Uppreist æra siðblindra hjóna

Á ýmsa hópa orði halla
svo hriktir nú í stoðunum,
en siðblind hjón í faðma falla
fjölskyldu, í boðunum.

Gleðileg jól 

Stendur stolt með Sigmundi

Agabrot 6 þingmanna

Í dag er 1. des og þjóðin ætti að vera glöð og fagna 100 ára fullveldisafmæli. En fáum er skemmt. Enn og aftur hefur Alþingi sett niður vegna framgöngu þingmanna. Og enn og aftur sýnir það sig að Alþingi getur ekki tekið á eigin afglöpum og agaleysi einstakra þingmanna. Það er ekki nóg að setja siðareglur og skipa siðanefnd ef ekki á að bregðast við þegar þingmenn verða sér og allri þjóðinni til minnkunar með framkomu sem hvergi líðst, hvorki inni á heimilum né á öðrum vinnustöðum! En á Alþingi gera menn bara eins og þeim sýnist í trausti þess að samspillingarkerfið virki og það er að virka. 

Ef Alþingi virkaði væri siðanefndin búin að víta viðkomandi þingmenn og fara fram á afsögn þeirra þegar í stað. En engar fréttir berast af því.  Hvað veldur?  Er þessi siðanefnd ekki óháð þegar allt kemur til alls? Vill ekki Ásta Ragnheiður snerta á þessum skít eða fær hún ekki að gera það? Hvað er Steingrímur að hugsa? 

Agaleysi verður ekki mætt með linkutökum. Agaleysi þarf að uppræta meðal þingmanna með afgerandi hætti. Það er ekki í boði að tvær fyllibyttur fari í frí og öðrum tveim sé vikið úr þingflokki. Allir sexmenningarnir eiga að segja af sér þingmennsku með skömm.

Að Sigmundur ætli sér að sitja áfram á þingi lýsir slíkri siðblindu að flestu almennilegu fólki ofbýður. Sama má segja um Ólaf Ísleifsson og Karl Gauta.  Ef þeir eru slíkir mannkostamenn sem þeir sjálfir halda þá hefðu þeir ekki setið undir saurugu tali Bergþórs og Gunnars. Þeir hefðu einfaldllega staðið upp og kvatt þessa samkomu. En það gerðu þeir ekki og því ber þeim að víkja af þingi og hleypa varamönnum sínum að. Þeir tveir sýndu líka agaleysi með því að sitja á svikráðum við samflokksmenn sína í stað þess að vera á þingfundi eins og þeim bar skylda til.

Við agaleysi er bara eitt ráð.  Brottrekstur

Að þessir 6 alþingismenn skilji ekki alvöru málsins er ástæðan fyrir að fólk almennt ber lítið traust og litla virðingu fyrir Alþingi Íslendinga á hundrað ára fullveldisdegi landsins.  

Varamenn Miðflokksins eiga erfiðan vetur í vændum.

Una María og Jón Þór á þing

Gulli er að hugsa um eigin stöðu

Það er greinilega að hitna undir þeim Guðlaugi og Þórdísi Kolbrúnu útaf 3.orkupakkanum sem þau vilja láta Alþingi samþykkja. Síðan hvenær hlusta ráðherrar á gangrýnisraddir ef þeir geta komið sínum málum fram og tryggt stöðu flokksins? Að þora ekki að láta reyna á afstöðu alþingismanna segir mér bara eitt og það er að, stofnanir flokksins hafa sett þessum ráðherrum stólinn fyrir dyrnar. Ef þeir þráist við, þá mun stjórnarsamstarfi slitið og hvorki Guðlaugur né Þórdís verða þá á listum við næstu kosningar.

Fresta orkupakkanum til vors

Vælubíllinn kallaður út!

15 mínútna fjölmiðlabað Rannveigar Ernudóttur VARA-borgarfulltrúa Pírata mun hvorki verða henni sjálfri til framdráttar né hreyfingunni sem sem hún var kjörin til að þjóna. Um þetta "ofbeldi" og "einelti", sem hún kvartar svo mikið undan við blaðamenn, höfum við aðeins hennar hlið málsins. Og það er greinilegt að þarna fer kona sem er ekki í jafnvægi. Kona sem var tekin úr baðmullarumbúðunum og bregst svona við þarf að spyrja sjálfa sig hvaða erindi hún á í pólitík eða félagsstarf almennt. 

