Hver stjórnar Reykjavík?

Sannleikurinn um stjórnleysið í borginni opinberast nú alþjóð í svartri skýrslu Innri Endurskoðunar Reykjavíkurborgar vegna braggamálsins alræmda.  Niðurstaðan ætti undir öllum eðlilegum kringumstæðum að vera núverandi meirihluta hvatning, að taka á þeirri borgarstjórakrísu, sem hrjáð hefur borgina síðan Ingibjörg Sólrún lét af því starfi fyrir bráðum 16 árum. Á þessum tíma hafa 8 mismunandi óhæfir einstaklingar gegnt þessu ábyrgðarmikla starfi af mismiklu vanhæfi!  Flestir héldu að botninum hefði verið náð þegar  Ólafur F. var gerður að borgarstjóra, en síðan þá hefur krísan bara dýpkað. Fyrst með Jóni Gnarr og núna með Degi Bergþórusyni,  sem þrátt fyrir heilsuleysi neitar að stíga til hliðar.  Hversu alvarleg getur forystukrísa eins stjórnmálaflokks verið svo hún sé stærri en hagur 100 þúsund manna bæjarfélags?

Ég legg til að Dagur stígi til hliðar eða honum verði ýtt til hliðar og hæfur einstaklingur ráðinn til að koma skikki á hlutina í ráðhúsinu. Samfara hætti borgarfulltrúar beinum afskiptum af rekstri og sinni eingöngu stefnumótun.Dagur getur þá áfram sinnt fjölmiðlasamskiptunum eins og undanfarin ár. Það virðist henta honum best.

Áttu að kalla eftir upplýsingum

Slæmar fréttir fyrir ríkisstjórnina

Efling, undir forystu Sólveigar Önnu Jónsdóttur er nú óðum að ná vopnum sínum eftir að hafa hafnað forystu Björns Snæbjörnssonar og allra gömlu jálkanna í SGS. Þessi ákvörðun samninganefndar Einingar mun marka upphaf nýju stéttabaráttunnar.  Í þeirri stéttabaráttu eru atvinnurekendur ekki höfuðandstæðingurinn heldur ríkisvaldið, sem hefur stjórnað í þágu atvinnurekenda og fjármagnseigenda með tilstyrk fjórflokksins í hátt í 50 ár.

Nú vil ég sjá Eflingu og VR taka höndum saman og knýja stjórnvöld til aðgerða. Viðsemjandinn er ekki SA.  Viðsemjandinn er Katrín Jakobsdóttir og Gylfi Zoega. Hér er tækifæri fyrir Katrínu Jakobsdóttur að sanna, að hún sé eitthvað annað en strengjabrúða í höndum fjármálaráðherra. Katrín hefur þetta í hendi sér.  Það er nóg til skiptanna.Því er bara misskipt og því miður þá eru það stjórnvöld sem juku hér misskiptinguna en ekki atvinnurekendur. 

Efling dregur umboðið til baka

Þjófapakk á þingi

Eftir gegndarlausa sjálftöku á almannafé eru nú ránsmenn farnir í frí. Sumir á eigin kostnað aðrir láta ríkið borga ferða og dvalarkostnað. Líka þeir sem búa í Kópavogi!

Nú þarf að skera upp herör gegn þessari spillingu á Alþingi. Við eigum ekki að leyfa þessa sjálftöku á milljarðahækkunum, sem kostnaður vegna þingsins stefnir í.   Að ekki sé talað um þetta forsmánarlega frumvarp Bjarna Ben, sem lagt var fram til að lögbinda kjararán kjararáðs.

Mér er stórlega misboðið ef þetta verður látið viðgangast. Steypum þá bara stjórninni og segjum þessu liði upp vinnunni. Ef þeir skilja ekki að sjálftakan er komin yfir öll mörk þá verðum við almenningur bara að fá að kjósa aftur og velja heiðarlegt fólk til setu á alþingi í stað þessa þjófapakks sem nú ríður húsum.  

 

Ég á gult vesti og er tilbúinn í slaginn.

