Fákeppni er ekki samkeppni

Ég,sem hluti af almenningnum í landinu sendi þau skilaboð til þessa svokallaða samkeppniseftirlits,að þeir hlutist til um að lögin, sem um þá gilda,verði endurskrifuð með það að markmiði,að skilgreina Ísland sem fákeppnis og einokunarmarkað. Þá fyrst verður hægt að lifa hér í landinu.

Það er óþolandi að búa við þessar blekkingar og sýndarmennsku lengur. Við þurfum ekki á frekari samruna að halda og sérstaklega ekki óskyldra rekstrareininga.  Miklu nær væri að koma í veg fyrir samruna heldur en að leyfa hann. Sérstaklega á matvöru og olíuvörumarkaðinum. Viðskiptamódel Costco hentar ekki smáþjóð á útnáskeri.

Vilja sjónarmið almennings um samruna

Innviðauppbyggingin á vegakerfinu

Ekki veit ég hvort formennirnir í ráðherrabústaðnum séu sammála um forgangsröðunina í samgönguumbótum. Hitt er ljóst að uppbyggingin mun kosta alltof mikið til að hægt sé að réttlæta að sá kostnaður lendi alfarið á skattgreiðendum þessa lands. Sérstaklega þar sem beinn fjárhagslegur ávinningur af framkvæmdum við samgöngubætur lendir allur í vasa þeirra sem nota samgöngur í atvinnuskyni. Þegar Norðfjarðargöng voru opnuð þá var viðtal við rekstrarstjóra Eimskips á Austurlandi. Hann var að vonum ánægður með þessa 14 þúsund milljón króna samgöngubót.

"Við sem önnumst þungaflutninga finnum ekki síst fyrir því hvað þetta  glæsilega mannvirki breytir miklu. Það má nefna að í gær þurftum við að flytja 11 frystigáma frá Síldarvinnslunni til Mjóeyrarhafnar í Reyðarfirði. Til þessa hafa slíkir flutningar með tveimur bílum tekið einn og hálfan dag en í gær var þeim lokið um miðjan dag. Þetta er í reyndinni ótrúlegt. Flutningabíll frá frystigeymslu Síldarvinnslunnar til Mjóeyrarhafnar var 54 mínútur á leiðinni þegar farið var yfir Oddsskarð en með tilkomu Norðfjarðarganganna er hann einungis 26 mínútur á leiðinni. Það sjá allir á þessu hve göngin skipta miklu máli og þess skal getið að í þessari viku höfum við flutt 24 frystigáma frá Síldarvinnslunni þessa leið. En Norðfjarðargöngin spara meira en tíma. Með tilkomu þeirra minnkar mikið slit á bílunum, olíueyðsla minnkar mikið og dekkjaslit einnig"

En hvað skyldi þessi sparnaður Eimskips-Flytjanda þýða í auknum viðhaldskostnaði? Höfum í huga að einn fiskflutningatrukkur slítur vegum á við þúsund venjulega bíla en þeir þurfa samt ekkert að borga fyrir þessa nýtingu á almannafé. Og það er ekki eins og Eimskip borgi það sem þeim ber til ríkisins. Eimskip svindlar og stundar skattasniðgöngu eins og flest stór alþjóðleg fyrirtæki.

Nú þegar við erum að fara af stað með umfangsmiklar samgöngubætur sem munu kosta hundruð milljarða, þarf að taka umræðuna um hverjir eigi að borga. Það er alveg ljóst í mínum huga að þeir eiga að borga sem nota í hagnaðarskyni.  Flutningafyrirtæki og Ferðaþjónustan og umfram aðra, þeir sem stunda transport á afla og veiðarfærum landhorna á milli í staðinn fyrir að nota eigin skip og báta.

Við þurfum að efla sjóflutninga og takmarka landflutninga þannig að þungatakmarkanir leyfi ekki þessa yfirfrakt,sem nú flæðir um illa undirbyggða vegi landsins. Ef við svo tökum upp réttláta innheimtu veggjalda þá getum við lagað vegina.  Við getum það ekki, ef trukkarnir hjá Eimskip og Samskipum eyðileggja jafn óðum það sem vel er gert.

Dæmigerður hvítflibbi

Ég hef aldrei skilið hugsunarhátt hvítflibbamanna sem telja sig hafna yfir lög og rétt. Margir eru mér sammála enda mætir þessum föllnu hvítflibbum undantekningarlaust fyrirlitning samfélagsins.

Geir Haarde hefði getað tekið örlögum sínum af meiri karlmennsku en hann gerði. Hann hefði getað axlað ábyrgð og undirgengist ákvæði stjórnarskrárinnar sem um Landsdóm gilda.  En það gerði hann ekki. Þess vegna er hann eins og hver annar hvítflibbi í mínum augum. Ærulaus maður í afneitun á eigin sök. En eins sorglegt og þetta landsdómsmál var á margan hátt þá er það nú staðfest að framkvæmd þess var á allan hátt samkvæmt réttum lögum.  Það er það eina sem skiptir í raun máli.  Alþingi tókst ekki að klúðra málinu þrátt fyrir einbeittan vilja þar um

Ríkið sýknað í landsdómsmáli

Er Björn Valur þá subba?

