Dagur um Braggamálið

Þótt Eyþór nú allan sig kreppi
ég aldregi völdunum sleppi.
Óreiðu og svik
ég kalla frávik
og sópa því svo undir teppi

Að hafa mig fólkið er heppið,
þótt hárið sé úfið um greppið.
Ég staulast við staf
því almættið gaf
mér veikindi að breiða yfir teppið

Það hankar mig enginn á austri
öllu þó eytt væri í flaustri
Þeir vita sem nenna
það var Hrólfi að kenna
Og ég var sko ekki á Klaustri

Segir ekki um misferli að ræða

Binni í Vinnslustöðinni um Kristján Þór

"Alls ekki ber að skilja sem svo að sjávarútvegsráðherra á hverjum tíma skuli vera sammála útgerðarmönnum í einu og öllu, heldur að hann skilji tungutakið í atvinnugreininni og sé einfaldlega viðræðuhæfur. Það er Kristján Þór svo sannarlega og aukin áhersla á loðnuleit hefði ekki átt sér stað án stuðnings hans og frumkvæðis. Það leyfi ég mér að fullyrða"

 

Er eðlilegt að ráðherra skipti sér beint af starfsemi Hafró?  Það fullyrðir Sigurgeir Brynjar og varla lýgur hann því. Og er það hlutverk Hafró að leita að fiski sem fimm útgerðarrisar hafa einkarétt á að nýta?  Hafi ráðherra verið með puttana í þeim ákvörðunum á sama tíma og niðurskurðarhnífnum var veifað yfir höfði forstjórans þá er það ekki í lagi.

Kristján Þór verður að fara úr þessu ráðuneyti strax. Með góðu eða illu. Hans framganga getur ekki samræmst siðareglum ráðherra hverjar svo sem þær eru.

Stóð alltaf til að finna leiðir

Samráðsgáttin vegna Klukkunnar

Þetta setti ég inná Samráðsgáttina í nótt.

#344 Jóhannes Laxdal Baldvinsson - 11.01.2019

A. Almennt talað þá tel ég að líkamsklukka einstaklinga sé ólík. Í öðru lagi þá er ég á móti forræðishyggju og "fræðslu" fyrir fullorðið fólk. Þess vegna vel ég ekki A.

B. Að seinka klukkunni um 1 klst til að unglingarnir okkar fái meiri svefn eru ekki nægileg rök í mínum huga. Lausnin á því vandamáli er að fara fyrr að sofa. Þarna kemur mismunandi líkamsklukka líka inní. Á Íslandi er skammdegið ekki þrúgandi fyrir meirihluta Íslendinga. Þar spila aðrir þættir stærra hlutverk eins og meðfætt þunglyndi. Að seinka klukkunni til að leiðrétta fyrir rangri hnattstöðu eru gild rök en breyta engu fyrir lýðheilsuna. Hringl með tímann er ekki nauðsynlegt. Get ekki valið B.

C. Með útilokunaraðferðinni er C eini rétti valkosturinn. Ég vel C.

En svo er líka hægt að hætta að vera þræll klukkunnar. Hefur það ekki hvarflað að neinu af þessu góða fólki sem yfir okkur vakir!

Vandræðalegt fyrir Kristján Þór.

Nú þegar málefni Hafró hafa náð athygli fjölmiðla um stund þá virðast hefndaraðgerðir ráðherrans gagnvart einni mikilvægustu undirstofnun sinni ætla að springa framan í hann sjálfan. Eftir stendur ringlaður og ráðlaus sendill sem er í raun umboðslaus í eigin ráðuneyti sem er fjarstýrt af Samherjaforstjóranum Þorstein Má.  Þegar ráðherra þarf sjálfur að ómaka sig á fund undirmanns síns þá er staða hans virkilega veik. En þetta verður Kristján að sætta sig við því hann er bara sendill.  Næst ættu fjölmiðlamenn að vakta innganginn við Katrínartún 2 og krefja ráðherrann svara hversu langt eigi að ganga erinda fiskeldismanna. Ef Þorsteinn Már er ekki í því meira ójafnvægi eftir að vilji hans um brottrekstur seðlabankastjóra náði ekki fram að ganga, þá ætti hann að bakka í þessu máli með Hafró og leyfa öðrum ráðherrum ríkisstjórnarinnar að leysa það mál.  Bjarni Ben er til dæmis farinn að tjá sig og það eru greinilega skilaboð til Þorsteins Más um að hægja á sér í frekjulátunum.

