum ætti að linna
því Ólína' er komin með hund
---------------------------------------------
Limra til Steina Briem

Aldrei í hundrað og einum
úr glerhúsi hendum við Steinum
nema Briemari sé
og lepji lat-té
Þá grið engin gefum við neinum
----------------------------------------------
Orðaleikur

Þá vænisýki ekki skil
sem les hér á milli lína
að leggja stendur ekki til
Steina í götu þína
----------------------------------------------
Jón Steinar að skipta sér af

Þóttist setja sárið í
sótthreinsaðan fingur
Steinar Jón strax leyndi því
slyngur trúvillingur
--------------------------------------------------
Í minningu Óla Jó

Að verja kauðann
fram í rauðann
dauðann getur hún
sem selur spíra
í boli hlýra
í Klúbbi við Borgartún
---------------------------------------------------------
Steina fannst kveðskapurinn ekki berorður

Ég get alveg verið klúr
ekki er því að leyna
Kíktu í heimsókn útí skúr
og við látum á það reyna

Þar ég geymi gírahjól
og gamla spírakúta
Í vímu átti aldrei skjól
því alltaf skar ég hrúta

-------------------------------------------------------
Sléttubönd sem ekki einu sinni ég skildi

Skeytir engu kappinn klár
kvalinn holdsins losta
Breytir vitund tregans tár
trauðla slekkur þorsta

Þorsta slekkur trauðla tár
tregans vitund breytir
losta holdsins kvalinn klár
kappinn engu skeytir
---------------------------------
Sæmundur fór í grillveislu

Í Grímsnesinu grillað var
og gætt sér á góðum verði
Sagðar margar sögurnar
af Sæma frá Hveragerði
-----------------------------------------------------------------------------------
Sæmi er skákmaður góður en minna fer af hæfileikum Steina Briem
hann sagðist samt hafa unnið Friðrik Ólafs í fjölskák

Þótt unnið hafir eina skák
það engan feril skapaði
lánið lék við Steina strák
og stórmeistarinn tapaði
------------------------------------------------------------
Steini er samt kvennamaður að eigin sögn

Steini oft stúlkurnar seyðir
og stingur svo fingri í pjötlu
það gutlar og frussar og freyðir
sem fossandi eldgos í Kötlu

----------------------------------------------------------------------------------
Sæmi minntist á icesave og fjöldi mannsbirtist á blogginu hans

Að blogga um icesave er eins og að ýta á takka
hjá áráttuþráhyggju bloggurum sönnum
Þeir bölva og ragna og í sig þig hakka
Fyrir að fylgja ekki þjóðhollum mönnum

Að blogga um málfar er eins og að ýta á pásu
og aftur þá þagnar hver leiðindakjaftur
Og til baka þeir læðast sem áður þig lásu
og lífið á blogginu verður gott aftur
------------------------------------------------
milli mín og Steina

Steini er dæmi um umbúðir fínar
sem innrætinu er ætlað að hylja
en vel má það vera að blekkingar þínar
virki á þá sem að ekki neitt skilja
--------------------------------------------------------
Þegar Gunnar í Krossinum giftist Jónínu Ben

Ef meinbugi veiztu þá máttu nú tala
um misbresti ýmsa, en ellegar þegi
Djöfullinn drýldinn með horni og hala
hórkonum kennir að auðvitað megi
hjónabönd deyða í drottins nafni.
Guðfræði þeirra ég held ég hafni
------------------------------------------
Heimskspeki

Ég hefi ekki oní pytt
ætt þótt ekki sé ég fit
mitt er mitt og þitt er þitt
I dónt give a fucking shit

Mæltu manna heilastur
mikli Hvera-Sæmundur
Steini er samt stórastur
við steypu- rím og leirbakstur
------------------------------------------------------
Gosið á Fimmvörðuhálsi í boði Stöðvar 2

Oní Hrunagilið hraun
hellist eins og buna
Kristján Unnars ekki baun
óttast eyðinguna

Engum held ég hugnaðist
hérna óbreytt ástand
Iður jarðar opnaðist
upp reis Nýja Ísland
------------------------------------------
Um fornbækurnar