Fiskistofustjóri segir að brottkastið á Kleifaberginu sé subbuskapur af verstu sort. Margir geta tekið undir það.  En varla Björn Valur sem er í þeirri stöðu að hafa borið fulla ábyrgð á subbuskapnum til fjölda ára sem stýrimaður og skipstjóri á því ágæta skipi.

Dálítið óþægileg staða fyrir yfirsprittara Vinstri Grænna. Manns sem hefur tekið sér það vald á undanförnum árum að draga menn í dilka.

„Subbuskapur af verstu gerð“

Ekkert svigrúm fyrir mannlega nálgun

Sigríður Andersen er fáviti.  Það er bara ekkert hægt að orða það öðruvísi. Hvað ætlar hún að hræra oft í þessum útlendingalögum þar til búið er að sníða alla agnúa af?  Þessar breytingar sem hún þykist tilbúin með eru víst þær þriðju á þeim 2 árum sem lögin hafa verið í gildi. Vel gert Alþingismenn!!

Einfalt að leiðrétta þessi mistök

Fiskmarkaðir svindla líka

Á meðan kerfið er óréttlátt mun verða svindlað. Það kom fram í þættinum Kveik, að það er landlægt viðhorf alls staðar að það er bara fullkomlega réttlætanlegt að svindla á þessu kerfi.  Þetta á að vera útgangspunkturinn í umræðunni.  Ekki að hneykslast og setja upp vandlætingarsvip og kenna öðrum um.

Allir sem starfa í greininni bera sameiginlega ábyrgð. Stjórnvöld eru dálítið stikkfrí því þau hafa fyrir löngu framselt vald sitt til hagsmunaaðila í greininni og fjármálastofnana.

Á meðan kvótakerfið er við lýði verður alltaf svindlað.  Það eru beinlínis innbyggðir hvatar í kerfinu til þess að gera mönnum það kleif(aberg)t.

„Brottkast og svindl er ólíðandi“

Umboðslaus ráðherra

Þorgerður Katrín getur ekkert gert í brotalömum kerfisins þótt hún vildi. Ekki vegna þess að hún sé starfsráðherra heldur vegna þess að ráðuneytinu er stjórnað af hagsmunaasðilum innan stórútgerðarinnar. Það eru snillingar eins og Kristján Vilhelmsson og Binni Í Vinnslustöðinni sem öllu ráða.

Til að breyta hér til frambúðar þarf að kjósa óspillta stjórnmálaflokka til forystu.  Og ekki bara óspillta heldur fólk sem hefur þekkingu á kerfunum og vilja til að breyta þeim okkur öllum til hagsbóta. Henda hagsmunaöflum og lobbyistum út úr stjórnkerfunum og taka til í eftirlitsiðnaðinum sem er hér gagngert til að setja gæðastimpla á subbuskapinn sem fylgt hefur einkavinavæðingu fjórflokksins.

„Fæ líka pósta með ábendingum“

Búrtíkinni sigað

Umfjöllun Helga Seljan á brottkasti og framhjálöndunum í íslenzka kvótakerfinu snerti greinilega viðkvæma strengi hjá kvótagreifum og öðrum sem hagsmuna eiga að gæta.  Enda fágætt að ræsa út frívakt nema mikið liggi við.  En hér er semsagt búrtíkin mætt með sitt gjamm og freistar þess að hræða burt alla frekari umfjöllun með þessari makalausu yfirlýsingu.  Hingað til hefur útgerðarmafían haft öfluga talsmenn. Menn eins og Kristján Ragnarsson og Friðrik J Arngrímsson, en ekki lengur. Enda er LÍÚ ekki lengur til sem slíkt. Eftir að þeir eignuðust fjórflokkinn og Moggann þá töldu þeir markmiðum sínum náð og lögðu niður LÍÚ og freistuðu þess að mýkja ímyndina með konum í forsvari. Fyrst Karenu Kjartans en núna Heiðrúnu Lind. En mér segir svo hugur að þeir eigi enn langt í land með að tryggja full yfirráð yfir fiskveiðum við Ísland. Kvótakerfið er svo gallað að það er bara spurning um einhverja embættismenn eins og fiskistofustjóra, hvenær þeir brotna og upplýsa um svindlið og svínaríið sem þrífst í skjóli kvótakerfisins og hvernig kerfið sjálft hefur unnið gegn markmiðum sínum.  Um þetta hefur aldrei mátt ræða. Kannski er umfjöllunin núna bara fyrsta atlagan af mörgum þar til þetta svikakerfi verður aflagt og þeir stjórnmálamenn og fiskifræðingar sem ábyrgðina bera verða úthrópaðir sem landráðamenn og auðlindaræningjar, sem þeir eru.

