Pressuendaþarmurinn

Þegar minnihlutahópar fá of mikil réttindi þá er voðinn vís. Nú vill formaður homma og lesbía að hommar fái að gefa blóð. Hún telur það mannréttindabrot að blóðbankinn setji þessa varúðarreglu að taka ekki blóð úr fólki í áhættuhópum. Undir þetta flokkast, alkóhólistar, fíklar og hommar. Hvernig getur það verið mannréttindabrot þegar hagsmunir heildar eru teknir fram fyrir ímyndaðan rétt einhverra rugludalla?  Ég er yfir mig hneykslaður á þessari vaxandi frekju sem Samtökin 78 eru farin að láta í ljós. Það er ekkert annað en misrétti þegar minnihlutahópum eru tryggð réttindi sem aðrir ekki hafa. Ég kæri mig ekkert um að blanda blóði við samkynhneigt fólk. Ekki frekar en sprautufíkla eða fólk með lifrarbólgu. Það er alveg á tæru. Pressan þykist vera víðsýnn miðill en er bara einn allsherjar endaþarmur þar sem sorinn vellur úr öðrum hverjum penna. Nægir að nefna penna eins og Svein Andra, Hannes Hólmstein og Ólaf Arnar. Svei aftan

Má Mái eiga banka?

Samherji hefði aldrei náð að vaxa eins og raunin varð á árunum 1997-2008 án aðstoðar Kaupþing banka og seinna Glitnis. Engum var þetta ljósara en  Þorsteini Má Baldvinssyni. Þess vegna lagði hann mikla áherzlu á að tryggja sér ráðandi stöðu í Glitni, sem honum tókst undir það síðasta. Þáttur Þorsteins sem stjórnarformanns Glitnis, í hruninu hefur ekki verið rannsakaður. Hvernig stendur á því? Og nú er Þorsteinn kominn af stað og vill nú eignast MP Banka. Rétt er að spurt sé, og spurningunni beint til FME; "Má Mái eiga banka?"  Og hverjir eru þessir huldumenn sem eru alls staðar á sveimi eins og hræmigur? Hverjir voru þessir Tríton menn sem áttu að tryggja Samherja yfirráð yfir verksmiðjum Icelandic Group? Og hverjir eru þessir Títan menn sem vilja leggja til fé til kaupa á MP Banka? Er þetta sama fjármagnið undir mismunandi kennitölu? Flókin og óljós eignatengsl áttu mestan þátt í hruni gömlu bankanna. Ætlar FME að endurtaka hér leikinn? Auðvelt ætti að vera að setja reglu sem bannar að félag eigi ráðandi hlut í öðru félagi. Jafnvel kæmi til greina að takmarka slíka eign við mjög lítinn hlut. Til dæmis 10-15%. En hefur það verið lagt til? Nei,  hér voru gerðar smábreytingar á fjármálalöggjöfinni í tíð Gylfa en þær náðu ansi skammt og ekki er að sjá neitt frumkvæði frá Viðskiptanefnd þingsins þrátt fyrir tal um meira frumkvæði og aðskilnað frá framkvæmdavaldi og bla bla bla...

Títan og Samherji leiða hóp fjárfesta í MP banka

En hvað um ESB, Bjarni?

Það eru mistök hjá Davíð og stuttbuxnadeildinni að efna til innanflokkserja vegna icesave. Flokkurinn ber ábyrgð á icesave og því fyrr sem hann kyngir þeim viðbjóð, þeim mun fyrr rís Sjálfstæðisflokkurinn úr kútnum. Þetta er pólitískt mat Bjarna Ben og ég er honum sammála. Hins vegar er annað mál sem hefur klofið þjóðina í herðar niður og það er ESB umsóknin. Þar sem allri rýnivinnu er nú að ljúka má gera ráð fyrir stuttum tíma til að ljúka þessum samningum, innan við ári spái ég. Hér held ég að Sjálfstæðisflokkurinn hefði þurft að skerpa skilin.  Skrýtið að Davíð og herforingjar hans, þeir Styrmir og Björn, hjá Evrópuvaktinni, skuli ekki hafa virkjað ítök sín í flokknum til að vinna gegn aðild. Icesave málið er tapað. Þingið mun samþykkja þennan samning og forsetinn mun ekki neita að skrifa undir. Það held ég sé flest öllum ljóst. Og það er of seint núna fyrir Davíð að breyta um taktík. Stríðshanskanum hefur verið kastað og Bjarni Ben mun fara með sigur í viðureigninni við skrímsladeildina.  Afleiðingin mun verða breytt pólitískt landslag. Samfylking og Sjálfstæðisflokkur munu ná saman um innlimun landsins í ESB og Framsókn mun þurrkast út. VG verður svo aftur 10% flokkur menntamanna og listasnobbliðs sem mun halda áfram að tala um mikilvægi skapandi lista. En það mun ekki ná eyrum ráðamanna í Brussel. Þeir munu umbera okkur eins og við umberum lúsina. Ef við verðum til vandræða þá munu þeir kremja okkur. Ef við látum lítið á okkur kræla þá fáum við að lifa

