Handboltafyllerísofbeldi í boði RUV

Nú er kominn föstudagur í dagatali fyllibyttunnar og heimilið undirlagt. Næstu daga mun allt snúast um þessa "helgi" hjá ríkisfjölmiðlinum og ekkert til sparað.  Og eins og hjá öðrum ölkum þá munu afleiðingarnar bitna á fjölskyldunni í þessu tilfelli áskrifendum RUV.  Eftir að þessu fylleríi lýkur og timburmennirnir hellast yfir þá mun okkur ekki verða boðið uppá annað en enn fleiri auglýsingar og enn fleiri endursýningar og þriðja flokks sjónvarpsefni. Hvers eigum við að gjalda? Við erum engin handboltaþjóð þótt íþróttadeild RUV hafi eytt milljónum í áróðursþætti til að réttlæta áhersluna á þessa tegund sjónvarpsefnis. Þótt nokkrir miðaldra kallar séu í vinnu við að grípa og kasta bolta á milli sín þá réttlætir það ekki þetta boltaofbeldi sem við erum beytt í ríkisfjölmiðlinum.

Góður stuðningur dugði ekki - myndir

Kári og strámennirnir

Alveg er makalaust hvernig hælbítarnir geta hamast gegn öllu sem Kári Stefánsson, segir og gerir. Ef þessir aumingjar hefðu bara afrekað einn tíunda af því sem Kári hefur gert þá mættu þeir vel við una. En því miður þá er minnimáttargenið ríkjandi í þessu klíkuþjóðfélagi og velgengni illa séð. Sérstaklega upphefð og viðurkenning sem örfáir Íslendingar njóta erlendis frá.

Segir yfirlýsinguna illa hugsaða

Stjórnskipuninni að kenna

Það hversu auðveldlega ráðherrar fara á svig við ákvæði stjórnarskrárinnar um þrískiptingu valdsins ætti að vera næg ástæða fyrir róttækum breytingum á stjórnskipuninni.  Ráðherra æðið birtist okkur í hverri ákvörðun þessarar ríkisstjórnar af annarri og það heyrir til undantekninga að þingmenn hreyfi mótmælum nema helzt Frosti.

Hér mun ekkert breytast nema með byltingu hugarfarsins. Hættum að vera hræddir meðvirkir fávitar.  Við eigum betra skilið en Bjarna Ben og Sigurð Inga.

Alþingi mun ekki breyta neinu sem stofnun. En fólk eins og Frosti getur það.

Segir Bjarna skorta samþykki Alþingis

Brýnt að losna við þessa borgarstjórn á einu bretti

Það er ekki eitt heldur allt sem kallar á breytt viðhorf borgarfulltrúa gagnvart ábyrgð og skyldum sem kjöri þeirra fylgir. Flokkarnir sem bjóða fram verða að fara að vinna saman sem heild eftir kosningar en ekki í þessum meiri og minnihlutablokkum eins og venjan er.  Hagsmunir borgaranna eru einfaldlega of miklir til að spila með í valdatafli fjórflokksins.

Sveitastjórnarpólitíkin hefur breytzt til hins verra og má þar helst um kenna persónulegum illindum frekar en málefnaágreiningi.  Á þessu er samt ein undantekning og það er sú forræðishyggja sem sauðargærupólitíkusar eru farnir að stunda í krafti lýðræðisgallans sem felst í meirihlutalýðræðinu eins og það er praktíserað.

Einn þessara sauðargærupólitíkusa er Hjálmar Sveinsson sem virðist njóta stuðnings fólks úr VG Pírötum og Bjartri Framtíð.  Ég minnist þess ekki að þetta fólk hafi viðrað það við kjósendur að hér í Reykjavík skyldi skipulagi kollvarpað, verktökum og bröskurum afhent skipulagsvald, þjónusta skert, lántaka aukin, eignir seldar til að standa undir gæluverkefnum og haldið áfram að sóa fé í umferðarþrengingar.  Svo ekki sé minnst á eyðsluna og sóunina innan yfirstjórnarinnar sjálfrar þar sem kjörnir fulltrúar stunda sjálftöku sem aldrei fyrr.

Krafan hlýtur að vera einhvers konar sáttmáli þar sem kjörnum fulltrúum verður settur rammi til að starfa eftir og allt umfram það verður að bera undir borgarana í beinum rafrænum kosningum.  Þessi ákvörðun skipulags og umhverfisnefndar er rakið  dæmi um mál sem þarf að sækja umboð til að leiða til lykta.