Eins og Björn Leví sagði, þá er ekki um stórt mál að ræða í sjálfu sér. Þetta snýst einfaldlega um að fara eftir þeim lögum og reglum sem Píratar hafa sett og gera það á gegnsæan hátt. Ráðning aðstoðarmanns framkvæmdastjóra var á snið við reglur hreyfingarinnar og því eðlilegt að sú ráðning sé kærð. Ef menn vilja vera samkvæmir sjálfum sér.

Píratasamfélagið er ekki saumaklúbbur fólks með brotna sjálfsmynd.  Rannveig þarf að koma sér upp skráp og átta sig á að stundum eru önnur sjónarmið einfaldlega réttari. Þá sætta menn sig einfaldlega við það og halda áfram sínu starfi.  Þeir sem kalla á vælubílinn eru þeir sem stunda niðurrifið

„Þetta er áframhaldandi ofbeldi“

Hagsmunaárekstrar

Bæjarstjórinn okkar í Þorlákshöfn, Elliði Vignisson, skrifar grein á Eyjar.net og skammar eftirmann sinn í sæti bæjarstjóra Vestmannaeyja.  Þar fer hann hörðum orðum um Írisi Róbertsdóttur vegna þess sem hann kallar aðför að Lúðvík Bergvinssyni fyrrv. alþingismanni Samfylkingar og gegnum Eyjamanni. Elliði skilur sem sagt ekki hugtakið "hagsmunaárekstur" og blandar athugasemdum þar að lútandi saman við persónuníð og atvinnuróg.

Ég sem hélt að umræðan um hagsmunatengsl og mikilvægi þess að koma í veg fyrir hagsmunaárekstra hefði nægt flestum venjulegum mönnum til að hugsa þá hluti upp á nýtt en greinilegt er að enn finnast rotin epli og næg verkefni fyrir heiðarlegt fólk eins og Írisi Róbertsdóttur og hennar fólk í Vestmannaeyjum að taka til í stjórnsýslunni eftir árin hans Elliða og þar á undan Gauja bæjó, sem margir minnast sem mannsins sem týndi reikningum bæjarins í embættisferð til Reykjavíkur!

Lúðvík Bergvinsson var einn þeirra sem fékk óeðlilega fyrirgreiðslu í bönkunum fyrir hrun og var á fullu í braskinu með félögum sínum í Sjálfstæðisflokknum.  Þess vegna var hann fenginn til að stýra samningaviðræðum við ríkið(félaga Bjarna!) um yfirtöku Eyjamanna á rekstri nýju ferjunnar. Það í sjálfu sér er ekki málið heldur sá dómgreindarbrestur Lúðvíks, að semja við eigin lögfræðistofu vegna vinnu sem krafðist lögfræðilegrar aðkomu. Og það skiptir engu hvort heiðarlega hafi verið staðið að ráðningunni því þetta heitir einfaldlega HAGSMUNAÁREKSTUR!

Þetta verða sjálfstæðismenn að læra. Og sérstaklega Elliði Vignisson. Þú úthlutar ekki verkefnum til vina eða vandamanna og þú ræður þá ekki í vinnu ef þú sjálfur ert opinber starfsmaður eða kjörinn fulltrúi eða ráðinn bæjarstjóri af pólitískum samherjum uppi á landi.

Skatta, tekju og eignaójöfnuðurinn

Um þetta snýst orrustan sem er framundan milli Verkalýðsforystunnar og ríkisstjórnarinnar. SA mun ekki mikið þurfa á Halldóri Benjamín Þorbergs og reiknikúnstum hans að halda í komandi samningaviðræðum.  Þær verða útkljáðar milli Stefáns Ólafssonar og Kötu Jak.

Bjarni Ben verður beygður í duftið enda er hans verkefni ekki lokið. Hann á eftir að einkavæða bankana og orkuna til að fjármagna kostnað vegna næstu kjarasamninga. Þannig að hann sér tækifærin og mun ekki halda uppi jafn mikilli andstöðu og gegn hjúkrunarfólkinu okkar s.l vetur. 