Guðmundur í Brimi ber ábyrgðina sem útgerðarmaður Kleifabergsins. Frystitogarans þar sem brottkastið var staðfest með vitni og myndum.  Nokkru sem ekki hefur verið hægt að gera áður. Enda hafa útgerðarmenn óhikað látið sjómenn vita að allt illt umtal varðar atvinnumissi. Sjómenn einir vita hve umfangsmikið brottkastið er. Hafró hefur ekki hugmynd um það. Samt vogar Hafró sér að skálda upp ímyndaðar tölur um brottkast. Að brottkast sé bara 1-2% er náttúrulega firra sem margbúið er að hrekja en dúkkar samt alltaf upp aftur sem áreiðanleg tölfræði þegar þarf að svara gagnrýni á fiskveiðistjórnunina.

Og þessar tölur birtir Heiðrún Lind sem vísindalegar staðreyndir.  Enda hefur hún enga þekkingu á sjávarútveginum sem atvinnugrein.  Hún þekkir bara tölur og hagstærðir og allt í lagi með það svo framarlega sem ekki er verið að ljúga með tölum. Hún heldur eins og margir að Hafró stundi vísindalegar haf og fiskirannsóknir. Mér vitanlega eiga aðferðir Hafró lítið skylt við vísindalega nálgun. Enda erfitt um vik með mælingar þar sem enginn fasti er!  En það er ekkert að þvælast fyrir excel fiskifræðingunum. Og þegar þeir gera mistök þá er bara formúlunni breytt. Einu sinni týndu þeir 600 þúsund tonnum af ímynduðum hrygningarstofni. En það skipti engu í bókhaldinu. Og það skiptir heldur engu hvað miklu er landað fram hjá vigt eða hve miklu er hent. Hafró er með allt á hreinu enda bæði bókari og endurskoðandi á framtíðarreikningi landsmanna.

Er ekki kominn tími til að hætta afneituninni?  Er ekki ágætt að viðurkenna hvað hefur farið úrskeiðis til að hægt sé að laga það? Ef Heiðrún Lind hefði bara lúllað áfram og ekki rokið upp við rúmrusk maddömunnar í Brim, þá hefði ég ekki þurft að sitja hér og skrifa þennan pistil. Fólk þarf smá tíma til að átta sig á alvöru málsins. Yfirlýsing SFS gerir ekkert nema æsa að nýju gagnrýnisraddir okkar, sem vitum hversu miklum skaða kvótakerfið hefur valdið okkur sem þjóð.  Ekki bara fjárhagslegu tjóni heldur innviðatjóni sem aldrei verður bætt.

Segir áhyggjur af brottkasti að mestu óþarfar

Sturlungakvöld

Mörgum inngrónum Sjálfstæðismönnum er nú órótt vegna þess hve dregist hefur hjá þingflokki Vinstri Grænna að samþykkja að flokkurinn fari í stjórnarsamstarf með sjálfstæðisflokknum. Það sjáum við á skrifum helsta strategista flokksins, Björns Bjarnasonar í gærkvöldi og aftur í morgun. Yfirleitt bloggar Björn einu sinni á dag og þá yfirleitt fyrir hádegið. Það heyrir til undantekninga að Björn vaki fram eftir við bloggskrif en það gerðist þó í gærkveldi og er til marks um hversu mikilvægt hann telur fyrir Sjálfstæðisflokkinn að landa þessum stjórnarmyndunarviðræðum með Katrínu Jakobsdóttur í forsæti.

Björn vill sögulegar sættir milli VG og Sjálfstæðisflokks til að tryggja Sjálfstæðisflokknum áframhaldandi völd. Björn er reiður útí alla sem reyna að spilla því vanhelga bandalagi. Hann talar niður til varaformanns VG í pistlinum í gærkvöldi en vaknar svo til nýrrar vonar í morgun eftir að vera búinn að eignast nýjan bandamann í Kolbeini unga Proppé.

Nú er eftir að vita hvort Kolbeinn Proppé rís undir væntingum Björns Bjarnasonar og gerist hinn sterki bandamaður Sturlunga aka Engeyinga öfugt við nafna sinn sem herjaði á Sturlunga á 13.öld.  Ég tel litlar líkur á því. Kolbeinn Proppé fékk sína 10 mínútna frægðarstund í gærkvöldi.  Meira var það ekki.

Andvökukvöld Björns Bjarnasonar reyndist Sturlungakvöld.

Þrjár ástæður til að hefja viðræður

Af búrtíkum og smalahundum

Meðan búrtík Bjarna svaf
og bannað var að tala,
Eftir kröfum Kata gaf
og kunni ekki að smala.

Utanveltu voru tvö
og varla á þau andað
nú holdgervingi "Hægri sjö"
hefur Logi landað.

Brátt hann hefur hópi í
hæfilega marga
Upp í Kötu kippir því
sem kveður flokkinn arga.

Flokknum til að tryggja sátt
tárum Sæland vopnast
allar hurðir upp á gátt
eru nú að opnast.