Þetta með stjórnlyndið og forræðishyggjuna speglar líka hrokann sem einkennir þetta lið. Þeir bjóða íbúunum að kjósa um verkefni sem kosta smáaura en eru svo sjálfir að makka með fé sem skiptir hundruðum milljóna í allskonar hluti sem ekki falla undir grunnþjónustuna sem fyrir vikið er fjársvelt.

Og það skal tekið fram að þessi gagnrýni á við alla borgarfulltrúa og varamenn.  Hvað eru sjálfstæðismenn að gera með fólk sem brást trausti umbjóðenda sinna svo hrapallega í tíð fyrrum borgarstjórnarmeirihluta og sparka manni eins og Gísla Marteini sem var eini pólitíkusinn sem hafði erindi.  Bara að sjá og heyra í mönnum eins og Júlíusi Vífli og Kjartani Magnússyni er ein af ástæðum þess rofs sem er orðið milli kjósenda og fulltrúanna sem svikust aftan að okkur.  Þessara fyrirlitlegu sauðargærupólitíkusa.

Fækka akreinum og leggja göngu- og hjólastíga

Samfélagsábyrgð verktaka

Ekki ætla ég að varpa sök á arkitektana sem teiknuðu þær byggingar sem helst eru gagnrýndar fyrir smekkleysi og metnaðarleysi og sem skipta svo miklu máli fyrir ásýnd Lækjargötunnar. Sökin er náttúrulega fyrst og fremst skipulagsyfirvalda, borgarstjórnarmeirihlutans og svo eiganda lóðanna,  sem oftast eru braskarar í leit að auðfengnum gróða.

Það er til þeirra sem á að tala en ekki drekkja gagnrýninni í óþolið sem forsætisráðherrann veldur ákveðnum hópum í samfélaginu og sem vill svo til að eru líka háværastir á samfélagsmiðlunum.

Krafan er að skipulagsyfirvöld taki málið upp og semji við lóðarhafa um ásættanlegar breytingar varðandi útlit og götuásýnd þessara tveggja byggingaráforma, Hafnartorgs og hótelsins á Íslandsbankareitnum. Arkitektarnir eiga ekki að vera feimnir við að herma eftir gömlum stílum eins og þeim sem til dæmis Guðjón Samúelsson teiknaði sínar byggingar í.  Þessi hræðsla við höfundarrétt arkitekta er óskiljanleg. (Í raun ætti að afnema þann rétt úr löggjöfinni eins og hann hefur verið misnotaður af eigendum og erfingjum höfundarvarins réttar. Vísa til dæma um að heilu byggingarnar hafa verið rifnar vegna ósættis við arkitekta um fyrirhugaðar breytingar)

En ef viðkomandi bregðast ekki við þeirri gagnrýni sem fram hefur komið úr mörgum áttum þá er eina sem hægt er að gera til að bjarga götumyndinni og það er að búa til síki eða kanal frá horninu á Vonarstræti og að Hörpu en þar gæti kanallinn beygt á milli Hörpu og fyrirhugaðs hótels og út í höfnina við varðskipabryggjuna. Svona síki myndi upphefja götumyndina og draga úr neikvæðum áhrifum annarra hús þarna líka . Svosem eins og Iðuhússins og svarta slyssins við Lækjartorg.

Svo væri upplagt að hanna alvörutorg þar sem Lækjarkanallinn byrjaði á horninu á núverandi Lækjargötu og Vonarstræti. Í miðborginni stendur ekkert torg undir nafni!  Með þessu mætti líka bjarga tjörninni og votlendinu í Vatnsmýrinni.  Í dag er tjörnin ekkert nema fúlipyttur þar sem fátt þrífst nema vargurinn og borgarstjórnin. Sem er líka álitamál hvort þrífist yfirhöfuð.

 

Verktakar sýni teikningarnar miklu fyrr

Öryggisventillinn lekur

Nú er ekki lengur á Ólaf Ragnar að treysta.  Hann virðist hafa gert friðarsamninga við hina pólitísk kjörnu fulltrúa um að láta af embætti gegn einhverjum sporslum sér til handa. Sennilega verður stofnað embætti Sendiherra Norðurslóða, sem hann mun hljóta.

Og nú kætist fjórflokkurinn og stuðningsmenn hans og hugsa sér gott til glóðarinnar með nýjum Þóru - frambjóðanda. Með því verður lokið tilrauninni um stjórnarskrárumbætur fyrir fólkið í landinu og hrammur klíkuveldisins mun kreppa enn fastar að íslenzkum almenningi en áður hefur þekkzt.

Eina sem getur komið í veg fyrir þetta er að við höfum vit til að velja okkur forseta sem virkar áfram sem öryggisventill milli þjóðar og þings.  Og sá maður er til og hefur lýst yfir framboði.