Egla af öðrum sögum ber
eins og ís af krapi
Ég afkomandi Egils er
enda forn í skapi
------------------------------------------
       Kreppubragur
------------------------------------------
Bloggarar velta mjög vöngum
um vandann sem við er að kljást
Rasandi' á áherzlum röngum
og regluverki sem brást

Hér reyndi á þolin mörk landans
sem þraukaði framyfir jól
en öryggið farið til fjandans
og fokið í flest öll skjól

Ástandið enn fór að kárna
og almúginn þoldi ekki meir
Hann hallmælti Davíð og Árna
og helvítis fíflinu Geir

En áður en skall á hér skálmöld
skelkaðir alþingismenn
samþykktu' að setja' af þau stjórnvöld
sem sviku og svíkja víst enn

Úti á Austurvelli
almúginn heimtaði hefnd
skúrkarnir skefldir í hvelli
skipuðu rannsóknarnefnd

Og allir sem ábyrgð hér bera
helst Árni og Davíð og Geir
Makleg upp málagjöld skera
með orðstí sem aldregi deyr

Nú skelfur allt sem skolfið getur
því skýrslan kemur víst senn
Og hengdir verða hér í vetur
hrunsins ábyrgðarmenn
-------------------------------------------------------------------------------------
Um Tryggva Herberts þingmann þegar sumar þingkonur felldu tár

Uppaf adamseplunum
andlit ekki lekkert
úr krókódílakirtlunum
kreist gat Tryggvi ekkert
--------------------------------------------------
Fyrsta úthlaup vinstri grænna katta

Ríkisstjórn sem reikult fley
ef raðir ekki þéttir
Vöndinn kyssa vilja ei
vinstri grænir kettir
--------------------------------------------
Um aðildarumsóknina til ESB

Það bíður okkar framtíð fín
með Fransmönnum og Tyrkjum
Liggja bara og lepja vín
og lifa svo á styrkjum

Frímann Jón sem falur er
fyrir nokkur euró
Framtíð Íslands fagra sér
sem file á Brussel's Bureau
--------------------------------------------
Fjármálaspeki

Gefið gæti ég án kvaða
góðu ráðin hér í reynd
en fjármál mín og fjárhagsstaða
falla undir bankaleynd
----------------------------------------------
Steini í stuði

Hvaða draugur hljóp í drenginn
og diktaði þetta rím?
Æri-Tobbi afturgenginn
er í Steina Briem
-------------------------------------------
Á breyskleikann alls ekki blindir
sem ber vott um siðferðisbrest,
að afsaka alls konar syndir
með "errare humanum est"

Ásdís Rán er aldrei down
órana hún kann að erta
Mundi bráðna Gordon Brown
ef bara fengi hann að snerta......

Biskupinn verslar í Bónusi
-breizk eru mannanna börn-
því er ég að þessu þusi?
þegar hann pakkar í vörn
--------------------------------------
Sæmi bloggar oft um hafragraut

Hafragraut og heilsufæði
hita Sæmi kann
Þótt örbylgjur og eðlisfræði
ekki skilji hann
----------------------------------------
um kastljósþátt

Brynja Þorgeirs fór í fjós
feiminn bóndann hrósi jós
í Írak jafnt sem austur í Kjós
dramatíkin leidd í ljós
-------------------------------------------------------------------------------
Sæma fannst hlutur sinn rýr og vildi vita hví við Steini værum að
hengja okkur á hans blogg

Það getur verið að Steini sé sníkill
Sjálfur hér kem ég meira sem fíkill
Bloggfíkn er meinsemd sem verður að vana
og helvíti erfitt að losna við hana

(Þá blandaði Gísli Ásgeirs sér í umræðuna og gerði lítið úr skáldskap Steina Briem)

Á höggstokki hrokans hér slátrað var lambi
og heimtað að blogglið í lotningu krjúpi
Dæmt var og drepið af fádæma drambi
enda dómarinn ættaður vestan úr Djúpi

Úr háum hnakki stundum detta
hrokafullir andans menn
ég feimnislaust get fullyrt þetta
því flötum beinum sit ég enn

(Einhverjir fleiri gagnrýndu kveðskapinn)

Sníkju-háttur heitir það
höfuðstaf að sleppa
Spara ættu allir að
af því það er kreppa
------------------------------------------------------------
9. apríl 2009 Rímslag lokið. Steini Briem farinn
----------------------------------------------------------------
Sæmi að blogga um bloggið