Lófaklapp í lok ræðu Bjarna

Krosstengsl flokkanna

Er nema von að hugtakið fjórflokkurinn hafi festzt í sessi þegar við horfum á kjörna fulltrúa flokkanna og rýnum í debet og credit hjá þeim. Innan flokkanna þarf að fara fram heiðarlegt uppgjör og það er ekki nóg að tala. Það þarf að fara fram lúsahreinsun þannig að flokksvillingarnir verði reknir úr flokkunum og til síns heima. Tökum sem dæmi Jón Gunnarsson, af hverju er hann í Sjálfstæðisflokki en ekki Framsókn. Lilja Móses í Hreyfingunni. Ásmundur Einar og Björn Valur í Framsókn. Árni Páll og Magnús Orri í Sjálfstæðisflokki. Þorgerður Katrín heima hjá sér. Mörður í VG. Atli á heilsuhæli. Eygló í Samfylkingunni. Árni út í Eyjum. Unnur Brá í anger management. Og Höskuldur í Sjálfstæðisflokknum. Flokksvillingarnir eru alls staðar. Frambjóðendur hafa valið sér flokka með tilliti til mögulegs þingsætis án tillits til hvort menn hafi átt samleið með stefnu flokksins. Skýrasta dæmið um það er Sigmundur Ernir! Flokkakerfið ber ábyrgð á því hvernig tækisfærismennskan og prófkjörin hafa rutt niður öllum girðingum. Á þessu þarf að ráða bót.

Skýrið línurnar takk svo við getum tekið upp persónukjör

Herðabreiður Karl Th.

Karl Th ætlar greinilega ekki að sitja hjá aðgerðalaus og horfa uppá Árna Pál, verða næsta formann Samfylkingarinnar fyrir slysni. Karli Th er illa við Árna Pál og hans frjálshyggju áherslur sem lítið eiga skylt við jafnaðarmanna hugsjónina.  Þetta er vitaskuld alveg rétt athugað. Það yrði enn eitt klúðrið ef Árni Páll yrði kosinn næsti formaður. Ég hef löngu lýst þeirri skoðun minni að kalla eigi Stefán Jón Hafstein til að leiða flokkinn. Enginn núverandi eða fyrrverandi forustumaður virðist fær um að taka við af Jóhönnu. Þeir sem halda að Guðmundur Árni sé þessi maður, þeir fara villu vega. Samfylkingin þarf að taka til og blása rykinu af jafnaðarstefnunni. Þar kemur Stefán Jón sterkur inn. Síðan kemur Ólína Þorvarðardóttir sterklega til greina sem varaformaður. Þótt hún sé valdaskessa eins og Ingibjörg Sólrún, þá hefur hún þó hjartað á réttum stað.  Margir bíða spenntir eftir útspili Karls Th. Hann heldur spilunum þétt að sér og þótt hann hafi kastað hundinum þá vitum við ekki hvaða mannspil hann hefur á hendi

Glitnir og Þorsteinn Már

Hvernig er það með rannsóknina á Glitni og stjórnendum hans, var ekki örugglega búið að fletta ofan af öllu svindlinu í sambandi við Stím?  Það hefur komið fram að Samherji og Kaldbakur keyptu bréf í Glitni og FL Group í gegnum Stím. Sé það rétt, er það þá ekki rakin markaðsmisnotkun?
Óskandi væri að rannsóknum fari nú að ljúka á svindlinu í bönkunum og þætti útgerðarinnar við að halda uppi fölsku hlutabréfaverði. Þá kannski skýrist hverjir hafa rétt á að rífa kjaft og setja stjórnvöldum stólinn fyrir dyrnar og hverjir ekki.