Þingmenn komnir í jólafrí

Sukkið í Sjómannafélaginu

Barátta Heiðveigar Maríu gegn Jónasi Garðars og klíkunni í Sjómannafélagi Íslands, beindi í skamman tíma kastljósi fjölmiðla að málefnum félagsins og kom þar margt athyglisvert í ljós.

Í fyrsta lagi, hvers vegna var farið í sameiningarviðræður við Jötunn og Sjómannafélag Eyjafjarðar?  Var það til að fela fjármálaóreiðu og gripdeildir á fjármunum Sjómannafélag Íslands?  Og hvaða heimildir hafði Jónas til að ráðstafa eignum Sjómannafélagsins til Sjómannadagsráðs? En það var eitt af þeim uppljóstrunum sem vakti athygli mína í tengslum við þetta mál.  Ég vona svo sannarlega að almennur félagsmaður í Sjómannafélaginu láti sig þetta mál varða og geri uppreisn gegn sitjandi klíku sem kaus sig sjálfa til eilífðarsetu og yfirhylmingar á óstjórn undangenginna ára sem rýrt hafa sjóði félagsins umtalsvert. 22 milljónir í ritlaun er ekkert nema þjófnaður og sama má segja um formannslaun upp á 1.9 milljón á mánuði.

Ég brýni sjómenn, sem eru félagsbundnir í þessu félagi að gera uppreisn á næsta aðalfundi og hreinsa út. Ef María Heiðveig vill koma skikki á félagið félagsins vegna þá mun hún draga úr kostnaði og sem formaður þá yrði hún að sætta sig við launakjör sem bjóðast almennt fyrir skrifstofuvinnu. Því þetta er fyrst og fremst skrifstofustarf.  Ef hún er ekki tilbúin til þess, þá er hún ekki rétta manneskjan í djobbið.

Mál Heiðveigar tekið fyrir í dag

Ríkisbókaflóð

Fyrirheitið um niðurfellingu virðisaukaskatts á bækur var gott. Þessi breyting á hugmyndinni er meira en slæm. Hún er arfavitlaus og kemur ekki til með að styrkja höfundana neitt að ráði.  Allur ríkisstyrkurinn mun renna í vasa milliliða eins og vanalega og eftir sitja höfundar á listamannalaunum og gramsandi almenningur á bókaútsölum eftir áramót.

Fyrir margt löngu keypti ég mikið af bókum á venjulegu verði. Þá var viðmiðið að bók og plata voru jafngild kaup. Þá þekktust ekki heldur brunaútsölur á jólabókalager í 10 mánuði á ári eins og nú. Í dag er viðskiptamódelið hátt verð og síðan endalausir afslættir. Þegar verzlunarmenn haga sér eins og bókaútgefendur gera, þá segir það mér, að útsöluverð bóka er alltof hátt. Mér dettur ekki í hug að kaupa bók sem kostar meira en 2000 krónur.  Það er verðið sem maður borgar á eftirmarkaðnum frá janúar til nóvember ár hvert.

Þessi afgreiðsla alþingis er ekki stuðningur við bóklestur og þaðan af síður við bókmenninguna. Það eina sem mun breytast er að útgefendum mun fjölga og titlunum á útsölunum eftir jól mun líka fjölga. Þar er líklegt að margar perlur glatist.

 

Stuðningur við bækur á íslensku festur í lög

Málatilbúnaður Gunnlaugs og Sigmundar

Það er enginn vafi í mínum huga að Gunnlaugur Sigmundsson hefur hvatt til lögsókna vegna útsendinganna frá Klausturs-umræðunum. Og Gunnlaugur er virkilega reiður fyrir hönd sonarins, sem aftur varð fyrir ómaklegri árás fjölmiðla!Drengurinn nýbúinn að taka sig á í ræktinni og farinn að mæta í vinnuna og lenda svo í þessu! Aftur!