 

Kjósum öll Sturlu Jónsson sem næsta forseta.

RÚV í ruglinu

Helzta vígi góða fólksins er innan RÚV.  Nánar tiltekið á fréttastofunni. Þar þrífst tilfinningaklámkenndur fréttaflutningur sem á ekkert skylt við heiðarlega fréttamennsku. Flóttamannaumfjöllun RÚVara er lýsandi fyrir hlutdrægni sem er beinlínis ætlað að móta almenningsálitið. Áróðurstækni felst í því að nýta sér veikleika almennings, finna veiku blettina og höfða til tilfinninga frekar en dómgreindar.  Þetta kunna fréttamenn RÚV að nýta sér til að skapa óróa og koma höggi á "óvinveitta" ráðamenn.  Þetta er ekki eðli fjórða valdsins heldur beinhörð flokkspólitík, sem á ekki og má ekki þrífast innan veggja ríkisrekins fjölmiðils.  Útvarpsstjóri hlýtur að láta málið til sín taka og setja sína fólki starfsreglur fyrst það getur ekki gert það sjálft.

Fréttastofan á ekki að gera út á tilfinningalegt ójafnvægi fólks í leit að sjálfsupphafningu. Þegar rugludallar eru farnir að viðra hugmyndir um umboðsmenn flóttamanna og jafnvel stinga upp á því í fúlustu alvöru að sækja brottvísaða flóttamenn þá er þetta orðið grín án jóks.

Við megum ekki láta "Góða fólkið" afvegaleiða umræðuna.  Einbeitum okkur að flóttamannahjálp og flóttamannaneyð.  En viðurkennum að við getum ekki hjálpað öllum langveikum börnum í heiminum,  ekki einu sinni okkar eigin!  Og það er mikilvægt að þessar reglur séu ekki háðar geðþótta ráðamanna hverju sinni hvað svo sem góða fólkinu finnst.

Góða fólkið gengur af göflunum ...aftur

Málefni flóttafólks og hælisleitenda hafa verið áberandi í umfjöllun fjölmiðla undanfarið. En umfjöllunin hefur því miður verið mjög einhliða og byggst á tilfinningarökum en forðast að fjalla um getu íslenzks þjóðfélags til að taka við öllum þeim útlendingum sem hingað leita. Sem er lýsandi fyrir hið tvöfalda siðgæði sem einkennir góða fólkið umfram aðra. Fólkið sem þiggur lífsviðurværi af því sama kerfi sem það ræðst svo á í geðshræringum fésbókarstatusa sinna eigin og annarra.

Útlendingastofnun er hluti af kerfinu sem við höfum komið á fót og berum öll ábyrgð á. Forstjóri útlendingastofnunar starfar samkvæmt lögum og reglum sem honum er sett. Forstjórinn og starfsmenn hans hafa ekkert umboð eða svigrúm til tilfinningasemi. Þetta eigum við að skilja og virða.

Albanska flóttafólkið kom hingað undir fölsku yfirskyni. Það er niðurstaða Útlendingastofnunar sem nota bene þessir hælisleitendur sætta sig við.  Hvers vegna er þá góða fólkið að ganga af göflunum?  Er virkilega ekkert annað til að hneikslast yfir en lögmætir úrskurðir starfsmanna útlendingastofnunar?

Og að ráðast að Ólöfu Nordal vegna þessa máls er eins ómálefnalegt og það getur verið.  Eru menn búnir að gleyma Hönnu Birnu málinu?  En það er þetta með tvöfalda siðgæðið......

Krefjast afsagnar Ólafar

Guðni skipar, Ólafur hlýðir

Nær væri að svipta þessa bankaræningja ríkisfangi.

Sviptur rétti til að bera orðuna

3 spurningar vegna dagskrárstjórnar hjá RÚV

3.nóvember 2015 var sýnt frá Legókeppninni 2015.

Frábært framtak ef um beina útsendingu hefði verið að ræða. En nei. Keppnin fór fram 1.febrúar síðasta vetur.

Í kvöld er svo á dagskrá þáttur sem heitir Ebba awards. Verðlaunaafhending sem fram fór í janúar síðastliðnum! 

Til hvers í ósköpunum er verið að kaupa efni og geyma það svo ofan í skúffu?  Er verið að spara svo hægt sé að eyða meiru í boltaíþróttirnar sem hafa haft algjöran forgang í dagskránni á ríkisforsjármiðlinum RÚV?

Er ekki kominn tími á nýjan dagskrárstjóra?