Hvort afskipti Bjarna séu merki um að Kristján Þór muni senn víkja úr ráðuneytinu, skal ekki fullyrt en ráðherra sem þarf sjálfur að biðja um fund hjá forstjóra Hafró og spyrja hann hvernig best sé að leysa vandamál sem ráðherrann bjó sjálfur til, á sér enga pólitíska framtíð.

Þegar ljóst var að tekjustofn Hafrannsóknarstofnunar dygði ekki til, átti aldrei að grípa til skerðinga.  Frumskylda ráðherrans, var að tryggja eðlilega fjármögnun og fyrst hún mátti ekki koma af fjárlögum í formi aukinna ríkisútgjalda, þá var einfaldlega hægt að úthluta Hafró aflamarki. Með því væri stofnunin sjálfbær.  Hún gæti nýtt þetta aflamark hvort heldur til eigin rannsókna eða leigt út til útgerða sem myndu veiða aflann samkvæmt fyrirmælum fiskifræðinga. Myndi þetta ekki kallast snjalllausn?

Kristján fundar með forstjóra Hafró

Kerfið hvetur til brottkasts

Félag Skipsstjórnarmanna átelur Fiskistofu fyrir ákvörðun hennar um, að svipta Kleifabergið leyfi til fiskveiða í 12 vikur vegna þess að sannað þótti, að umtalsvert brottkast hefði átt sér stað á þessu skipi til fjölda ára.  En skipstjórarnir segja líka:

Jafn­vel þótt um­gengni um auðlind­ina hafi tekið gríðarleg­um breyt­ing­um til batnaðar með full­komn­ari tækj­um og búnaði þá er það og mun verða  óhjá­kvæmi­leg­ur hluti af fisk­veiðum á Íslands­miðum að upp komi til­vik  þar sem um brot er að ræða sam­hvæmt túlk­un Fiski­stofu. 

Staðreynd­in er sú að ef í áhöfn­um allra skipa væri einn skip­verji sem væri af sömu hvöt­um og heim­ild­armaður Kveiks að safna gögn­um um brott­kast sem hann kæmi síðan til stjórn­enda Kveiks til að um­fjöll­un­ar þá liði ekki á löngu þar til fá skip ef, þá nokk­urt væri að veiðum.

Og nú skulu menn sperra eyrun og hlusta!  Þarna eru starfandi skipsstjórar á flotanum að viðurkenna að hafa fyrirskipað einhvers konar brottkast. Allir fyrir einn og einn fyrir alla. Og þeir eru bálreiðir vegna þess að einn úr áhöfn Kleifabergs klagaði.  Og allir vita sem vilja vita að svona hefur þetta verið alla tíð. Og fiskveiðistjórnunarkerfið sjálft hvetur til brottkasts til að hámarka verðmæti þess takmarkaða afla sem má veiða.  Það er staðreynd. Og vandlætingin hjá eftirlitsaðilum Fiskistofu og Hafró er einber hræsni.

Úrskurður Fiskistofu er um margt athyglisverður. Fyrir það fyrsta þá eru gögnin eldgömul og brotin fyrnd. Í öðru lagi þá er það fáránlegt að refsa "skipinu" fyrir brot sem útgerðarmaður og skipstjóri bera alla ábyrgð á. Hérna er greinilega verkefni fyrir löggjafann að taka á.

Þess vegna legg ég til, að alþingi fari nú yfir þessi mál enn og aftur og girði fyrir þessar endalausu heimildir sem í reglugerðunum felast.  Góð löggjöf þarfnast ekki nánari (lesist geðþótta) útfærslu ráðherra hverju sinni. Lögin eiga að vera skír.

Fyrir brot á þeim ætti miklu frekar, að leggja sektir á útgerðina í stað þess, að svipta skip veiðileyfi eins og nú er mælt fyrir í reglum Fiskistofu.

Fordæmir viðbrögð Fiskistofu

Hafró í vondum málum.

Ísland gæti verið í fremstu röð varðandi hafrannsóknir og fiskifræði ef Alþingi ylli sínu hlutverki. En því miður þá ráða skammtímahagsmunir kvótagreifanna öllum athöfnum leiguhjúa þeirra. Og þegar lobbý-isminn nær alla leið inn á skrifstofu ráðherra þá er ekki hægt að tala um ríkisstjórn Alþingis, heldur ríkisstjórn sérhagsmuna. Ríkisstjórn Katrínar Jakobsdóttur Thoroddsen er þannig stjórn.