Hvað er þá annað hægt en lögsækja helvítis skrílinn. Fyrst að kvarta við Persónuvernd og síðan stefna helvítis hótelinu sem strákurinn var staddur á þegar fyrirsátin var gerð.  því auðvitað var þetta ekkert annað en fyrirsát. Það hlutu að vera hlerunartæki þarna sem biðu eftir að taka Sigmund upp! Þetta var borðleggjandi í huga Gunnlaugs og það var allt sett í gang samkvæmt þessari ímynduðu atburðarás...EN... svo holdgerðist allt í einu uppljóstrarinn, öllum að óvörum, meira að segja héraðsdómaranum sem í óðagotinu sendi Báru ,uppljóstraranum, dómkvaðningu um að mæta sem vitni í fyrirhuguðu dómsmáli! 

Nú er málið ónýtt.  Það er sennilega ekkert í hegningarlögum sem nær yfir þessa gerð.  Að taka upp umræður annarra á prívat síma.  Því hvernig getur það talist refsivert að taka upp samtal alveg óvart til eigin nota en ekki opinberrar birtingar. Bára var ekki að hljóðrita samtal án leyfis. Hún var óvart að hljóðrita umræður á opinberum stað af því hún trúði ekki eigin eyrum yfir því hvernig talsmáti þingmannanna var. Og þess vegna setti hún á upptöku. Það var ekki hennar að tilkynna dólgunum um það.  Þeir áttu líka ekkert að vera þarna heldur í vinnunni sinni að fjalla um fjárlög ríkisins.  Hvað seinna gerðist er á ábyrgð fjölmiðla.  Ekki Báru.  Þess vegna verður ekkert sakamál höfðað. En skömm Miðflokksins verður bara meiri eftir því sem áhrif þeirra feðga eru meiri.  Hollast væri flokknum að reka alla 5 úr flokknum.  Þ.e Klausturdónana fjóra og Gunnlaug Sigmundsson að auki.

Hótar að verða ókurteis!

Hver stórfréttin rekur aðra af þingmönnum Miðflokksins þessar vikurnar. Sú nýjasta er yfirlýsing Þorsteins Sæmundssonar um hann hafi verið kurteis en ætli nú að hætta því. Þegar Bergþór og Gunnar Bragi heyrðu þetta urðu þeir glaðir við og buðu Þorstein velkominn í hópinn.  Hvað aðrir þingmenn hafa um þessa yfirlýsingu Þorsteins að segja er ekki vitað nema að Helga Vala hyggst taka málið upp í Stjórnskipunar og Eftirlitsnefnd, enda málið grafalvarlegt fyrir virðingu Alþingis útávið.

„Hef verið kurteis hingað til“

Talnaleikfimi skrifstofustjóra Alþingis

Yfirhylmari Alþingismanna réttlætir enn eina sjálftöku síns fólks.  Nú er vísað til fordæmis annarra þjóða en á algerlega röngum forsendum. Þegar yfirhylmarinn ber saman fjölda aðstoðarmanna ber hann bara saman aðstoðarmenn per þingmann en ekki fjölda landsmanna á bak við hvern þingmann eins og réttara er að gera. Í Danmörku búa 5.8 milljónir og þingmennirnir eru 175. Það gerir rúmlega 34 þúsund einstaklinga bak við hvern landsmann á meðan samsvarandi tala hér á landi er 5.365 eða sjöfalt færri. Ef Helgi yfirhylmari vill réttlæta sjálftökuna með samanburði við aðrar þjóðir verður hann að nota samanburðarhæfar stærðir. Er það ekki lágmarkskrafa?

Ef við berum okkur saman við Dani er okkar Alþingi nánast verklaust og þarf þá ekki á fleiri verkleysingjum á fullu kaupi að halda. Nema náttúrulega Miðflokkurinn sem þarf helst 2 aðstoðarmenn á hvern þingmann, bara til að styðja þá heim af barnum ef ekki til annars.

Pólitískum aðstoðarmönnum mun fjölga

Ræningjar í Kardemommubæ

Eins og allir vita er munur á þjóf og ræningja. Og eins og í Kardemommubæ þá ganga ræningjar líka lausir á Íslandi og lítið gert til að hafa hendur í hári þeirra.  Sérstaklega ef þeir tengjast valdamönnum innan Sjálfstæðisflokksins. En það hlýtur að vera skýringin á því að hjónakornin, Svanhildur Nanna og Guðmundur Þórðar, þau sem voru hvað stórtækust í gripdeildum úr þrotabúi Glitnisbanka skuli ekki hafa verið látin sæta ábyrgðum eða ákæru vegna augljósra svika og blekkinga við kaupin á Skeljungi.