Mark my words

Stjórn­völd í herferð gegn tekjulágum

Ofurmennið Dagur

Borgarstjórinn í Reykjavík er æðsti yfirmaður starfsmanna Reykjavíkurborgar. Borgarstjóri er ráðinn af borgarstjórn og getur verið borgarfulltrúi. Sé hann borgarfulltrúi hefur hann skyldur sem slíkur einnig.

Borgarstjóri gegnir þremur meginhlutverkum. Hann er framkvæmdastjóri Reykjavíkurborgar, opinber fulltrúi Reykjavíkurborgar og pólitískur leiðtogi meirihlutans. Öllum þessum hlutverkum fylgja skyldur, bæði fastar og valkvæðar.

Borgarstjóri hefur rétt til setu á fundum nefnda sveitarfélagsins með málfrelsi og tillögurétt. Hann er prókúruhafi borgarsjóðs. Hann undirritar skjöl varðandi kaup og sölu fasteigna borgarinnar, lántökur og aðrar skuldbindingar eða ráðstafanir sem samþykki borgarstjórnar þarf til. Borgarstjóra er heimilt með samþykki borgarstjórnar að veita öðrum starfsmönnum borgarinnar prókúru.

Borgarstjóri fer jafnframt með eignarhluta Reykjavíkurborgar í B-hluta fyrirtækjum. Hann er formaður almannavarnarnefndar höfuðborgarsvæðisins og er fulltrúi borgarinnar í SSH (Sambandi sveitarfélaga á höfuðborgarsvæðinu) og SHS (Slökkviliðinu á höfuðborgarsvæðinu).

Hvernig getur venjulegur maður sinnt öllum þessum störfum svo vel sé?
Svarið er: Hann getur það ekki

Á meðan venjulegt fólk veikist þá örmagnast ofurmennin. Ég hef auðvitað fulla samúð með Degi vegna þess hvernig komið er fyrir honum en á hina röndina þá má hann sjálfum sér um kenna.  Það er enginn ómissandi ekki heldur hann. Auðvitað er hann límið í borgarstjórnarmeirihlutanum. Án hans fellur þessi meirihluti eins og spilaborg.  En..so what! Það eru 20 aðrir kjörnir borgarfulltrúar sem bera jafna ábyrgð. Reykvíkingar eru vanir lélegum borgarstjórum. Dagur er engin undantekning. Ég get talið þá upp sem ekki stóðu undir væntingum.  Villi, Ólafur F. Jón Gnarr og núna Dagur B.  Allir þessir menn reyndu að sinna starfi sem þeir réðu ekki við og er allt of yfirgripsmikið. Er ekki allt í lagi þó Eyþór fái að spreyta sig?

Þórólfur og Egill réðu við starf borgarstjóra enda báru þeir ekki jafnframt ábyrgð sem kjörnir fulltrúar. Er ekki augljóst að það er hið eina rétta. Að borgarstjóri verði framvegis ráðinn á faglegum forsendum með meirihluta atkvæðum allra borgarfulltrúa og það verði þeirra fyrsta verk áður en þeir rotta sig saman í meirihlutasamstarf sem er ekkert annað en málamiðlun um vondar ákvarðanir

Aftur var Dagur plataður

Þessi brú er ekki góð fjárfesting fyrir Reykvíkinga eða framtíðarþróun gatnakerfis höfuðborgarsvæðisins. Og vegna takmarkandi notkunar mun hún fyrst og fremst gagnast þeim Kópavogsbúum sem þurfa að sækja til Reykjavíkur en Reykjavíkurborg mun samt bera mestan kostnaðinn. En það er svo sem enn hægt að bjarga málunum.  A.m.k. hvað varðar hönnun mannvirkja og útboð. En það mun kosta nýjan samning milli Reykjavíkur og Kópavogs og ekki víst að Dagur muni koma að þeim samningi.

Það sem á augljóslega að gera er að opna fyrir hringtengingu fyrir almenna umferð með tengingu yfir Fossvog og þaðan yfir í Bessastaðanes og áfram suður í Hafnarfjörð.  Slík framkvæmd myndi létta gífurlega á umferðarþunganum sem nú fer um Hringbraut-Miklubraut-Kringlumýrarbraut

Fyrst á annað borð á að fara þessa leið þá er ekkert vit í að byggja bara hálfgerða brú. Þetta verður að vera alvöru stofnbraut sem heyrir undir vegagerðina

Þegar tengingin verður komin þá geta menn í alvöru rætt kosti þess að byggja nýjan flugvöll á Bessastaðanesi eða Lönguskerjum.

