Ekkert einelti - bara meinsemi, öfund og illgirni

Víða hátt til högga reitt
Heiftin undir vakir
og þeir sem hafa brögðum beitt
bera af sér sakir

Af meintu gáfnafari Framsóknarmanna

Full af bulli birtist oft
bakkar aldrei sproki
Fljóði þjóðin þessum hvoft
þakkar ef hún loki

Enga lengur kænsku kann
kvíðir málum flóknum
Þunni Gunnar heitir hann
hlíðir kalli af Króknum

Ekki blekkir höfuð hans
hátt og fagurt enni
Singi Ingi í fríðum fans
fátt af viti kenni

Nú herja féndur formann á
fulllan enn í kinnum
Þótt Landvernd email fengi frá
fjögur hundruð sinnum

Eygló finnst mér af þeim bera
einörð bæði og virðuleg
Svona kona vildi ég vera
væri ég ekki fæddur ég

Ég hálfvegis vorkenni Vigdísi

Þekkt er af frekju og fávísi
Fransóknarmaddaman hér
ég hálfvegis vorkenni Vigdísi
verandi eins og hún er

„Komið yfir vitleysingastigið“

Yfirdordingullinn Össur

Hans eigin svik og svínarí
svigurmælin megn' ei fela
Og spuninn hans um Hillary
er Hégómi hins auma dela

„Ekki lengur eins og dordinglar“

4. í stjórnarmyndun

Á því virðist verða bið
að vonir okkar rætist
og lýðnum efni loforðið
svo landinn aftur kætist

Drög að Stjórnarsáttmála

Framsókn fær sinn skulda skjöld
ef skatta lækka vildi
Og frumvarp vont um veiðigjöld
verður fellt úr gildi

Hjóladólgarnir

Heitt er núna hamsi í
hjóladólga liði
ef ég á morgun mætti því
mest af öllu kviði

Á bílstjóranum brutu rétt
og bloggið hefur logað
En fyrst þeim þykir þetta frétt
þá er eitthvað brogað

Eins þótt liggi okkur á
æðrulausir verum
og bíðum meðan brunar hjá
breiðfylking á sterum

Um Álftanesið leiðin lá
leiddist einum dólið
en lenti á bíl sem beygði hjá
og beyglaði smá hjólið

Hérna verið hafið þið
í háði sundur dregin
Fáráðlingar fastir við
fótstig báðum megin

 

Ók í veg fyrir hjólreiðafólk

Vor ei meir

Vestfirðingar vein' á meir
en vegirnir fá borið
frekar vetur vilja þeir
en Vinstra-græna vorið

98% af litlu er lítið

Kallinn hættur Katrín mætt
hvort á annað stara
Þau hefðu betur bæði hætt
en Björn sé bara vara

Katrín fékk 98% í formannskjöri

Einlæg ósannindi

Augljóst er að öðrum hann
engar þakkir kunni
Lyginni ei leyna kann
í líkams-tjáning-unni

„Gæfa að eiga Katrínu“