Lausnin er svona einföld

Allur bolfiskur verði tekinn útúr kvóta og færður undir nýja atvinnu-byggðastefnu
Um uppsjávarkvóta verði samið við núverandi kvótahafa á grundvelli samningsleiðar

 

Býst við að lausn finnist á sjávarútvegskröfu SA

Alkóhólisk umræða

Mikið lifandis ósköp er ég þreyttur á þessu þvargi um Hæstarétt og ógildinguna á kosningu til stjórnlagaþings. Sumir virðast alveg týndir í vangaveltum um hæfi dómaranna eða pólitíkina í sambandi við skipun hæstaréttar. Þetta skiptir bara ekki nokkru máli. Hins vegar vitum við núna, að það hefur aldrei verið mikilvægara en einmitt núna að koma þessu stjórnlagaþingi á. Og ástæðurnar eru einmitt fyrst og fremst þær sömu og fengu því framgengt að ógilda kosninguna. Það verður að breyta skipan dómsvaldsins, bæði hvað varðar fleiri dómsstig og skipan dómaranna. Þar verður gott að geta bent á afgreiðslu þessara 6 hæstaréttardómara á kæru flokkseigendafélags sjálfstæðisflokksins. Því við skulum ekkert vera að blekkja neinn, kæran var undirbúin og kostnaður greiddur af sömu valdablokkum og telja sig eiga Ísland. Þessir menn eru hræddir um að missa þau ítök sem þeir hafa í völdunum. 

Því baráttan um Ísland snýst ekki um peninga eða auðlindir fyrst og fremst. Baráttan snýst um VÖLD: Hún snýst um hver gefur skipanir og hver framkvæmir og hver hlýðir.

Áttum okkur á þessu gott fólk og látum ekki spunakalla þvæla málið. Fókuserum á að krefjast nýrra kosninga. Því það er ekki hægt að koma tauti við hæstarétt nema breyta stjórnarskránni. Það er kjarni málsins. Ekki hvort einhver stærðfræðingur eða lögfræðingur kemur með betri röksemdafærslu en hæstaréttur.

Af hverju er sýktu síldinni ekki slátrað?

Nú eru rúm 3 ár síðan fyrst varð vart við sýkingu í sumargots síldinni sem hefur þjappað sér inni á Grundarfirði og fleiri innfjörðum Breiðafjarðar svo sem Kolgrafarfirði, undanfarin ár. Sýkingarhlutfall samkvæmt nýjustu mælingum er frá 45% og uppí 65% af þeirri síld sem þarna er. Einnig er talið að sýking leiði til dauða. Ef svo er og þær upplýsingar sjómanna eru réttar að mikið sé um dauða síld á botni Grundarfjarðar þá vaknar sú spurning, af hverju er ekki þessari síld slátrað og hún nýtt í bræðslu? Alkunna er að ef dauð síld lendir saman við lifandi síld í tönkum veiðiskipa þá er allur aflinn óhæfur til vinnslu. Ef við værum að tala um sýkingu í búfé þá væri ekki svona sleifarlag látið viðgangast. Alþekkt er hvernig Creutzfeldt–Jakob syking í nautgripum og riðuveiki í sauðfé kallar á tafarlausan niðurskurð alls búpenings. En þegar um fiskstofn er að ræða þá þykir í lagi að stofna lífríkinu í hættu. Þetta gengur ekki upp. Grundarfjörður er smitbæli fyrir stofninn. Hann þarf að sótthreinsa

Ofnotuð orð

Með ólíkindum allt er hér
enginn iðkar trúna
Afvega-leiða ætla mér
umræðuna núna

Spillingar og spunalið
spena ríkis sjúga
Siðblindir þar samanvið
svíkja, stela, ljúga

Standi í lappir Steingrímslið
ef stjórntæk vilja teljast
Hryssan Lilja hamast við
hennar flokksmenn kveljast

Uppi á borði ekkert er
allt er hulið myrkri
sínar skuldir niður sker
skepnan hendi styrkri

Gegnsæir og opnir göngum
grunlausir um þjóðarsvik
þjóðníðingar velta vöngum
varla meir en augnablik

Óþjóðhollir íhaldsmenn
icesave vilja greiða
Svikastjórnin springur senn
sáttir samningsleiða