Orðspor þitt er opinbert
alla hingað dregur
mér finnst vera mest um vert
að vera Sæmilegur
--------------------------------------
Meira Um íslensku

Spakir spökulera af festu
spekingar um ká og gé
Skýra Sæma skiptir mestu
að skiljist það sem ritað sé
---------------------------------------
Dómstólar götunnar dæma
dólga sem talað er um
Burt þrjóta við þurfum að flæma
og þingmenn á harðahlaupum

-----------------------------------------------------------------------------------
Heimsóknum fækkaði mikið á síðuna til Sæma eftir að rímslag lauk

Af stati-stikkinni að dæma
stoppa hér færri en fyrr
Hver Grefillinn kom fyrir Sæma?
Hví var ekki Steini kyrr?
-----------------------------------------
Rannsóknarskýrslan birt

Við stýrið stóðu Solla og Geir
og stefndu hér öllu í klessu
Nú víkja vilja ekki þeir
sem vissu af öllu þessu

En líkt og áður lítil korn
að lokum fylltu mælinn
Og íhalds sjúka sjónarhorn
sett var undir hælinn

En stjórnin virðist stefnulaus
og stýrið illa brotið
Því að grunlaus þjóðin kaus
þinglið spillt og rotið

Buguð Solla brast í grát
og beygði haus í lotningu
Frekur Bjarni forðast mát
og fórnar bara drottningu

22.4.2010 kl. 19:35
---------------------------------------
Til Steinunnar Valdísar:

Græðgin þig í gönur dró
og gerði að þrælakvinnu
Fólkið hefur fengið nó
fáðu þér aðra vinnu.

---------------------------------------------------------------------------
Sæmi bloggaði um broskallinn sem Jón Ásgeir notaði

Um bölvun brosandi kalla
bloggar nú Sæmi hér
Og þykist þekkja þá alla
þeir dyljist ekki sér

Jóhannes Laxdal Baldvinsson, 30.4.2010 kl. 15:17
-----------------------------------------------------------------------------------------

Sæmundarháttur í bloggi er að skrifa um blogg af lítilli hæversku :)

Að blogga um bloggið er bærileg iðja
og bezt þykir Sæma ef myndir það styðja
en viðræður sjálfs hans þær segja  oss núna
að Sæmi er farinn að þurrmjólka kúna

Jóhannes Laxdal Baldvinsson, 20.9.2010 kl. 05:33


Þurrausið í þetta sinn
og þrotið kröftum skáldið.
Laxdalinn í leirnum finn
og langar þangað dáldið.

Sæmundur Bjarnason, 20.9.2010 kl. 08:10

-------------------------------------------------------------------------

Talandi um Útvarp Sögu og aðdáendurna, þá datt mér í hug ;

Þótt Eiður hann elski að hata þær
og hrokkinn sé af límingunum
hann aldrei þvegin orðin fær
frá Arnþrúði og kerlingunum

Jóhannes Laxdal Baldvinsson, 23.9.2010 kl. 04:43
----------------------------------------------------------------
Sæmi var eitthvað að blogga um róna og hunda

Hræsnin sem í ljós er leidd
að lögmál eðlis engu lúti
og rúmsæng fyrir hunda reidd
en rónar látnir hírast úti

Jóhannes Laxdal Baldvinsson, 27.9.2010 kl. 11:45

Laxdal yrkir ljóð um hunda.
Löngum eru mál hans fá.
Þangað allir skulu skunda.
Skelfilegt að hlýða á.

Sæmundur Bjarnason, 27.9.2010 kl. 13:41

Er eðlilegt að yrkja um dog?
Ekki skal ég dæma
En þetta er hálfgert hundablog
hjá höfðingjanum, Sæma.

Jóhannes Laxdal Baldvinsson, 27.9.2010 kl. 15:07

Þetta er hálfgert hundablogg.
Höfðinginn það segir.
Allur reis hann upp við dogg
og ákaft sig nú hneigir.