Kristján Þór Júlíussonar hefur kastað grímunni og sett upp Samherjahúfuna aftur. Eftir að hafa lækkað veiðigjöldin og afnumið reglugerðir og lög varðandi fiskeldi þá er spjótinu nú beint gegn Hafrannsóknarstofnun og þeim gert að hagræða í rekstri sem nemur kostnaði vegna eftirlits og ráðgjafar til stjórnvalda vegna fiskeldisins.  Þetta er engin tilviljun. Hafró hefur óhlýðnast.  Þeir vilja ekki leyfa Samherja að ofbeita firðina fyrir austan.  Fyrir þetta er refsað með skerðingu á fjárlögum.  Alveg sama aðferðin og Bjarni Benediktsson notaði gagnvart Ríkisskattstjóra/Skattrannsókarstjóra og Sérstaka saksóknaranum, til að draga tennurnar úr þeirra eftirliti. Eingöngu til að gefa vinum sínum og ættingjum ráðrúm til að fela fé sitt betur og þurrka út slóðir fjármagnsflutninganna.

Það er ekki nema von að forstjóri Hafrannsóknarstofnunarinnar segist vera í vondum málum! 

En...þetta þarf ekki að vera svona.  Hafrannsóknarstofnunin þarf að öðlast algert sjálfstæði frá spilltum hagsmunaöflum, hvort sem er á þingi, eða í Valhöll. Og það gerist ekki meðan hún er háð fjárveitingavaldi Alþingis (lesist ráðherrans). Þess vegna þarf að gera henni kleyft að reka sig sjálfa. Og það getur hún svo sannarlega gert með eigin veiðum.  Fiskirannsóknir á ekki að stunda með því að búa til tölfræðilíkön og aflareglur. Fiskifræðingar eiga að öðlast meiri þekkingu í gegnum rannsóknir á lífríkinu.  Með því að veiða og kryfja. Því meira sem veitt yrði þeim mun betra. Í stað þess að láta skipin liggja í landi svo mánuðum skiptir þá á að láta útgerð Hafró standa straum af rannsóknunum.

Hafró á ekki að vera í vondum málum.  Kristján Þór á að vera í vondum málum fyrir að þjóna einkahagsmunum á kostnað almannahagsmuna í hverju málinu á fætur öðru. Siðaður forsætisráðherra væri búinn að reka svona ráðherra fyrir löngu en því miður þá gengur sjálfsvirðingin kaupum og sölum hjá Vinstri grænum þessi misserin.  Þaðan er engrar siðvæðingar að vænta fyrir meðvirka þjóð!

Hafró þarf að hagræða um 234 milljónir

Endurupptaka braggamálsins í óræðri framtíð.

Einhvern tímann þegar stjórnmálamenning á Íslandi hefur þroskast og stjórnmálamenn axla raunverulega ábyrgð með afsögnum, þá mun braggamálið svokallaða verða tekið upp og sökudólgarnir sakfelldir. Braggamálið mun líka verða notað sem kennslubókardæmi um hvernig ekki á að bregðast við mistökum og klúðri.

Þá verður líka búið að breyta sveitastjórnarlögum þannig að pólitíkusar geti ekki ráðið sjálfa sig í vinnu og líka sinnt eftirlitsskyldu með eigin störfum. Þá verður hlegið að Degi Bergþórusyni og því sem hann sagði í viðtali hjá útvarpi allra starfsmanna 7.janúar 2019

Aldrei um skilgreindan hóp að ræða

Einföld lausn á flóknu vandamáli

Landspítalinn er orðinn of stór eining. Núverandi stjórn spítalans ræður ekki við það verkefni að reka hann. En lausnin er einföld.  Það á að láta sameiningu Borgarsjúkrahúss og Landspítala ganga til baka hið fyrsta. Einnig þarf að hætta þessum hernaði gegn heilsuþjónustunni á landsbyggðinni.  Hver landshluti þarf á öflugum meðferðarkjarna að halda og þar er Reykjavík ekki undanskilin. Mönnunarvandi landspítalans, er að hluta vegna lélegrar stjórnunar á þessu alltof stóra batteríi. Þessi eilífa hagræðing bitnar svo á sjúklingunum og hjúkrunarfólkinu sem eiga að halda öllu gangandi út yfir gröf og dauða. Í bókstaflegri merkingu. Meðan yfirstjórnin hefur fjarlægt sig frá stofnuninni bæði stjórnunarlega og með því að flytja skrifstofur frá stríðshrjáða byggingarsvæði sjúkrahússins. Gámarnir voru greinilega ekki nógu hljóðeinangraðir!

