Peningarnir okkar!

Enginn er betur til þess fallinn að ráðstafa peningum sínum, en sá sem aflar þeirra.  Þetta ættu allir að vera sammála um hvar í flokki sem menn standa. Þess vegna svíður mér alltaf þegar ég les fréttir um sjálftöku kjörinna fulltrúa okkar, úr sameiginlegum sjóðum.  Sjálftöku sem er löngu komin úr öllu hófi.  Það virðist sama hvert litið er. Hvort um sé að tefla opinbera sjóði verkalýðsfélaga, íþróttafélaga, lífeyrissjóða, sveitarfélaga eða ríkissjóð.  Alls staðar er sjálftökuliðið að moka í sjálft sig og vini sína án athugasemda.  Nýjustu dæmin eru náttúrulega bifreiðakaup Lífeyrissjóðs VR, ferðakostnaður borgarfulltrúans Oddnýjar Sturludóttur og starfslokasamningur skólastjórans í Gerðaskóla.

Ekkert af þessum útgjöldum er hægt að flokka undir eðlileg útgjöld eða ábyrga meðferð á almannafé. Almenningur þessa lands þarf að rísa upp gegn þessari botnlausu sóun og þjófnaði liggur mér við að segja. Blóðpeninganna er nefnilega aflað með blóð og svita HINS VENJULEGA LAUNÞEGA EN ÞEIR DETTA EKKI AF HIMNUM OFAN. Heimtum af fulltrúum að þeir umgangist peningana okkar af ábyrgð og látum þá þurfa að sækja um leyfi fyrir aukakostnaði.  Og afnemum þessi arfavitlausu bílafríðindi allra.  Ríkisstjórnar, lífeyrisbófa, borgarstjórnar Reykjavíkur og fyrirtækja í opinberri eigu. Ef fólk þarf að komast milli staða í vinnunni þá á að nýta leigubíla. Að öðrum kosti eiga menn bara að reka eiginn bíl ef menn kjósa svo. Ef menn svo treysta alls ekki að fulltrúarnir fari eftir þessum tillögum þá finnst mér koma til greina að takmarka heimildir til skattlagningar við 20% af nettótekjum, í stjórnarskránni. En tillögur um það sem vantaði í frumvarpið um stjórnarskrána koma seinna

Sex-Workers

Í framhaldi af umræðum hjá Hilmari Jóns mundi ég eftir sjónvarpsþætti sem ég sá glefsu úr og fjallaði um félagslega kynlífsþjónustu sem fötluðu fólki í Bretlandi stendur til boða. Þetta þurfum við að taka upp og þróa þannig að kynhvötin verði viðurkennd í þjóðfélaginu og menn átti sig á að henni verður að fullnægja á heilbrigðan hátt en ekki fela og bæla niðri eins og pempíurnar, geldhænsnin og nærbuxnafemínistarnir hafa fengið framgengt.  Hér á að lögleiða vændi og hafa með því eftirlit og tekjur.  Það er ekki eðlilegt að þjóð sem býður heim bráðum milljón ferðamönnum skuli vera í slíkri afneitun að hér sé hægt að kaupa nánast allt nema kynlífsþjónustu. Og hvers eiga sjómennirnir að gjalda? Íslenskir og erlendir sjómenn/sjóliðar, mega víðast hvar erlendis kaupa sér vændiskonur en ekki hér á Íslandi.  Það er mín skoðun að draga megi stórlega úr nauðgunum og sérstaklega hópnauðgunum ef hér væri hægt að kaupa þessa þjónustu á löglegan hátt.  Og með því er ég ekki að afsaka þær nauðganir sem hafa átt sér stað. Glæpur er og verður glæpur en menn eiga líka að sinna forvörnum á þessu sviði sem öðrum

Amazon konurnar og íslensku sílikongellurnar

Amazon konurnar skáru af sér hægra brjóstið til að geta spennt bogann betur.  Íslenskar konur halda hins vegar að kynþokkinn búi í stórum brjóstum. Einhvern veginn grunar mig að íslenskir karlmenn séu að senda vitlaus skilaboð og klámvæðingin sé konunum að kenna en ekki körlunum.

Andhetjuhugsun og aumingjavæðing Íslands

Íslendingar eru upp til hópa ólæsir fávitar sem dýrka teiknimyndasögur eins og Tinnabækurnar.  Af Tinnabókunum hafa menn lært að tilbiðja andhetjur og fáráða. Andhetjan er dæmigerð rola sem finnst allt í lagi að gefast upp. Andhetjan á enga sómatilfinningu og er í eðli sínu ærulaus.  Andhetjunum finnst allt í lagi að eyða matarpeningunum í sígarettur og eiturlyf og fara svo í biðröð hjá fjölskylduhjálpinni eftir mat. Andhetjan er byrði á samfélaginu. Andhetjan vill gjarnan að Ísland gangi í ESB.

Við þurfum að sparka í rassgatið á sjálfum okkur og fara að lesa meira af Íslendingasögunum. Hetjur Íslendingasagnanna lifðu með sæmd og dóu með sæmd. Sá er munurinn

Eftir jólabókaflóðið kemur bókamarkaðurinn

Þetta veit hin bókelska þjóð og þess vegna eru allir núna í Perlunni að grúska í bókum nema ég. Ég þoli ekki svona samkomur. Þoli ekki útsölur og þoli ekki strætó. Samt myndi ég gjarnan nota strætó ef ekki væru þessir óþolandi farþegar.

