Mun Teitur rísa upp aftur?

Engum dylst, að málaferli Gunnlaugs gegn Teiti Atlasyni og sú hótun um fjárhagslegt gjaldþrot, sem í þeim fólst bar árangur.  Teitur hefur ekki verið samur maður síðan og lái honum það enginn. Hann virðist hafa misst bæði kjarkinn og getuna.  Þess vegna er það er mín skoðun, að Gunnlaugur megi vel við una niðurstöðu dómsins. Honum tókst að drepa kjark hins vígreifa bloggara.  Hvað sem menn segja um sigur málfrelsisins þá er réttarkerfið ennþá verkfæri hinna ríku og voldugu.  Og allt tal manna um "sigur" Teits í þessu máli er náttúrulega tómt mál meðan ógnin liggur í loftinu. Sú ógn að vera stefnt til greiðslu skaðabóta af litlu sem engu tilefni.  Teitur komst í gegnum þessa málshöfðun með hjálp góðs fólks en hvað um næstu málshöfðun?  Mér finnst ekki nóg að vísa svona málum frá.  Það þarf að sekta stefnendur fyrir að sóa tíma og fjármunum ríkisisins og sektarupphæðin þarf að taka mið af fjárhagslegri getu stefnanda.  Í málaferlum Gunnlaugs hefði átt að láta dólginn borga upphæð sem hann munaði virkilega um.  Ein og hálf milljón eru hreinir smáaurar fyrir Gunnlaug Sigmundsson.  Það verður að takmarka einhvern vegin valdið sem peningarnir veita í svona málum.  Fyrr verður ekki hægt að tala um skoðana og tjáningafrelsi almennt.

Athugasemdir

[Valdimar Jónsson (IP-tala skráð) 20.9.2012 kl. 04:47]

Vel sagt. Þetta er málið.