Sæmundur Bjarnason, 27.9.2010 kl. 16:07
---------------------------------------------------------
Fésbókin enn og aftur

Fésbókin er fáranleg
flest þar mér til ama
Minn því áfram arka veg
ef þér væri sama

Jóhannes Laxdal Baldvinsson, 15.10.2010 kl. 12:16

Viðtal Egils Helgasonar við Jón Ásgeir 12 okt.2008

Í 6. hluta útvarpsþáttarins Ris og fall flugeldahagkerfa Þegar leiknum er að ljúka tekur afneitunin við.

Fjallaði Þórður Víkingur Friðgeirsson um sögu fjármálamarkaða og mannlegt eðli í heimi peninga, freistinga og græðgi.  Í þessum þætti birti hann hið fræga tortóla viðtal sem Egill Helgason tók við Jón Ásgeir Jóhannesson í Silfrinu 12 október 2008. Ég klippti það út og setti inná tónlistarspilarann minn hérna vinstra megin neðst á síðunni. Þetta hljóðbrot ætti að vera skylduhlustun í öllum skólum sem kenna heimspeki og siðfræði

Skrár tengdar þessari bloggfærslu:

• Jón Ásgeir 12.10.2008.mp3

Borgarstjórinn verði embættismaður

Sú hugmynd að gera Dag að borgarstjóra í Reykjavík er slæm hugmynd. Dagur er varaformaður Samfylkingarinnar. Dagur er læknir. Dagur er óhæfur. Jón Gnarr er líka óhæfur eins og Hanna Birna á undan honum og Ólafur gaga á undan henni að ég tali ekki um Vilhjálm og Steinunni og Ingibjörgu Sólrúnu. Þessi upptalning á ónýtum borgarstjórum staðfestir bara eitt og það er sú staðreynd að embætti borgarstjóra er svo flókið og sérhæft að í það verður að skipa hæfasta manninn. Það er móðgun við borgarana að nota þetta embætti eins og pólitíska rúllettu. Mín skoðun er að pólitískt kosnir fulltrúar sinni einungis stefnumörkun og eftirlitshlutverki. Þessir borgarfulltrúar eru ekki rekstrarmenntaðir og eiga ekki að véla um milljarða viðskipti eins og til dæmis stjórn OR þarf að gera. Pólitíkusarnir eru búnir að eyðileggja fjárhag fyrirtækja borgarinnar. Gefum þeim frí. Látum fagfólk um rekstur borgarinnar og fyrirtækjanna.  

                                         Auglýsum starf borgarstjóra laust til umsóknar

Tökum upp verðleikastefnu. Útrýmum feminismanum. Femínismi er bara til heimabrúks. Uppeldisaðferð til að styrkja sjálfsmynd dætra einstæðra mæðra með brotna sjálfsmynd

Útilokar ekki að Dagur verði borgarstjóri

Verðleikamisrétti Vinstri grænna

Eftir sigur besta flokksins í Reykjavík í vor, var fyrsta verk þeirra að setja í gang vinnu til að bjarga Orkuveitu Reykjavíkur frá gjaldþroti. Fjórflokknum líkar þetta framtak greinilega ekki. Þeim finnst að sér vegið.  Nú hefur foringi forræðis og afturhaldaflanna á Alþingi ákveðið að enn skuli þjarmað að lýðræðinu með fyrirmælum að ofan. Í stað þess að banna pólitíska kosningu í stjórnir landsvirkjunar og OR þá skal tryggja vanhæfið enn frekar með því að banna fagleg vinnubrögð. Að setja lög um kynferði óháð hæfi er mismunun. Mismunun gáfna og hæfileika. Hér er verið að koma á verðleikamisrétti eins og ég vil kalla það. Hverjir þora að taka slaginn gegn þessum sjálfskipuðu forréttindapostulum sem vilja eyðileggja fyrirtæki eins og landsvirkjun og OR á grundvelli verðleikamisrétti?  Hér er listinn yfir suma:

Flm.: Árni Þór Sigurðsson, Þórunn Sveinbjarnardóttir, Eygló Harðardóttir,
Álfheiður Ingadóttir, Halldóra Lóa Þorvaldsdóttir, Jónína Rós Guðmundsdóttir,
Jórunn Einarsdóttir, Ólafur Þór Gunnarsson, Sigríður Ingibjörg Ingadóttir,
Siv Friðleifsdóttir.

Ekki verði starfandi stjórnarformaður í OR