Framboð af menntun

Hér er of mikið framboð af skólum en of lítið framboð af menntun. Hér eru námsmenn látnir kenna stúdentum í stundakennslu og hér eru alltof margir doktorsnemar að læra allskonar fíflafræði í alltof mörgum háskólastofnunum. Þetta er bara rugl.  þessu hefur 300 þúsund manna þjóð ekki efni á. Hér þorir enginn að andæfa af hræðslu við að missa spón úr aski sínum. Enda hafa störf í menntakerfinu verið notuð sem pólitísk skiftimynt allt frá dögum Jónasar í Hriflu til þessa dags. Hér áður var borin virðing fyrir háskólamenntun.  Í dag er það ekki svo.

Dæmisaga Guðbergs

Rithöfundar hugsa öðruvísi en venjulegt fólk.  Þetta hélt ég að Illugi Jökulsson, af öllum mönnum, skildi manna best verandi sonur eins af okkar betri rithöfundum.  Þess vegna skil ég ekki þessa væmni hans vegna nýjustu dæmisögu Guðbergs Bergssonar.  Ég held ekki að Guðbergur hafi verið að hæðast að þessum strák per se, heldur noti hann þennan atburð og leggi útaf honum á þann sérstaka hátt, sem honum einum er lagið. Guðbergur er að tala um agaleysi sem brýst fram í hrekkjum, einelti og síðar flónsku og jafnvel fjármálaglæpum. Ég kaupi það því mér hefur alltaf fundist textinn hans Guðbergs vera í dæmisögustíl og ekki eiga að skiljast bókstaflega. Ég er ennþá þeirrar skoðunar

Það er öllum frjálst að gagnrýna

Persónulega finnst mér þessi kvörtun jafn virtrar stofnunar og Wiesenthal stofnunarinnar óskiljanleg í hvaða samhengi sem er. Ég hallast að því, að einhver íslenskur öfgazionisti, eins og Vilhjálmur Örn, sé að nota Simon Wiesenthal til að koma höggi á íslenska trúarhefð. Lestur Passíusálmanna á föstunni er löngu orðin hefð og það þarf sérstakt ofstæki og paranoiu til að lesa út úr þessum skáldskap eitthvert sérstakt gyðingahatur sem færa megi upp á nútímann.  Þeir sem lesa þennan texta sjá að hann er bein tilvitnun í texta Biblíunnar á þeim atburðum sem Biblían segir frá. Hvort þessir atburðir hafi yfirhöfuð átt sér stað er allt annað mál. En ég vona bara Islendinga vegna að Páll Magnússon svari þessu bréfi á kurteisan hátt.  því miður þá á hann það til að svara gagnrýni með dónaskap og ruddahætti.  Sérstaklega ef gagnrýnin kemur frá ellilífeyrisþegum og þeim sem liggja vel við höggi

Kvörtun um sálma hæpin

Persónuleikaraskanir hrjá Samfylkinguna

• Samfylkingin var í stjórn 2007-2009 og ber ótvíræða ábyrgð á hruninu með aðgerðaleysi og meðvirkni. -  Þetta er gleymt og gerðist því aldrei!
• Uppreisn er gerð gegn formanni Samfylkingar í janúar 2009 og hún þvinguð til að slíta stjórnarsamstarfi og efna til kosninga.-  Þetta er gleymt og gerðist því aldrei
• 1. stýrimaður samfylkingar, Jóhanna Sigurðardóttir er dubbuð í skipstjóradjobbið og vinnur kosningar 2009, annars engar breytingar á forystuliðinu - Jóhanna er heilög og það eitt skiptir máli
• Samfylking myndar stjórn og lætur eins og hún beri enga ábyrgð á hruninu - Jóhanna er heilög og það eitt skiptir máli
• Samfylking rær að því öllum árum að innlima ESB í Ísland en á sama tíma stendur Össur Skarphéðinsson í viðræðum um samstarf og viðskiptasamninga við ríki utan ESB -  ESB bjargar okkur
• Samfylkingin afhendir Hæstarétti lagasetningavaldið  -  Allt Sjálfstæðisflokki að kenna. þeir eru að skemma fyrir
• Samfylkingin flytur okkur passíusálma  með blóð á höndum. - Allt umboðsmanni skuldara og Dróma að kenna

Getur ekki einhver góðviljaður geðlæknir hjálpað þessu liði?

Anskotans skömm er alltaf að þessum sjálfsréttlætingum

Það var efnahagsaðstoð AGS, sem fleytti okkur yfir mesta hættutímann. Og Steingrímur gerði fátt annað en það sem honum var leyft enda var hann meira svona eins og nemi í starfsþjálfun hjá sendimönnum AGS sem öllu réðu. EN það sem Steingrímur má naga sig í handarbökin yfir núna eru þau glötuðu tækifæri sem hann hafði ekki vit til að færa sér og þjóðinni í nyt á meðan hann hafði tækifæri til. Þar er af mörgu að taka en þau mistök sem mestu skiptu voru að afnema ekki kvótakerfið og stórauka veiðar ásamt því að skera all verulega niður í útgjaldahlið ríkisins og sleppa því að þiggja alla þessa gjaldeyrisaðstoð. Leið AGS var nefnilega redding til bráðabirgða og mun valda öðru efnahagshruni þegar hrægammarnir sem nú eiga bankana ryðjast út með allan gjaldeyrisvarasjóðinn eins og allt stefnir í.  Þá er ekki víst að hægt verði að bjarga Íslandi.

„Björguðum Íslandi“