Kársnesið í sölu

Konur í Karlalátum

Ég bar þessa frétt undir atferlisfræðing og hans álit var, að hér væri mögulega við eigendur þessara kvenna að sakast. Þeir hafi ekki sinnt þeim nægilega vel.  Að konur séu almennt hlýðnar og undirgefnar en þær þarfnist athygli eigendanna. Af frásögninni fannst honum sennilegt að í þessari grúppu væru 2 tegundir kvenna. Í fyrsta lagi væru þær sem hefðu verið gerðar ófrjóar og svo þær sem væru kynsveltar og skorti athygli.Svo benti hann mér á rannsókn sem hefði verið gerð á kostum og göllum ófrjósemisaðgerða.

Breytingar á konum við ófrjósemisaðgerð: 

Konur eru oftast gerðar ófrjóar vegna þess að eigandi hefur ekki áhuga á að rækta undan þeim en sjaldan vegna hegðunarvanda nema þeim er tengist karlalátatímabilinu. 

Kostir við aðgerðina: Konan fer  ekki í karlalæti og losna því bæði hún og eigandinn við umstang og óþrif er þeim fylgja. Engin óvelkomin börn og engar líkur á sjúkdómum í  æxlunarfærum svo sem legbólgu eða krabbameini í legi eða eggjastokkum.  Tíðni  brjóstakrabba hjá konum sem eru geldar ungar er einnig mjög lág. 

Aðrir kostir við aðgerðina : Eigandi losnar við hegðunarvanda sem fylgir  karlaláta-tímabilinu þ.e   aukna árásargirni gagnvart öðrum konum og  stress, óróleika og angist tengda s.k gerfióléttu sem margar konur fá eftir karlalætin og er afar slæmt fyrir þær. 

Gallar tengdar  ófrjósemisaðgerð á konum:  Rannsóknir hafa sýnt að einstaka konur verða  árásargjarnari og/eða stjórnsamari  eftir ófrjósemisaðgerð. Á það helst við ef konan hefur sýnt tilhneigingu til slíkrar hegðunar fyrir aðgerð. Skýring á þessu er sú að í móðurkviði voru þessar  konur umkringdar  karlkyns-fóstrum og því hafði karlhormón þeirra, Testósteron, áhrif á þær sem fóstur.  Þetta leiðir til þess að heili þeirra verður "stráks-legri" og móttækilegri fyrir áhrifum testósteróns. Eftir geldinguna eykst árásargirni gegn öllum körlum og jafnvel börnum vegna þess að testósterón framleiðist í smá magni í líkama kvendýra.   Þetta ber að hafa í huga ef eigandi vonast eftir að grimm eða árásargjörn kona mundi lagast ef hún væri gerð ófrjó, það hefur ekki nein áhrif nema  mögulega til hins verra.

Þetta kemur allt vel heim og saman við upplifun annarra sem hafa orðið fyrir árásum kvenna í þessari grúppu. Bæði kvenna og karla.  Þess vegna er ekki ástæða fyrir Jón Steinar til að bregðast sérstaklega við. Þessar konur eru ekki hættulegar ef þær eru ekki áreittar að fyrra bragði. En ef það gerist þá getur orðið að lóga þeim. 

Níða Jón Steinar á lokuðu vefsvæði

Seðlabankinn ræður genginu og vöxtunum

 Greinendur á markaði klóra sér nú allir í hausnum og finna ekki hagfræðilegar skýringar á gengisveikingunni aðrar en einhverja taugaveiklun almennings sem hafi allir hlaupið til og komið sparnaðinum úr landi. Er það líkleg skýring? Hversu mikil fífl halda ráðamenn að almenningur sé?

Seðlabankinn skuldar skýringar.

Hér áður fyrr stjórnaði LÍÚ genginu í gegnum Seðlabankann. Í dag eru það flugfélögin og samtök ferðaþjónustunnar. Í staðinn fyrir að flugfélögin axli ábyrgð á eigin rekstri og hætti undirboðum á markaði þá er íslenskur almenningur látinn koma þeim til bjargar með 25% gengisfellingu. Trúverðugleiki seðlabankans er í húfi. Hver ákvað að láta gengið veikjast? 

Icelandair taldi gengið ósjálfbært