Reisum nýtt borgarsjúkrahús á bezta stað og bætum þjónustuna. Hættum að reka dauðadeild inni á landspítalanum. Dauðadeild þar sem engin umönnun er veitt nema endalaust morfín í æð. Sérhæft hjúkrunarfólk á ekki að láta bjóða sér upp á þessa óstjórn lengur.

Og hvers lags rugl var að flytja hjartagáttina á neyðarmóttökuna?

Á neyðarmóttöku á að veita bráðaþjónustu fyrir venjulegt veikt fólk. Fyllibyttur og ofstopafólk með sjálfsáverka, á ekki að þjónusta þar. Svoleiðis lýð á bara að láta fá nál og tvinna og láta þá sauma sig saman sjálfa.

Það er illa komið fyrir heilbrigðiskerfinu vegna þess að eitt sjúkrahús dugar einfaldlega ekki í 204 þúsund ferkílómetra landi þar sem íbúar eru orðnir 350 þúsund og ferðamenn nálgast 100 þúsund í hverjum mánuði!

Vake up people!

 

Langt út fyrir eðlileg mörk

Megi ólukkan elta þá.

Nú hefur níðingsverkið verið handsalað. Og grafar-rónni endanlega raskað vegna græðgi og aumingjaskapar þeirra, sem að þessu verkefni hafa komið. Þar á ég fyrst og fremst við eigendur lóðarinnar annars vegar og hins vegar borgar-apparatið sem leyfði þessa óhæfu. En skömmin er fleiri.  Til að mynda leikur fornleifafræðingurinn Vala Garðarsdóttir stórt hlutverk í blekkingarleiknum varðandi það að Fógetagarðurinn og Landsímareiturinn séu tvö aðskilin svæði. Þetta er rakalaus þvættingur því hinn forni kirkjugarður náði yfir allt svæðið þó seinna hafi verið leyft að byggja á þeim reit sem nú heitir Landsímareiturinn.  Þegar vísindamenn láta múta sér til að breyta almenningsáliti þá er verið að rýra allt vísindastarf og Háskólastarf í landinu og það hlýtur að kalla á aðgerðir. Meira um það síðar.

Og hvað er með þennan verktaka? Nýtur hann endalauss trausts þrátt fyrir gölluð og ónýt verk út um allt? [Orkuveituhúsið og Kreppuhöllin!] 

Nú þarf að reisa níðstöng og leggja bölvanir á allt þetta lið. Megi þeir aldrei þrífast og óhöpp þá elta svo lengi sem land byggist á hinum forna legstað Reykjavíkur.

Skal bölvunin einnig ná til allra þeirra sem í framtíðinni dvelja á fyrirhuguðu hóteli með þeim afleiðingum að lögsóknir og málaferli geri eigendur og leigutaka alla gjaldþrota.

Framkvæmdir á fullt á Landsímareit

Lögblinda og siðblinda

Fréttirnar af Helga Hjörvari eru sjokkerandi. Þessi hálfblindi maður sem allir höfðu samúð með reynist eftir allt vera harðsvíraður fjármálasvíðingur og perri.  Og þessi maður vildi verða formaður Samfylkingarinnar árið 2016!  Með þann feril á bakinu sem Helgi Hjörvar hafði 2016 þá er ekki annað hægt að álykta en maðurinn sé svo staurblindur gagnvart eigin siðgæði að jaðri við siðblindu samkvæmt almennum mælikvarða þess persónuleikarofs. Og þessi maður hefur enn áhrif innan samfylkingarinnar!

En mér kemur þetta samt ekki alveg á óvart. Ég trúi því ekki að fólk í íslenskum stjórnmálaflokkum sé þar, til að láta gott af sér leiða. Það þarf nefnilega ákveðið dass af siðblindu ásamt meðfæddum óheiðarleika og áunninni lygaþörf til að sækjast eftir frama innan hefðbundnu flokkanna.

Aðrir frambjóðendur og bráðabirgðaþingmenn eru svo allir upp til hópa ómerkilegir populistar sem ekkert geta. Allt stjórnmálalíf og stjórnmálamenning er þannig gegnrotið að græðgi og spillingu.  Það sem Klausturmálið opinberaði er bara alvanalegur talsmáti forystumanna í öllum flokkum. Kvenna jafnt sem karla og ungliða. Klausturmálið mun ekki draga dilk á eftir sér. 

Vaskir menn og konur þurfa að standa upp og taka völdin í eigin hendur undir forystu sósíalista eins og Sólveigar Önnu og Sönnu Magdalenu undir kjörorðinu jöfnuður.

Píratar fengu tækifæri en klúðruðu því.  Gefum Sósíalistum séns