En eins og kunnugt er þá tengist Bjarni Ben þessu svikapakki í gegnum viðskipti sín og fjölskyldunnar á árunum fyrir hrun. Nafnið sem dúkkaði oftast upp, er nafn Einars Arnar sem lék aðalhlutverkið í snúningnum sem tekinn var á Skeljungi og sem gerði þá sem komu að svikafléttunni forríkt fólk.  En það komu líka fleiri við sögu. Til dæmis Halla Sigrún Hjartardóttir sem skipuð var formaður stjórnar FME af engum öðrum en Bjarna Benediktssyni viðskiptafélaga Einars Arnar úr Fyrirtækjaráðgjöf Íslandsbanka.  Allan þennan viðbjóð er hægt að rifja upp hér.

Í dag er ránsfengurinn bundinn í tryggingafélaginu VÍS. Og Kasper vill verða stjórnarformaður.   Og Sebastian aka Bjarni Ben horfir í gegnum fingur sér en Soffía frænka aka Katrín J, ræður ekki við þetta freka fólk, frekar en í sögunni um Kardemommubæinn.  Enda sópurinn löngu genginn úr skaftinu.

Studdi ekki óbreyttan meirihluta í stjórn VÍS

Hvað segir Bergþóra við gagnrýni Lilju?

Þjóðvegur 60 á að liggja um Teigsskóg . Af því bara!  Þetta er afstaða Veghaldara ríkisins með dýralækninn í forsvari.

En nú er komin út alvöruskýrsla, sem leiðir líkum að nýtt vegstæði, sem þverar Þorskafjörð utanverðan, sé betri og hagkvæmari kostur sem framtíðarvegstæði þjóðvegarins til Vestfjarða.

Kostnaðurinn er sambærilegur en hagræn áhrif á samfélagið í Reykhólahreppi eru margfalt jákvæðari með Reykhólaleið, en leiðinni um Teigsskóg. Þetta kemur fram í skýrslu Viaplan, sem unnin var fyrir sveitarstjórn Reykhólahrepps, sem fer með skipulagsvald á umræddu svæði.  Vegagerðin segir að kostnaðurinn sé of mikill.  Lilja Karls, höfundur skýrslu Viaplans, segir um  fölsun að ræða í tölum Vegagerðarinnar. Þeir séu að bera saman epli og appelsínur. Þ.e. bitabrú og stöplabrú. Einnig kemur fram í skýrslu Lilju Karls fyrir Viaplan, að mögulega sé veghaldarinn að gera óþarflega strangar kröfur um gerð vegarins með tilliti til lítillar umferðar. Þar eru notuð einhver tækniorð sem hvorki ég né Bergþóra skiljum fyllilega en Bergþóra ætti að geta fengið kynningu hjá sínum verkfræðingum öfugt við mig.  En þó er það ekki öruggt. Því verkfræðingar vegagerðarinnar kunna bara að byggja bitabrýr. Á vef vegagerðarinnar er ekki einu sinni minnst á stöplabrýr eins og norðmenn kunna að reisa.  En á þessum tveim tegundum brúa virðist mikill kostnaðarmunur.

Ég er löngu búinn að taka afstöðu. gerði það reyndar 2011, þegar ég benti á leið R sem besta kostinn.  Talaði reyndar um jarðgöng undir mynni Þorskafjarðar en ekki brú.  Ástæðan var þær þveranir sem vegagerðin hafði gert t.d í Kolgrafarfirði.  Þar er svo sannarlega víti að varast.  En eins og kunnugt er vill vegagerðin gera samskonar þveranir á leið Þ-H um Teigsskóg. Þeir ætla að gera 3 firði að fiskgildrum svipaðri og Kolgrafarfjörð. Þ.e. Gufufjörð, Djúpafjörð og innanverðan Þorskafjörð! Hvaða rugl er það?

Reykhólaleið talin vænlegust